Comunhão com os irmãos
A comunhão com os irmãos é marca da igreja verdadeira. Os cristãos primevos perseveravam na comunhão — partindo pão, orando e encorajando-se mutuamente.
Comunhão verdadeira
Perseveravam na doutrina dos apóstolos e na comunhão. A comunhão autêntica envolve amor sacrificial e acolhimento mútuo.
ते तैनेईं तैसेरी गल्लां कबूल की, तैनी तैन बपतिस्मो दित्तो, तैस दिहैड़ी लगभग कोई 3000 मैन्हु तैन मां शामल भोए। एना लोक प्रेरितन करां शिक्षा हासिल केरते थिये, ते संगती रखते थिये, ते साथी रोट्टी खाते थिये, ते प्रभु भोज मनाते थिये ते प्राथना केरने मां मघन रहते थिये।
प्रेरितां केरे ज़िरिये सेइं बड़े चमत्कार ते निशान भोते थिये, ते यरूशलेमेरे सारे लोक डेरि जे। यीशु मसीह पुड़ विश्वास केरनेबाले सारे अकोट्ठे रहते थिये, ते सैरी चीज़न मां एक्की होरि बराबर हिस्सेदार रखते थिये। ते तैना अपनि जेइदात ते माल सबाब बेच़तां एक्की होरेरी ज़रूरतरे मुताबिक रकम बेंटतां सेब्भी केरि ज़रूरत पूरी केरते थिये। तैना रोज़ अक मन भोइतां मन्दरे मां अकोट्ठे भोते थिये, ते घरन मां साथी रोट्टी खाते थिये ते प्रभु भोज मनाते थिये, ते अकोट्ठे भोइतां खुशी सेइं खाते थिये। तैना परमेशरेरी तारीफ़ केरते थिये, तैना सैरी केरि नज़री मां रोड़े थिये। ज़ैन पापन करां मुक्ति मैलती थी, परमेशर तैन लोकन तैन केरि टोली मां शामल केरतो थियो।
ते असेईं इस गल्लरू ध्यान लोड़े रखोरू कि अस केन्च़रे प्यार ते रोड़ां कम्मां केरे लेई एक्की होरेरी हिम्मत बधाम। ते एक्की ठैरी अकोट्ठू भोनू न शारम, ज़ेन्च़रे होरे लोक केरतन बल्के अस एक्की होरि हिम्मत देथ, तुस ज़ैस हिसाबे सेइं परमेशरे दुबारे एजनेरी दिहैड़ी नेड़ोंते लातथ तैस्से हिसाबे सेइं जादे एन गल्लन पुड़ च़लते भी राथ।
हेरा, इन केत्रू भलू आहे ते रोड़ी गल्ले।
कि ढ्ला लोक एप्पु मांमेइं मिलोरे रान!
इन त तैस कीमती तेलेरू ज़ेरू,
ज़ै हारूनेरे दोग्गे पुड़ छ़डोरो थियो,
ते तैसेरी दैढ़ी करां बेगतां,
तैसेरे लिगड़ेरे कूने तगर पुज़्ज़ो।
तैन हेर्मोन पहाड़ेरे तैस ओशरू ज़ेरूए,
ज़ै सिय्योनेरे पहाड़न पुड़ झ़ड़तीए!
यहोवा त तैड़ी सदा ज़िन्दगरी बरकत ठहरावरीए।
अस एप्पु मांमेइं केरही-केरही मिट्ठी गल्लां केरते थिये;
अस बड़े लोकन सेइं साथी परमेशरेरे घरे मां गाते थिये।
एक्की करां दूई रोड़ेन, तैन केरि मेहनतरो रोड़ो फल भोते। किजोकि अगर तैन मरां अक बिछ़ड़े, त होरो तैस खड़े केरेलो; पन अफ़सोस तैस पुड़, ज़ै अकैल्लो भोइतां खिरके, ते तैस कोई खड़ो केरनेबालो न भोए। फिरी अगर दूई ज़ने अकोट्ठे झ़ुलतन त तैन निग्घू लग्गेलू, पन अकैल्लो केन्च़रे निग्घो रेइ सकते? अगर कोई अकैल्ले पुड़ हावी भोए त भोए, पन अगर दूई ज़ने भोन तैना तैसेरो सामनो केरि सकेले। ज़ै रस्सी ट्लाई डोरिन सेइं बनाई गातीए तै जल्दी न ट्लुटे।
Amor fraternal
Amai-vos com amor fraternal sincero. Encorajem-se mutuamente e carreguem os fardos uns dos outros.
किजोकि तुस सच़ मन्नेरे ज़िरिये शुद्ध कियोरेथ, ते हुनी तुसेईं विश्वासी सैथन सेइं ईमानदैरी सेइं प्यार कियोरो लोड़े। तुसेईं एक्की होरि सेइं गहराई ते पूरे दिले सेइं प्यार कियोरो लोड़े।
ज़ैखन लोक तुश्शे घरन मां एज्जन त बगैर कोन्ची शिकायतां तैन केरू सुवागत केरा।
भाईच़ारेरे प्यारे सेइं एक्की होरि सेइं प्यार केरा; आदरी सेइं होरन एप्पू करां रोड़ो समझ़ा।
अगर मसीह मां किछ तसल्ली ते प्यारे सेइं हिम्मत ते आत्मारी मौजूदगी, ते किछ दर्द ते दयाए। ते मेरो ई आनन्द पूरो केरा कि अक्के मन राथ ते अक्के प्यार, ते अक्के खियाल, ते अक्के सोच रखा।
मसीहेरे वचन अपने दिलन मां रोड़ेच़ारे बस्सने देथ; ते सारे ज्ञाने सेइं एक्की होरि शिखाला, ते नसीहत देथ, ते अपने-अपने मन्न मां अनुग्रहे साथी परमेशरेरे लेई भजन ते स्तुति ते आत्मिक गीत ज़ोते राथ।
ते एक्की होरि पुड़ दया केरा, ते माफ़ केरनेबाले भोथ, ते ज़ेन्च़रे परमेशरे मसीह मां तुश्शे पाप माफ़ किये, तेन्च़रे तुस भी एक्की होरेरे पाप माफ़ केरा।
हे ढ्लाव ते बेइनव, तुस आज़ाद भोनेरे लेई कुजेवरेथ पन एरू न भोए, कि ई आज़ादी जिसमानी कम्मां केरे लेई मौको बने, बल्के प्यारे सेइं एक्की होरेरे सेवक बना।
एल्हेरेलेइ एक्की होरि हिम्मत देथ, ते एक्की होरेरी तरक्की भोनेरी ज़िरियो बना, लगातार, तुस एरू केरतथ भी।
अगर अस ज़ोम, कि तैस सेइं साथी इश्शी शामलीते, ते फिरी आंधरे मां च़लतम, त अस झूठेम, ते सच़्च़े पुड़ न च़लम। पन अगर ज़ेन्च़रे परमेशर लौई मांए, तेन्च़रे अस भी लौई मां ज़ींम, त एक्की होरि सेइं शामल रहतम ते तैसेरे मट्ठे यीशु मसीहेरो खून असन सेब्भी पापन करां शुद्ध केरते।
हे ढ्लाव ते बेइनव, खुशी राथ, सिद्ध बनते राथ; एक्की होरि हिम्मत देथ; ते मेल मिलापे सेइं राथ, ते प्यार केरनेबालो ते शान्ति देनेबालो परमेशर तुसन साथी भोल्हो।
अवं तुसन अक नंव्वो हुक्म देताईं कि, एक्की होरि सेइं प्यार केरा, ज़ेन्च़रे मीं तुसन सेइं प्यार कियो तुस भी एक्के होरि सेइं प्यार केरा।