A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
मी उनमे अरु तू मरा मे कि वे सिद्ध हुइखे एक हुय जाये अरु जगत जान कि तोने मेखे भेज्यो, अरु जसो तोने मरासे प्रेम रख्यो, ओसो ही उनसे प्रेम रख्यो.
मी तुमखे एक नइ आज्ञा देउस हइ, कि एक दूसरा से प्रेम रखनु जसो मेने तुम से प्रेम रख्यो हइ, ओसो मे तुम भी एक दूसरा से प्रेम रखनु. अगर आपस मे प्रेम रख्ये ते येका से सब जान्ये कि तुम मरा सेवक हइ."
अरु सब विश्वास करणआला जमा र्हेता था, अरु उनकी सब चिजहोन हिस्सा मे थी. वे अपनी अपनी सम्पत्ति अरु सामन बेची खे जसी जोकी जरुरत होती थी बाट दिया करता था. वे हरदिन एक मन हुइखे मन्दिर मे जमा होता था, अरु घर घर मे रोटी तोडता हुया आनन्द अरु मन की सीधाइ से भोजन कर्या करता था. अरु परमेश्वर की स्तुती करता था, अरु सब दुन्या उनसे खुश था अरु जो उध्दार पाता था.उनको प्रभु हरदिन उनमे मुल्य देतो थो.
जो कुछ हम ने देख्यो अरु सुन्यो हइ ओको समाचार तुम खे भी देस हइ येका लिये कि तुम भी हमारा साथ हिस्सेदार हो अरु हमारो यो मीलन बाप का साथ अरु ओको बेटो यीशु मसीह का साथ हइ.
हम ने प्रेम येमे ही जान्यो कि ओने हमारा लिये अपनो जान दि दियो हइ. अरु हम खे भी अपना भैइ भैइन का लिये जान देन खे हुनु.
अरु एक दुसरा को प्रोत्साहित कर अरु दुसरा कि मदत कर जसो कि तुम अभी करी रास हइ.
मनजे यो, कि जब मी तुमारा बिच मे हुइ खे तुमारा सात विश्वास का वजेसे जो मरा मे अरु तरा मे हइ, एक दुसरा कि मदत कर.
अरु एक दूसरा का साथ जमा होनु नी छोडनु, जसो कि केत्ता कि रीति हइ, पर एक दूसरा को प्रोत्साहित करणु तुम देखी रा कि प्रभु को दिन पास अय रो हइ.
तुम एक दुसरा को भार उठायो, अरु यो प्रकार मसीह की व्यवस्था खे पुरी कर.
येका लिये जहा तक अवसर मील्यो हम सब खे अच्छो कर, विशेष करीखे विश्वासी कुटुब का भैइ भैइन का साथ.
एक से दो अच्छा हइ, क्युकी उनका मेहनत को अच्छो फल मिलस हइ. क्युकी अगर उनका से एक गिरे, ते दुसरो ओखे उठाये; पन हाय ओका पर जो ऐखेलो हुइखे गिरे अरु ओखे कोय उठानआलो नी हुये. फिर अगर दो जन एक सात सोये ते वे गरम ऱ्हीहे, पन कोय ऐखेलो कसो गरम हुइ सकस हइ? अगर कोय ऐखला पर भारी हुये ते हुये, पन दो ओको सामनो करी सकस. जो रस्सी तीन तागा से बधी हुये वा झलदी नी टुटे.