A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
मे तीमनी मे अने तु मारी मे, जीनी सी तीहया पुरी रीते एक हय जाय अने आहयी कळी ना माणहु जाण लेय के तु मने मोकल्लो से अने जे रीते तु मने मोंग कर्यो तेमेत तीमनी सी बी मोंग करलो से।"
"मे तमने एक नवलो हुकम आपु, तमु एक-बीजा ने मोंग करो। जीसम मे तमने मोंग कर्यो, तेमेत तमु बी एक-बीजा ने मोंग करो। कदी तमु एक-बीजा ने मोंग करहु, ता आहयु देखीन आखा माणहु जाण लेहे, के तमु मारा चेला से।"
अने आखा ईसु पोर भरहो करन्या भेळात रेता हता, अने तीमनी पांह जे कंय बी हतु तीनी मे आखा नो साजो हतो। तीहया आपणु-आपणु माल-धन वेचीन, जे रुप्या-टका जड़े, तीहया रुप्या-टका जीने जोवे तीने आप देता हता। तीहया आखा एक-मन्या हय्न दाड़ीन मंदीर मे भेळा हयत्ला, अने आखान घोरे-घोरे जाय्न खुस हय्न मालीक नी खतरीन रीती मे भेसकायत्ला अने ह़ुदला मन सी भेळा हय्न खाणु खात्ला। अने तीहया भगवान नो गुण गाया करता हता, अने आखा माणहु तीमनी सी खुस हता। अने जे-जे पाप मे गेथो छुटकारो हात करत्ला, तीमने मालीक ईसु दाड़ीत तीमनी ह़ाते भेसकी देत्लो।
जे कंय आमु देख्या अने ह़मळ्या तीनी खबर तमने बी आपया, आनीन करते के तमु बी अमारी ह़ाते साजल्या बणो; अने आपणु भगवान बाह ह़ाते अने तीना सोरा ईसु मसी ह़ाते साजल्या से।
आपणु मोंग आनीत सी जाण्या के तीहयो आपणी जुगु आह़फा नो जीव आप देदो; अने आपणु ने बी भाय-बेन्या जुगु जीव आपवा जोवे।
एम करीन एक-बीजा ने सांती आपो, अने एक-बीजा नी लेदे फायदा नो कारण बणो, जेम तमु करी बी र्या।
मतलब आहयु, के जत्यार मे तमारी वच मे आवु ता आपणु तीहया भरहा ना लारे जे मारी मे अने तमारी मे से, तीनी सी मने अने तमने मदत जड़े।
अने एक-बीजा नी ह़ाते एकठा हयवा नी सोड़े, जीसम के केतरा नी रीती से, पण एक-बीजा ने ह़मजाड़ता रेवो; अने जीसम-जीसम तीहया दाड़ा ने ह़ाते आवत्लो देखो तीसम-तीसम अळी बी जादा आहयु कर्या करो।
तमु एक-बीजा नो भार उचलो, अने आहयी रीते मसी ना कायदा ने पुरा करो।
एतरे जां तक मोखो जड़े अमारी आखा ह़ाते भलाय करो; खास करीन भरहो करन्या भायु ह़ाते।
एक सी बे वारु से, काहाके तीमनी मेहनत नो वारु फोळ जड़े। काहाके कदीम तीमनी मे गेथो एक पड़े, ता बीजो तीने उठाड़हे; पण दुख तीनी लेदे से जे एखलो से, तीहयो पड़े ता तीने कोय उठाड़हे? अळी कदी बे जणा भेळा ह़ुवे ता तीहया उन्ला रेहे, पण कोय एखलो उनो कीसम हय सके? कदी कोय एखला ने देय ता तीहयो तीने बदाड़ लेय, पण बे जणा तीने नी माने। जे दोरी तीन ह़ेर वेर बंदायली रेय तीहयी सोटी नी टुटे।