Comunhão com os irmãos

41 Wengi wahuwilaga mo ulosi wakwe niyo wabatizwa, want’hu wabuile magana milongo mitatu nawongezekela mwe dizuwa idyo. 42 Niyo wanda wakahinizwa ni wegala ulosi, wekalaga hamwenga mwe midugano ya wahuwila, wakabendula mkate no kumvika Mnungu.

Wikazi wa Wahuwila.

43 Vihungi vingi na va kwehela nevikadamanywa ni wegala ulosi, kila yumwenga niyo engilwa ni wogofi. 44 Wahuwila wose wagendeelaga kunda hamwenga na kuhangila vint’hu vawe kwa kila yumwenga. 45 Na wakataga vint’hu, no ugoli wawe na kukepangila matundu kuligana na viya kila yumwenga naakaviunga. 46 Kila zuwa dikutimila na wakadugana enga viya fyo mwe Nyumba ya Mnungu, naho nawakadya ndala, wakadya kwa kinyemi na mioyo ya ukise, 47 wakamtogola Mnungu no kuwatende want’hu wose welelwe. Naho kila zuwa Zumbe naakawagenyeza kwe difyo dyawe, kwa wadya nawakayokolwa.

24 Kifanyanye sila za kugelana moyo no kutigizana mwo lukunde na kudamanya ayedi. 25 Naho kisekuleka kudugana hamwenga, enga ivo watuhu wazoele kutenda. Mna kigelane moyo, vitendese kikadikaula Zuwa dya Zumbe ivo dili hagihi.

Uwedi wo uhamwenga wa want’hu

1 Vandilisa vedi naho vawagilisa,

umwo wandugu wakekala hamwenga naho kwa uhamwenga.

2 Ni enga mavuta ya yombe kulu yagidigwe mwo mtwi

yakuseela mwe zindevu za Haluni,

kubwiluka mwo ukosi we divalo dyakwe.

3 Ni enga mnyuzu wa kwo mnima wa Helimoni,

ivo ukugwa mwe vigulu va Sayuni,

kwaviya uko nuko Zumbe alagane uvikilwa wakwe,

ugima hewiina uheelo.

14 uyo nekikaonela kwa hamwenga kinyemi cho umbuya wetu,

na kuvika hamwenga mwe Nyumba ya Mnungu.

9 Ni vedi kunda na mvele kujink’ha kunda wikedu kwaviya waidi awa nawapate maliho yedi kwajili yo undima wawe. 10 Uneva mnt’hu yumwenga anagwa miyawe naamwinule, Mna hangi yehe mwenye mnt’hu akunda ekedu niyo agwa, uyo haande na mnt’hu ywa kumwinula. 11 Naivo waidi wananda hamwenga nawadahe kwambizana, mna ananda ekedu haadahe kukeambiza mwenye? 12 Hamwenga na kugamba mnt’hu yumwenga ekedu adaha kuhumwa ni mnk’hondo, mna wananda waidi nawamhume mnk’hondo ywawe. Hiyo vihufu kukant’ha sigi nt’hatu zinabilingwa hamwenga.

22 Nyuwe mkukizwa kale umuye kwa kuzumila ikindedi, kwa kuwaunga weenyu haheina utondwe, ivo kombekeni kunda na lukunde kwa moyo wenyu wose.

9 Hokelaneni nyuwe kwa nyuwe, haheina kulabila.

10 Mkeunge kwa lukunde lwa kindugu, kila yumwenga amjink’he miyawe kwa kulagisa wogofi.

Ukulu wa Kilisito, no kweseleza kwakwe

1 Togoleni, wikazi wenyu mwo kulunganywa na Kilisito awenk’hani nguvu? Togoleni lukunde lwakwe halukuwenk’hani kusangaala? Togoleni mna uhamwenga na Muye ywa Mnungu, na kuonelana mbazi na kuonelana usungu nyuwe kwa nyuwe? 2 Elo, kintizeni kinyemi changu kwa kunda na fanyanyi imwenga, no lukunde lumwenga, no moyo umwenga na kawiilo dimwenga.

16 Mbuli ya Kilisito yaungwa ikale mndani mwenyu imemile. Kehinizeni na kulangilizana kwa umanyi wose. Kemeni mila ya kumtogola Mnungu, mlekeleni Mnungu mwe mioyo yenyu kwa kumgamba, nivedi.

32 Mnde na moyo wedi wakufiilana mbazi, kila yumwenga amuusile miyawe wavu wakwe, enga viya Mnungu awausileni nyuwe wavu wenyu kwo mbokela Zumbe Yesu.

13 Mna nyuwe wandugu zangu, nomwitangwa mnde walekelwa. Mna ulekelwa wenyu use kuwalekela mwikailwe ni kumunk’hilwa kwiihile kwili mndani mwenyu, kiya mkuungwa ni kwambizana kwa lukunde.

11 Ivo duganeni, naho mwambizane nyuwe kwa nyuwe enga ivo mkudamanya ivi haluse.

6 Kinagamba kilungana hamwenga na yehe, mna chekala mwe diziza, nekinde wadant’hi naho hakikwikala kutimila ikindedi. 7 Mna uneva kinekala mwo ung’azi enga ivo yehe mwenye eli mwo ung’azi, nekinde no uhamwenga suwe kwa suwe, naho sakame ya Yesu Kilisito mwanawe, neikikukize wavu wose.

11 Elo haluse wandugu zangu chalagana! Damanyeni zimbuli zenyu, tegelezeni yadya huwagambila, ivaneni, ikaleni kwa utondowazi, naye Mnungu wo lukunde no utondowazi naande hamwenga na nyuwe.

34 Naho ivi haluse nawenk’hani sigilizi mp’hya, ‘Muungane enga viya miye niwaungile, kila yumwenga amuunge miyawe.’