41 ጰጽሮስ ኦዴዳዋ አኬዳዋንቱ ጻማቀቴድኖ፤ ሄ ጋላስ ሄዙ ሻአ ግድያ አሳይ አማኔድኖ። 42 ኡንቱንቱ የሱስ ኪቴዳዋንቱ ትምርትያን፥ እትፐተን ኡክ መን ምያዋንነ ጾሳ ዎሳን ገንጪኖ።

43 የሱስ ኪቴዳዋንቱ ኩሽያን ዳሮ ኦራባይነ ማላታቱ ኦሰትና፥ አሳ ኡባ ያሻይ ኦይቄዳ። 44 አማኔዳ ኡባቱ እትፐ ደኢኖ፤ ቃይ ባረንቶ ደእያባ ኡባካ እትፐ ሻክ አኬድኖ። 45 ኡንቱንቱ ባረንቱ ጋድያነ ባረንቶ ደእያባ ዛልእ ዛልኢደ፥ ኦናነ ኮሼዳ ኬና ሚሻ ኡባዉ ሻኬድኖ። 46 ቃይ ኡባ ጋላስ፥ እት ዎዛና ግዲደ፥ ጌሻ ጎልያን ፓጨናን ጋከቲደ፥ ባረንቱ ጎለ ጎለ ጼሰቲደ ናሸቻንነ ፓሽካ ዎዛናን ቁማ ሚኖ። 47 ጾሳ ጋላቲደ፥ አሳ ኡባን ሳበቴድኖ። ቃይ ጎዳይ አማን አትያዋንታ ጋላስ ጋላስካ ኡንቱንቱ ቦላ ጉጄ።

24 እቱ እቱዋና ዋን ሲቀታነንቶነ ቃይ ሎኦ ኦሱዋ ዎት ኦነንቶ፥ እቱ እቶ ቆፔቶ። 25 እቱ እቱ ሺቁዋ ዶያ ኦደ ሺቅያዋዳን፥ ኑንካ እትፐ ሺቅያዋ አጎኮ፤ ሽን ጎዳ ጋላሳይ ማታትያዋ ህንተንቱ በእያ ድራዉ፥ እቱ እቱዋ መንቶ።

1 እሻቱ እትፐተን ደእያዌ አይባ ሎኦቤነ ናሸችያቤ!

2 ሄዌ ሁጲያ ኦክና፥ ቡቻና ጎግያ፥

አሮና ቡቻና ጎጊደ

አ ማዩዋ ሞርግያ ጋክያ አልኦ ዛይትያ ማላ።

3 ሄዌ ሄርሞነ ደርያ ከተርሳይ፥

ጽዮነ ደረቱዋ ጋክያዋ ማላ።

መና ጎዳይ ሄዋን አንጁዋ፥ መና ደኡዋ እሜዳ።

14 ኑን እቱ እቱዋና ኡሎባ ሃሳዬዶ፤

ኑን ጾሳ ጎልያን አሳና እትፐ ስመረቴዶ።

9 እቱዋ ግድያዋፐ ላአ ግድያዌ ሎአ፤ አያዉ ጎፐ፥ ኡንቱንቱ ኦሱ እቱዋዋፐ አደ፥ ሎኦ አይፍያ እማናዉ ዳንዳዬ። 10 ቃይ፥ ላኡዋፐ እቱ ኩንዶፐ እቱ ደን፤ ሽን ባረካ ደእያ ኡራይ ኩንዶፐነ አ ደንያዌ ባይና ድራዉ፥ አዉ አየ አና! 11 ሜጎ ዎድያን ላኡ እትፐ ግሶፐ ሆኤ፤ ሽን ባረካ ግስያ ኡራ ሀቃፐ ሆአናዉ ዳንዳዪ? 12 እት አሳይ ባረካ ተአናዉ ዳንዳየና መቱዋ ላኡ አሳቱ እትፐ ኤቀቲደ፥ ተአናዉ ዳንዳዪኖ። ሄዙ ኩን ዶቀቴዳ ዎዶሩካ ኤለ ዱጸና።

22 ቱማተዉ ህንተ አዛዘትያዋን፥ ሎአ ማላትያ ኢታተይ ባይናን ህንተ እሻቱዋ ሲቃናዉ ህንተ ሁጲያ ጌሺደ፥ እቱ እቱዋና ምንሲደ ዎዛናፐ ሲቀትተ።

9 ዙዙመናን እቱ እቱዋ እማተን ሞክተ።

10 እቱ እቱዋና እሻቱዋዳን ሲቀትተ፤ እቱ እቱዋ ቦንችያዋን ናሸትተ።

1 ክርስቶሳን ህንተንቱ ደእያ ደኡ ህንተና ዎዛን? አ ሲቁ ህንተና መን? ጌሻ አያናና ህንተንቶ እትፐተይ ደኢ? ህንተ እቱ እቶ ኬኪቴኔ ቃረቲቴ? 2 ያቶፐ፥ ህንተንቱ ቆፋን፥ ሲቁዋን፥ ዎዛናንነ ቆፋ ፖሉዋን እቱዋ ግዲደ፥ ታና ፖሎ ናሸችተ።

16 ክርስቶሳ ቃላይ ህንተንቱ ዎዛናን ኩሚደ ደኦ፤ ህንተንቶ ደእያ አዳ ኤራተ ኡባን እቱ እቱዋ ታማርስተነ ዞርተ፤ ህንተንቱ ዎዛናን ጾሳ ጋላቲደ፥ ዎሳነ ማዝሙርያ፥ ጾሳ ሱን ቁ ኦያ የ የጽተ።✝

32 እቱ እቶ ኬክተነ ቃረትተ፤ ቃይ ጾሳይ ክርስቶሳ ባጋና ህንተንቶ አቶ ጌዳዋዳን፥ ህንተካ እቱ እቱዋ አቶ ጊተ።

13 ህንተንታ ግዶፐ፥ ታናዳን አማንያዋንቶ፥ አይለተፐ ከሳናዉ ጼሰቴድታ። ግዶፐነካ አይለተፐ ህንተ ከሴዳዋን፥ ህንተ አሳተ አሙ ህንተንታ ሞዶፖ። ሄዋ ድራ ሲቁዋን እቱ እቶ ሞደትተ።

11 ሄዋ ድራዉ፥ ህንተንቱ ቃይ ሀእ ኦያዋዳን፥ ሀራቱዋ መንተነ እቱ እቱዋ ድችተ።

6 ኑን ኑዉ አናና እትፐተይ ደኤ ጊደ ማን ደኦፐ፥ ኑ ሃሳያንነ ኑ ኦሱዋን ዎርዶቴቶ። 7 ሽን ፖኡዋን እ ደእያዋዳን፥ ኑንካ ፖኡዋን ደኦፐ፥ ኑዉ እቶ እቱዋና እትፐተይ ደኤ፤ ቃይ አ ናኣ፥ የሱስ ክርስቶሳ ሱይ ናጋራ ኡባፐ ኑና ጌሼ።

11 ዉርሰን ታናዳን ጾሳ ካልያዋንቶ፥ ሳሮ ደእተ፤ ባል ባይናን ደእተ፤ ታ ዞርያ ስስተ፤ እት ዎዛና ግዲደ ደእተ፤ ሳሮተን ደእተ። ሲቁዋነ ሳሮተ ጾሳይ፥ ህንተናና እትፐ ደአና።

34 ታን ህንተንታ ኦራ አዛዙዋ አዛዛይ፤ እቱ እቱዋ ሲቅተ። ታን ህንተንታ ሲቄዳዋዳንካ፥ ህንተንቱ እቱ እቱዋ ሲቃና በሴ።