23 Tinninna Ani insa’ne’ni, atinna Ane’ni hedhaten. Ati Anee ergitettexxanna anee eetettexxe qixxe’ni insa’neenna ati eete’eettexxa kaba butta duuchchiki manni ege’naashsha, mittoomi insa’neki haranga gargar higebaake kadowwaal.

34 «Ani ha’no’n haarooka ajaja uwwaannen; kunninna ha’no weli’aanni weli eetino’aate; yoona ani ha’noo eeyyennashshann ha’noonna weli weli eeyye.✝ 35 Ha’no welinn weli eetineexxe kaddoole hordofeeyye anxe kaddineexxa manni duuchchi tenne’ni ege’naan.»

44 Amaneeki duuchchi mittummaati mitteba hedha’nemmaan; anfeexxi yaane duuchcha mittummatixxemman.✝ 45 Boguwwakanna karruwa insa’neexxa gurgurra’ni maalaqa ookkonee mitte mittengee hasee qicika qoonda’neemman. 46 Barra barrande’ni woyyichchi galmi giddo mitteba bukki hinnaa’n mine mine insa’neeke’ni gammashshotinna gugurto afebaaxxe qalbenni itta inda’nemman. 47 Magenokanna saanda’nemman manni duuchchinna insa’nee ulfeesa’nemmani; Goottikinna barra barrande’ni anjirememmak manna insa’ne’ni leba’nemani.

3 Ha’nonna no’onni welti mittumma afinaashsha uundennexxanna lanqennexxa ha’no’ni kullannoni; mittoomi no’okinna Aabinni, Belti ifike Yessuusi Kiristoosinni weltiten.

16 Yessuusi Kiristoosi hedho ifixxa no’o’a sa’isseexxi uwweemmaxxee jaalala maachcho kaddeexxa tenne’ni egennannon; no’onna hedho no’oxxa dayyuwwa no’okee sa’issine uwwa hasissaan.

11 Tennexxee ta’a assitinammashsha mitti mitte nossowwaal; weli’aanni weli dayyeesse.

12 Tenneenna hiyya anxi ani ha’nooxxe amananni, ha’noonna anxe amananni weli weli dayyeesinnannoshshaten.

25 Duuchchiing welti afemma’n weli weli jajaabeesino malee’e mitti mitti manni assammashsha bukki hiyya no’oxxa waallonnoqqe’e; tenne mannii’n Goottiinke daggixxi barra shiqqa’n daggeexxa uuddina’n tennee caalla asse.

17 Sibilji sibiljo cabbammashsha, manjikinna ittanni mitti mitte cabba.

2 Welin weli qarqaarati mitti mitti ha’noogi weliinxa ba’o ba’edhowwaal! Konne toorinni Kiristoosika seera muuxinaan.

10 Yanna eloxxa alfinaannole manji duuchchi’a giddii’ninni ammaangtike mini hadi’a eloxxa yaane assinno!

9 Mitteba huccinoole eloxxa la’o alfinammaxxee

mitteke kadati mannii’n lameke kada woyyan.

10 Lami giddii’n mitti iboole mitti ke’issaan;

iboole ke’issaaka afebaak kinni hitta yaadisaake manjo!

11 Lami welti diiphoole lamiingi eebbaan;

mitti qofitti dhiiphoole kinni hitta eebba?

12 Mitti manjichchi qofitti mitte manjichchinni lolemoole

injifataaxxinna hexxeen; yaane kinni lame manjinni lolemoole dande’abaan;

Sakka assine sirinbe ganneexxi wodaro kutendaba.