Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Abasi emi okokotde mbufo esin ke ebuana ye Eyen Esie Jisọs Kraist Ọbọñ ñnyin edi anam akpanikọ.
Nte mbufo ifiọkke ite ke mbufo ke idem mbufo edi Edisana Ebiet (temple) Abasi, ndien ke Spirit Abasi oduñ mbufo ke idem?
Ikpọkidem ñnyin enyene ediwak ndido, edi ediwak ndido emi anam kpa ikpọkidem kiet ke ini etañde mmọ edian ọtọ kiet, kpasuk ntre ke edi ye Kraist.
Yak mfọn Ọbọñ ñnyin Jisọs Kraist, ye Ima Abasi, ye ebuana Edisana Spirit odu ye mbufo kpukpru.
Nso ediomi odu ke ufọt Edisana ebiet Abasi ye ndem? Koro ñnyin idi ebiet iduñ Abasi uwem; kpa nte Abasi ke idem Esie ọkọdọhọde ete, "Ñyeduñ, ñyenyuñ nsaña ye mmọ, ndien ñyedi Abasi mmọ, mmọ ñko eyenyuñ edi ikọt Mi."
Mmọdo owo ekededi emi ediande enye ye Kraist, eyedi obufa obot; ñkani ñkpọ ema ebe efep, mbufa ñkpọ eda itie.
Edi Abasi anam kpukpru mme ñkpọ emi, Enyemi okotode ke Kraist anam ñnyin itie ke emem ye Enye, okonyuñ ọnọde ñnyin utom, ete ñnyin inam mmọ efen etie ke emem ye Enye ñko. Koro edi ke Kraist ke Abasi anam ererimbot etie ke emem ye Enye, Enye ibatke mme idiọkñkpọ emi mme owo enamde inọ mmọ. Enye ama onyuñ ayak etop editie ke emem ye Enye esin ñnyin ke ubọk ete ikwọrọ.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Kpañ utọñ! Ami nda ke usuñ ñnyuñ ñkọñ. Edieke owo ndomokiet okopde uyo mi onyuñ ebererede usuñ, Ami ñyeduk ntiene enye ñnyuñ ndia ñkpọ ye enye, ndien enye ñko eyedia ñkpọ ye Ami.
Ami mma ñkop ọkpọsọñ uyo emi otode ke ebekpo, ọdọhọde, ete, "Idahaemi ebiet iduñ Abasi edidu ye mme owo! Enye eyeduñ ye mmọ. Ndien mmọ eyedi ikọt Esie, ndien Abasi ke idem Esie eyedu ye mmọ, ndien Enye eyedi Abasi mmọ.
Koro ebiet ekededi emi owo iba, mme ita esobode, ke enyiñ Mi, Ami ñyedu ke otu mmọ."
"Ami mbọñke akam Mi nnọ mmọ emi ikpọñ, edi mbọñ akam ñko mbaña mme mmọ emi edikabarede esit enim Mi ke akpanikọ ke ini iso, eto ke etop Eti Mbuk emi mmọ edikwọrọde. Mbeñe nte yak mmọ kpukpru edi kiet, Ete, kpa nte emi Afo odude ke Ami ndien Ami ñko ndude ke Afo, yak mmọ ñko edu ke ñnyin man otodo ererimbot ekpenim ke akpanikọ ete ke edi Afo ọkọdọñ Mi. Ami mmọnọ mmọ ubọñ emi Afo ọkọnọde Mi, man mmọ edi kiet kpa nte emi ñnyin idide kiet. Ami ke mmọ, ndien Afo ke Ami, man otodo mmọ edi kiet ọyọhọ ọyọhọ, man ererimbot ediọñọ ete ke edi Afo ọkọdọñ Mi, ndien ke Afo amama mmọ nte Afo amade Mi."
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Owo eke enimde mbet Abasi, odu ke Enye, Enye onyuñ oduñ ke esit esie, oto ke Spirit emi Enye ọkọnọde ñnyin, anam ñnyin ifiọk ite ke Enye odu ke esit ñnyin.
Ñnyin imọfiọk ite ke Eyen Abasi ama edi, onyuñ ọnọ ñnyin ikike, man oto do ñnyin ifiọk ata Abasi akpanikọ, ñnyin inyuñ inyene ebuana ye ata Abasi akpanikọ ye Eyen Esie Jisọs Kraist. Enye edi ata Abasi akpanikọ ye nsinsi uwem.
Ñnyin imọfiọk ite ke Enye oduñ ke esit ñnyin, ñnyin ñko inyuñ iduñ ke Enye, koro Enye ọnọde ñnyin Spirit Esie.
Mme ndima ufan, eyak ñnyin ikpep ndima kiet eken, koro ima oto Abasi. Owo ekededi emi enyenede ima edi eyen Abasi, enye onyuñ ọdiọñọ Abasi.
Ñnyin imanam mbufo efiọk se ñnyin ikokutde ye se ñnyin ikonyuñ ikopde, man oto do mbufo ñko ekeme ndidiana ye ñnyin ke ebuana emi ñnyin inyenede ye Ete ye Eyen Esie Jisọs Kraist.
Ndien idahaemi, ndima nditọ mi, eka iso edu ke Enye, man ke Enye ama ọwọrọ owut idem, ñnyin ikpenyene uko ikunyuñ ikop but ke iso Esie ke edidi Esie.
Mmọdo sia ema ekenam ñnyin inen ke iso Abasi oto ke mbuọtidem, ñnyin imenyene emem ye Abasi oto ke Ọbọñ ñnyin Jisọs Kraist. Koro ke ntak mbuọtidem, Enye ama ada ñnyin oduk ke akwa itie mfọn Abasi emi ñnyin idude ke esit idahaemi, ndien ñnyin imadara ke idorenyin edibuana ubọñ Abasi.
Eyak ñnyin isaña ikpere Abasi ndien ke esit akpanikọ ye ọyọhọ mbuọtidem, ye esit emi ema ekenam asana ọkpọñ ubiomikpe, ye mme ikpọk idem eyetde ke edisana mmọñ.
Ke ntre, esuhọde idem mbufo esin ke idak Abasi. Ekunyime enọ Setan, ndien enye eyefehe ọkpọñ mbufo. Esaña ekpere Abasi, ndien enye eyesaña ekpere mbufo. Eyet ubọk mbufo, mme anam idiọkñkpọ. Enam esit mbufo asana, mbufo mme mbon mbubik.