Comunhão com os irmãos
A comunhão com os irmãos é marca da igreja verdadeira. Os cristãos primevos perseveravam na comunhão — partindo pão, orando e encorajando-se mutuamente.
Comunhão verdadeira
Perseveravam na doutrina dos apóstolos e na comunhão. A comunhão autêntica envolve amor sacrificial e acolhimento mútuo.
ୱାରି ଲୋଇ ନାଣ୍ତ ଲୋକୁ ୱାନି ମାଟାଦୁ ବିସ୍ବାସ୍ କିଜି ଡୁବନ୍ ଅତାର୍ । ଆୟା ନାଣ୍ତିଙ୍ଗ୍ ତିନି ହାଜାର୍ ଲୋକୁ ଦଲ୍ତୁ ମିସାତାର୍ । ଆୟାନାଣ୍ତିରାନ୍ ସିସୁର୍ ୱାରିଙ୍ଗ୍ ସିକିୟା ସିତାର୍ । ମାରି ୱାର୍ ମିସାବିଡ଼୍ ଆତାର୍, ରୁଟି ରୁକ୍ତେଙ୍ଗ୍ ମାରି ପାର୍ତାନା କିଦେଙ୍ଗ୍ ମୋନ୍ସିଜି ତେବାତାର୍ ।
ପ୍ରେରିତ ସିସୁର୍ ନାଣ୍ତ କାବାଆନି ସିନେଙ୍ଗ୍ ମାରି କାବାଆନି ବିସୟ୍ କିତାନ୍ । ମାରି ୱିଜେରେ ଆବେନୁ ତିଲାତା ସର୍ହାର୍ । ବିସ୍ବାସ୍ସିର୍ ଆପ୍ଣା ଆପ୍ଣାଦି ୱାଲେ ଉନ୍ଡ୍ରେମାନୁ ମିସାତାର୍ ମାରି ମିସାଜି ୱାରି ୱିଜୁ ଦନ୍ ସିଜିସାଜି ଆତାର୍ । ୱାର୍ ଆପ୍ଣା ଆପ୍ଣାଦି ମାନି ଦନ୍ତିଙ୍ଗ୍ ପର୍ଜି, ଡାବୁଙ୍ଗୁଁ ୱିଜେରି ଦର୍କାର୍ ଇସାବ୍ତାନ୍ ନିଜେନିଜେ ଲୋଇ ବାଟା କିତାର୍ । ୱାର୍ ୱିଜୁଦିନ୍ ପାର୍ତନାକିନି ମନ୍ଦିର୍ତୁ ଉନ୍ଡ୍ରେ ଦଲ୍ ୱାଜା ଉଣ୍ତାଜି ମାର୍ହାର୍ ମାରି ଇଲ୍କାଙ୍ଗ୍ ଇଲ୍କାଙ୍ଗ୍ ରୁଟି ରୁକ୍ସି ୱେଡ଼ିକା ମନ୍ତାନ୍ ମାରି ନେଗି ଜିବନ୍ତାନ୍ ଉଣିତିନିକା କିଜି, ମାପୁରୁଦି ଦନ୍ୟବାଦ୍ କିଜି ୱିଜେରେ ଲୋକା ୱାଲେ ନେଗି ୱେଡ଼ିକା କିତାର୍ । ମାରି ପ୍ରବୁ ରକିୟା ପୟ୍ନି ଲୋକାଙ୍ଗ୍ ୱିଜୁଦିନ୍ ୱାରି ଦଲ୍ତୁ ମିସା କିଦେଙ୍ଗ୍ ଆସ୍ତାନ୍ ।
ରାଦୁ, ମାଡୁ ଆଇୱାରି ଉଣ୍ତିଙ୍ଗ୍ ମୋନ୍ଦିୟାନ୍ ଆଜି ୱାରି ସୁବିଦା କିନାଟ୍; ଇୟାୱାଜା ଇସାବ୍ତାନ୍ ଜିବନ୍ନୋନିକା ସିଜି ସତ୍ପାଣି କିନାଟ୍ । ମାରି ଏନ୍ ଏନ୍ ଏଣ୍ତେସ୍ ପାର୍ତନାଦୁ ସୋନ୍ଡ୍ରେଙ୍ଗ୍ ଏଲା କିନାର୍, ମାଡୁ ଆୟାୱାଜା କିଏଟ୍ । ମାରି ପ୍ରବୁଦି ଦିନ୍ ଲାକୁତୁ ଆଜି ୱାଜିନାତ୍ ନେସ୍ସି ନିଜେନିଜେଦିଙ୍ଗ୍ ନାଣ୍ତ ୱେଡ଼ିକା କିନିକା ମାନାତ୍ ।
ଅରେନ୍ ମାଡ଼ାନ୍ ରିଏର୍ ନେଗିକାର୍, ଇରିଙ୍ଗ୍ ୱାର୍ ନିଜେ ନିଜେଦି ପାଣିଦାନ୍ ନେଗି ପଲ୍ ପୋଇନାର୍ । ଜଦି ୱାର୍ ମେଡ଼୍ତିଙ୍ଗ୍, ଅରେନ୍ ନିଜେ ତୋଡ଼ୁଦିଙ୍ଗ୍ ନିକ୍ନାନ୍; ମାତର୍ ଏନ୍ ମେଡ଼୍ନି ୱାଲେ ଅରେନ୍ନେ ତେବାନାନ୍ ମାରି ୱାନିଙ୍ଗ୍ ନିକ୍ନି ଉଣ୍ତିଙ୍ଗ୍ ଆଇକାନ୍ ଏନ୍ ସିଲେନ୍, ୱାନ୍ ଦୁଃକ୍ ପଇନି ଲୋକ୍ । ମାରିବା, ରିଏର୍ ଅର୍ସେ ଡରିତିଙ୍ଗ୍ ଉସୁମ୍ ଆନାର୍; ମାତର୍ ଅରେନ୍ନେ ଏଣ୍ତେସ୍ ଉସୁମ୍ ଆଦେଙ୍ଗ୍ ଆଟ୍ନାନ୍ ? ଏନ୍ ଅରେନ୍ନେ ମାନି ଲୋକ୍ତିଙ୍ଗ୍ ଆରା କିନାନ୍, ଆର୍ତିଙ୍ଗ୍ ରିଏର୍ ୱାନି ବିରୁଦ୍ କିନାର୍; ମାରି ତିନିଗୁଣ୍ ନାସୁ ବେଗି ତେଉଦେଙ୍ଗ୍ ଆଟ୍ଏତ୍ ।
Amor fraternal
Amai-vos com amor fraternal sincero. Encorajem-se mutuamente e carreguem os fardos uns dos outros.
ଇଲେଇ ମିର୍ ସତ୍ତି ସାରିତରିନ୍ ବୁଲାଜିମାନିଙ୍ଗ୍ ନିଜେ ନିଜେଦିଙ୍ଗ୍ ନେଗେନ୍ କିଆତିମାନିଦେର୍ ମାରି ବିସ୍ବାସ୍ତି ତଡ଼ାନ୍କାଙ୍ଗ୍ ଜିବନ୍ ନୋଦେଙ୍ଗ୍ ବଦା ମାନାତ୍ । ନିଜେନିଜେଦିଙ୍ଗ୍ ଜିବନ୍ତାନ୍ ଜିବନ୍ନୋଦୁ ।
ଗୁଜୁ ଗୁଜୁ ଆଏଣ୍ଗା ଲୋକାଙ୍ଗ୍ ମି ଇଲ୍କାଙ୍ଗ୍ କୁକ୍ତୁ ।
କ୍ରିସ୍ଟିୟାନ୍ ତଡ଼ାନ୍ ନି ତାଙ୍ଗିଁକ୍ ୱାଜା ନିଜେନିଜେଦିଙ୍ଗ୍ ଜିବନ୍ନଦୁ ମାରି ନିଜେନିଜେଦିଙ୍ଗ୍ ସନ୍ମାନ୍ ତର୍ତେଙ୍ଗ୍ଁ ଇଜି ୱେଡ଼ିକା ଆଦୁ ।
କ୍ରିସ୍ତଦି ୱାଲେ ମିସାନି ଉଣ୍ତିଙ୍ଗ୍ ମିର୍ ଜିବନ୍ତୁ ବପୁ ଆତିମାନିଦେର୍ । ମାରି ୱାନି ଜିବନ୍ନୋନିକା ମିଙ୍ଗିଁ ୱେଡ଼ିକା ସିଜିନାତ୍ । ମିର୍ ପବିତ୍ରଆତ୍ମାଦି ସାକାଦାନ୍ ୱେଡ଼ିକା କିଜିନିଦେର୍ ମାରି ନିଜେନିଜେଦି ଉଣ୍ତିଙ୍ଗ୍ ମିଙ୍ଗିଁ ଜିବନ୍ନୋନିକା ମାରି ଦୟା ମାନାତ୍ । ଆଦେଙ୍ଗ୍ ନାନ୍ ମିଙ୍ଗିଁ ଅନୁରଦ୍ କିଜିନା, ଉନ୍ଡ୍ରେ ମନ୍ତାନ୍, ଉନ୍ଡ୍ରେ ଜିବନ୍ନୋନିମାନୁ ମିସାନିକା ମାରି ଉନ୍ଡ୍ରେମୋନ୍ ମାରି ଆତ୍ମାଦୁ ଅର୍ସେ ଆଜି ମିର୍ ନାଙ୍ଗିଁ ପୁରା ୱେଡ଼ିକା କିଦୁ ।
କ୍ରିସ୍ତଦି ବାକ୍ୟ ନାଣ୍ତଦାନ୍ନାଣ୍ତ ମି ଜିବନ୍ତୁ ବାସା କିପିତ୍; ମିର୍ ନିଜେନିଜେଦିଙ୍ଗ୍ ପୁରା ବୁଦିଦି ୱାଲେ ସିକିୟା ମାରି ସତେନେ ସିଦୁ । ମାରି ଆତ୍ମିକ ମାପୁରୁଦି ଉଦେସ୍ତାନ୍ ପାଟା ପାର୍ଦୁ, ଆରାଦନା କିଦୁ, ମାରି ଦନ୍ୟବାଦ୍ଦାନ୍ ୱେଡ଼ିକାଦି ଜିବନ୍ତାନ୍ ପାଟା ପାର୍ଦୁ ।
ମାରି, ନିଜେନିଜେଦି ଉଣ୍ତିଙ୍ଗ୍ ସାକା ଆଦୁ ମାରି ନେଗି ଜିବନ୍ ଆଦୁ, ମାରି ମାପୁରୁ କ୍ରିସ୍ତଦିମାନୁ ମିଙ୍ଗିଁ ଏଣ୍ତେସ୍ କେମା କିତାନ୍, ଆୟାୱାଜା ମିର୍ ନିଜେନିଜେଦିଙ୍ଗ୍ କେମା କିଦୁ ।
ଏ ତଡ଼ାନ୍କୁ ନି ତାଙ୍ଗିଁକି, ମିର୍ ମୁକ୍ଡ଼ାଦେଙ୍ଗ୍ଁ ଇଜି କୁକାତିମାର୍ହିଦେର୍ । ମାତର୍ ଜାଗାର୍ତା, କେବଲ ମେନ୍ଦଲ୍ତିଙ୍ଗ୍ ଲାଲାୟ୍ ଆନି ଉଣ୍ତିଙ୍ଗ୍ ଆୟା ମୁକ୍ଡ଼ାତିକା ଏଣ୍ତେସ୍ ବାଡିସ୍ ୱାଜା ବ୍ୟବହାର୍ କିମାଟ୍ । ମାତର୍ ଜିବନ୍ନନି ମାଣାନ୍ ସାଲାଜି ମିର୍ ନିଜେନିଜେଦି ସେବା କିଦୁ ।
ଆର୍ତିଙ୍ଗ୍ ଇଲେଇ ଏଣ୍ତେସ୍ କିଜିନିଦେର୍, ଟିକ୍ ଆୟାୱାଜା ନିଜେଦିଙ୍ଗ୍ ନି ଆଇୱାରିଙ୍ଗ୍ ୱେଡ଼ିକା ନି ସାହାଜ୍ୟ କିଜିମାନ୍ଡ୍ରୁ ।
ୱାନି ୱାଲେ ମା ସହବାଗିତା ମାନାତ୍, ଇକା ଇନ୍ଞ୍ଜି ଜଦି ମାଡୁ ସିକାଟିଦି ମାନିକା, ଆର୍ତିଙ୍ଗ୍ ମାଟାଦୁ ମାରି ପାଣିଦୁ ମାଡୁ ମିଚ୍ଆନିକା । ମାରି ସତ୍ ବ୍ୟବ୍ହାର୍ କିଏପ୍ ମାନାପ୍ । ମାତର୍ ମାପୁରୁଦି ୱାଜା ମାଡ଼ୁ ଜଦି ଜାୟ୍ତୁ ବାସାନିକାନ୍, ମାଡୁ ଆୟାୱାଜା ଜାୟ୍ତୁ ବାସାନିକା, ଆର୍ତିଙ୍ଗ୍ ମା ନିଜେନିଜେଦିଙ୍ଗ୍ ସହବାଗିତା ମାନାତ୍, ମାରି ୱାନି ମାରିସି ଜିସୁଦି ନେତେର୍ ୱିଜୁ ପାପ୍ତାନ୍ ନରିସ୍ କିନାତ୍ ।
ତଡ଼ାନ୍କୁ ନି ତାଙ୍ଗିଁକ୍ ନା ସାରାସାରି ମାଟା ଇକା ନିଜେଦିଙ୍ଗ୍ ଟିକ୍ କିଦୁ, ନା ମାଟା ଆସ୍ତୁ, ୱିଜେରେ ଉନ୍ଡ୍ରେମାନୁ ଆଦୁ ମାରି ସାନ୍ତିଦାନ୍ ତେବାଦୁ । ଜିବନ୍ନୋନିକା ମାରି ସାନ୍ତିଦି ମାପୁରୁ ମି ୱାଲେ ତେବାପିନ୍ ।
ମିର୍ ନିଜେନିଜେଦିଙ୍ଗ୍ ଜିବନ୍ନୋଜିସାଦୁ, ଇୟା ପୁନି ମାଟା ନାନ୍ ମିଙ୍ଗିଁ ସିଜିନା; ନାନ୍ ଏଣ୍ତେସ୍ ମିଙ୍ଗିଁ ଜିବନ୍ନୋତାମାନା, ମିର୍ ବା ଆୟାୱାଜା ନିଜେନିଜେଦିଙ୍ଗ୍ ଜିବନ୍ନୋନିକା ମାନାତ୍ ।