Comunhão com os irmãos

41 Wanhu wengi wazitogola mbuli zake na wabatizigwa, na muna disiku diya wanhu magana malongo matatu wongezeka muna ulung’husesa. 42 Wano wose wagendelela kufundizigwa na watumigwa wa Yesu, kukala hamwe chindugu na kuja hamwe na kutosa.

Viya wahuwila viwakalile

43 Watumigwa watenda vilaguso na mawewedeko mengi mbaka chila munhu kadumba. 44 Wanhu wose womuhuwila Chilisito wagendela kuwa wamwe na kuigolela vinhu vawo. 45 Wakala wogula vinhu viwalinavo na waigolela hela fana chila munhu viyalondile. 46 Chila siku kwa moyo umwe wagendelela kuiting’hana hamwe muna Ikaye ya Mulungu, waja ndiya hamwe muna zikaye zawo na wadeng’helela ndiya ya Mndewa. 47 Wamtogoza Mulungu na wanhu wose wanogeligwa nawo. Chila siku Mndewa kakala kowongezela wanhu wakalile wolopoligwa.

24 Leka chigese nzila za kuiguma moyo kwa kulagusa ulondo na kusang’hana yanogile. 25 Na sekechileke kuiduganya hamwe fana wamwenga viwozowela kutenda, mbali chiigele moyo kwa kuiyoha ng’hani kutenda ivo, kwaviya vomuwona kuwa Siku ya Mndewa ya kuwalamulila nhaguso yahabehi.

Kuilumba kunoga

1 Ni mbuli inogile ng’hani na ya kudeng’heleza ndugu kukala hamwe na kuilumba.

2 Kutenda ivo kulinga fana mavuta yonung’hila goya yogidigwa muna iditwi da Haluni,

kulagusa kuwa Mulungu kamsagula yawe mkulu wa nhambiko.

Mavuta yayo mengi yakilima hasi hana ichidevu chake mbaka hana yamawalo yake.

3 Iviya kulinga fana nhungwe yogwa kuna umulima Helimoni.

Mndewa Mulungu kezautemela mate ng’hani mulima Helimoni siku zose.

14 Chizowela kulonga zimwe,

vichiilongoze na wamwenga kuhita kuna Ikaye ya Mulungu.

9 Muhavu kuwa waidi kufosa munhu yaidumwe, kwaviya wanhu waidi wezagwekigwa kwa sang’hano yawo. 10 One imwe wawo yahagwa, miyage komwinula. Mbali munhu yokala yaidumwe yahagwa kezagaya. Munhu iyo kabule munhu wa kumwinula. 11 Iviya kuhawa na mbeho, wanhu waidi wogona hamwe wopata vuke. Vino munhu yahagona yaidumwe kezapataze vuke? 12 Munhu yahawa yaidumwe kodaha kuhumigwa na mwihi, mbali wahawa waidi wezamuhuma. Nzabi nhatu zihogosigwe hamwe hazidumuka himahima.

22 Ivo muhamala kuisafya mihe yenu kwa kuutegeleza ukweli mbaka kuuvikila ulondo wa ndugu ulibule udelenya, iyoheni kuilonda kwa moyo umwe.

9 Muihokele mweye kwa mweye bila kulongelela.

10 Mwiinogele fana mwandugu mwa Chilisito, mwiitegeleze mweye kwa mweye, kwa hishima.

Unyendanyenda na Ukulu wa Chilisito

1 One mogumigwa moyo kwa kwiilumba na Chilisito, one ulondo wake wowagela moyo, one muna mvava na Muhe Yelile na one muna ubazi na uhole, 2 maabaho dimemezeni deng’ho jangu kwa kuwa na magesa yamwe, ulondo umwe, na moyo umwe na muhe umwe.

16 Mbuli ya Chilisito naikale ng’hani mgati mmwenu kwa mvunyo. Ifundizeni na kuizuma kwa ubala wose, imbeni zabuli, na nyila, na nyila za kuntunhiza Mulungu. Mwimbileni Mulungu mwiimizoyo yenu kwa kulava hewela.

32 Mbali muwe na moyo unogile na ubazi, chila munhu nayamulekelele miyage fana Mulungu viyamulekeleleni uhasanyi wenu kwa nzila ya Chilisito.

13 Mweye ndugu zangu mtangigwa muladi muilegehe, mbali kuilegeha uko sekekuwe chimu cha kutenda chinhu chochose chomulonda, ila muisang’hanile kwa ulondo.

11 kwa ivo igeleni moyo na kuitaza mweye kwa mweye fana vimutenda sambi.

6 Chihalonga kuwa chiilumba nayo na kuno chokala muna diziza, cholonga uvwizi na hachikala kwa kusondelela ukweli. 7 Mbali fana chokala muna dibung’hulo fana yeye viyeli muna dibung’hulo, choilumba cheye kwa cheye, na damu ya Yesu Chilisito yeli mwanage, yochisafya cheye uhasanyi wetu wose.

11 Na sambi ndugu zangu nohita! Muwe wanogile kwa chila mbuli, iviya yamhiseni ulonzi wangu na mudahe kuwa na magesa yamwe, na mukale kwa tindiwalo. Na Mulungu wa ulondo na tindiwalo, kezakuwa hamwe na mweye.

34 Lelo nowena lagilizo da sambi, mwilonde mweye kwa mweye. Fana niye vinimulondeleni mweye, na mweye mwilonde ivo ivo.