41 Ikhaa jngó, tsí ninimbu̱únꞌ ajngáa rí niꞌthée̱n nijngúún ná awúun iya. Ikhaa máꞌ mbiꞌi rúꞌkhue̱n nijimi̱i xó mbá atsú míl (3 000) wáa xa̱bo̱ ga̱jma̱á nindxúu̱n. 42 Jamí tsíni̱ꞌñáa̱ rí nusngáá tsí nixúngui̱inꞌ Jesús, xúꞌkhue̱n máꞌ rí mbá ꞌnduꞌ jambáxúu̱n, rí naꞌphi̱i̱ guma jamí rí nuthán-jáñíi̱ Ana̱ꞌlóꞌ.

43 A̱ꞌkhue̱n mbá xúgíin xa̱bo̱ ni̱ka̱ a̱kui̱ín, numuu rí phú mbaꞌa rí ma̱makualóꞌ jamí rí phú wáá nune̱ tsí nixúngui̱inꞌ Jesús. 44 Mbá xúgíin xa̱bo̱ tsí ninimbu̱únꞌ juyáá Jesús mbá ꞌnduꞌ júwe̱e̱ꞌ rí jambáxúu̱n, jamí mbá xúgíí rí guáꞌdáa̱, drígúu̱n mbá xúgíi̱n ñajuun ne̱. 45 Nu̱ngu̱jwe̱e̱ mbañúu̱ jamí rí guáꞌdáa̱, a̱ꞌkhue̱n nu̱xpi̱ꞌtha̱a̱ mbúkho̱o̱ ne̱ ná inúú mbá xúgíin xómá rí ndaꞌyóo mbámbáa. 46 Xúꞌkhue̱n máꞌ tsíni̱ꞌñáa̱ rí nambáxii̱n mbá ꞌnduꞌ tsitsíí ná guꞌwá dxákuun, jamí nune̱-ri̱yaa̱ꞌ rí nikueꞌtso-añuu Jesús ná guꞌwúu̱n. Gagi a̱kuíi̱n naꞌphi̱i̱ guma mbá ꞌnduꞌ, jamí tsímáá nambáxúu̱n. 47 Nune̱-mba̱a̱ Ana̱ꞌlóꞌ, xúꞌkhue̱n máꞌ mbá xúgíin xa̱bo̱ xuajen na̱ni̱gu̱ún juñúu̱. Jamí mbámbá mbiꞌi naꞌne Táta̱ rí xa̱bo̱ tsí nanimbu̱únꞌ juyáá Jesús, ma̱jimi̱i tsí na̱ka̱-rajáwíin ga̱jma̱á nindxúu̱n.

24 Ga̱xná-gamiéjwanlóꞌ rí mu̱mbáyú-mijnálóꞌ kajngó ma̱wa̱ꞌa̱ a̱kia̱nꞌlóꞌ rí ma̱galóꞌ juꞌñúú xa̱bo̱ jamí rí mu̱ꞌne̱lóꞌ rí máján. 25 Mu̱xúꞌyá-ri̱dúúnlóꞌ mbá tikhuun tsí naguꞌwúún máꞌ rí nánguá igóó ná na̱gi̱mbíin a̱ngia̱nꞌlóꞌ, rí a̱gi̱mbáanꞌlóꞌ gajmiálóꞌ a̱ngia̱nꞌlóꞌ kajngó mu̱xprígú-mijnálóꞌ, i̱wa̱á máꞌ xúge̱ꞌ rí nduꞌyáálóꞌ rí nangiyuu máꞌ mbiꞌi rí Ana̱ꞌlóꞌ maxúdaa awan ga̱jma̱á numúú xa̱bo̱.

22 Nákhí rí ikháanꞌlaꞌ ni̱drígúlaꞌ ajngáa rí gakon ga̱jma̱á majñu̱u̱ Xu̱u̱ꞌ Ana̱ꞌlóꞌ,* a̱ꞌkhue̱n neꞌne-jaꞌwu̱u a̱kia̱nꞌlaꞌ kajngó ma̱ꞌne gakon rí nandalaꞌ ju̱ñu̱ú a̱ngia̱nꞌlaꞌ. Ikhaa jngó, ga̱galaꞌ ju̱ya̱-mijnálaꞌ ga̱jma̱á mbá jañii a̱kia̱nꞌlaꞌ.

9 Gagi a̱kia̱nꞌlaꞌ gúdrígú-mijnálaꞌ ná guꞌwálaꞌ.

10 Ga̱galaꞌ ju̱ya̱-mijnálaꞌ xómá nandúún juya-mijná mbá guꞌwíin xa̱bo̱. Gu̱ya̱-maku-mijnálaꞌ jamí gu̱ne̱-mba̱ꞌwo̱-mijnálaꞌ.

1 Ikhaa jngó xúge̱ꞌ rá, xí Krísto̱ naxnáa la tsiakhe̱ a̱kia̱nꞌlaꞌ, xí naꞌni̱i a̱kia̱nꞌlaꞌ numuu rí nandoo̱ jaꞌyalaꞌ, xí ikhaa máꞌ Xu̱u̱ꞌ Ana̱ꞌlóꞌ xtáa ga̱jma̱á nindxa̱ꞌlaꞌ mbá xúgiáanꞌlaꞌ, xí phú nandalaꞌ ju̱ya̱-mijnálaꞌ, jamí xí nañáwíin a̱kia̱nꞌlaꞌ ju̱ya̱-mijnálaꞌ, 2 gu̱ne̱-gagi̱ilaꞌ mbá jayu a̱kui̱nꞌ xúꞌkhue̱n rá, ga̱jma̱á rí naꞌne mbóó rí nu̱ndxa̱ꞌwa̱-mijnálaꞌ mbá xúgiáanꞌlaꞌ, mbóó máꞌ xó rí nandalaꞌ ju̱ya̱-mijnálaꞌ, jamí mbóó máꞌ rí nu̱ꞌgí-mijnálaꞌ rí mu̱ne̱.

16 Gatíí ajngóo Krísto̱ ná awúun a̱kia̱nꞌlaꞌ gáꞌne. Ga̱ma̱ña májánlaꞌ rí mu̱sngáá-mijnálaꞌ jamí rí mu̱xprígú-mijnálaꞌ. Gu̱sianlaꞌ inuu Táta̱ ajmúú rí na̱ꞌkha̱ ná i̱yi̱i̱ꞌ ajngóo Ana̱ꞌlóꞌ, ajmúú rí naꞌne-mba̱a̱ Ana̱ꞌlóꞌ jamí ajmúú rí nambáyúu nímia̱ꞌlaꞌ.

32 A̱ꞌkhue̱n gakon, ga̱nindxa̱ꞌlaꞌ xa̱bo̱ tsí májáan a̱kui̱ín jamí nañáwíin a̱kui̱ín juya-mijná. Gu̱ne̱ mba̱a̱ a̱kia̱nꞌlaꞌ ju̱ya̱-mijnálaꞌ, xómá rí neꞌne mba̱a̱ a̱kui̱in Ana̱ꞌlóꞌ jaꞌyalaꞌ ga̱jma̱á majñu̱u̱ Krísto̱.

13 Xómáꞌ ikháanꞌlaꞌ rá, a̱ngui̱nꞌ, tándxaꞌwálaꞌ Ana̱ꞌlóꞌ rí mi̱ꞌthán-ñájwanlaꞌ gáꞌne xtángoo. Ra̱ꞌkhá rúꞌkhue̱n iꞌthán rí ma̱goo mu̱ne̱laꞌ asndo wátha̱ inii rí xkawe̱ꞌ rí nandoo gáꞌne xuyalaꞌ. A̱ꞌkhue̱n gakon, gu̱ne̱-mba̱a̱-mijnálaꞌ kajngó ma̱kujma rí nandalaꞌ ju̱ya̱-mijnálaꞌ.

11 Ikhaa jngó, gu̱xna̱-míjnálaꞌ tsiakhe̱ jamí gu̱mbáyú-mijnálaꞌ rí ma̱wajúnlaꞌ xa̱ꞌ, xómá rí nu̱ne̱laꞌ máꞌ.

6 Xí nuꞌthánlóꞌ rí nambáxa̱ꞌlóꞌ gajmiálóꞌ Ana̱ꞌlóꞌ, jamí xóó ngriga̱ꞌlóꞌ ná mijína, a̱ꞌkhue̱n rí nu̱ꞌne̱-nduwalóꞌ, jamí na̱nguá juwalóꞌ nu̱ꞌne̱ rí gakon. 7 Xúꞌkhue̱n máꞌ xí ngriga̱ꞌlóꞌ ná nambiꞌi agu, xómá rí Ana̱ꞌlóꞌ Mikhuíí xtáa ná nambiꞌi agu, a̱ꞌkhue̱n rí nambáxa̱ꞌlóꞌ gajmiálóꞌ a̱ngia̱nꞌlóꞌ jamí ga̱jma̱á majñu̱u̱ iꞌdiuu Jesukrísto̱, Ana̱ꞌlóꞌ naꞌne mba̱a̱ a̱kui̱in jaꞌyoo mbá xúgíí aꞌkhánlóꞌ.

11 A̱ngui̱nꞌ, na̱tha̱n-ngáwalaꞌ ga̱jma̱á ajngáa ríge̱ꞌ: ga̱juwalaꞌ gagi. A̱gajáanꞌlaꞌ asndo rí ma̱ꞌne káxáanꞌlaꞌ. Gu̱xna̱alaꞌ tsiakhe̱ a̱kia̱nꞌlaꞌ. Mbóó ju̱ma̱ꞌlaꞌ gáꞌne rí mu̱ñajunlaꞌ. Jamí tsímáá gájuwalaꞌ. Xkuaꞌnii kajngó Ana̱ꞌlóꞌ tsí nandoo jaꞌyalóꞌ jamí tsí naꞌne rí ma̱juwalóꞌ tsímáá ma̱xtáa ga̱jma̱á nindxa̱ꞌlaꞌ.

34 »Na̱tha̱nꞌlaꞌ mbá xtángoo nuxe̱ꞌ rí nandoꞌ rí mu̱ne̱-mbáníílaꞌ: Ga̱galaꞌ ju̱ya̱-mijnálaꞌ. Xómá rí ikhúúnꞌ ndiyoꞌ ja̱ya̱ꞌlaꞌ, xkuaꞌnii máꞌ gágalaꞌ ju̱ya̱-mijná mangáanꞌlaꞌ.