A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
au hadan, buguya nidan, lun hayabin lun ábanmemebaña lan buidu buidu, subudi láamugei ubóu luagu bóunahan lan au, ani hínsiñe hamá bun saragu kei nínsiñe bun.
Níchigaali iseri gumadi le hun: Lun hínsiñegua humá húmagua. Ítara kei hínsiñe nun, lunti giñe hínsiñegua humá húmagua. Anhaün hínsiñegua húmagua, hasubudirubei sun gürigia luagu nani humá disipulugu.
Sun ha afiñerubaña, lídanñanu aban; aba buriti hafanreinhani le hámati hádangua. Halugurahéi burí hafulasun luma le hámati, aba hafanreinhani lebegi según lemegeirun kada aban. Sagü weyu hóundaragun ténpulurugu lun háhuduragun lun Bungiu. Lárigiñe, aba hóundaragun lúbiñe aban hádangiñe lun héiginu fein lidan aban lau ugundani luma ǘnabuguni. Ábaha halawahani Bungiu, ábati hínsiñe hamá houn gürigia; ábatiha anaaheina lániña Bungiu ha asalbareinabaña hanwoun.
Wariñaguñein lubeiti le ariha wamaalibei luma le aganba wamaalibei hun, lun gayaraabei lan lidan humá aban wama, ítara kei lídanñadiwa lan aban luma Bungiu Úguchili labu luma Hesukrístu le liráü.
Subudi wamuti katei lan ínsiñenibei: Luagu líchuguni Hesukrístu libagari wawagu. Lunti giñeti wánharun lun wíchuguni wabagari hawagu wíbirigu.
Ligía rúmeme humá lubéi gurasu luma erei húniwagua ítara kei hadügüni guentó.
lun giñe wíchugun gurasu wóuniwagua lau afiñeni le wawagubei.
Wagía afiñetiña, moun lumuti wafalaruni hénpulu hani ha héchubaña lun midin hamá lidan wadamuridagun, lubaragiñe lira, ru wamá gurasu houn wíbirigu, guentotima lau ariha wamani luagu yarafaali lan luéyuri Wabureme Hesukrístu.
Hámagiñegua gürigia hafurendeira,
kéisigubeirügü lau lan gürabu layarahóua gürabu.
Íderagua humá húmawagua lun hawanduni hihürügu; ítara luba hagunfulirun luma lilurudun Kristu.
Ligía, adüga waméi lubeiti le buídubei houn súngubei sagü gayara lan, hóuntima waduheñu lidan afiñeni.
Buítimatiña biama luéi aban, lugundun wéiritimati hafayeiruaha luagu hawadigimari. Ani anhein éiguada aban hádangiñe, liñuragubei le aban. Gama lumoun fugiabu le éiguaduti ani lábuguarügüñein, ladüga úabei kaba lan iñuraguei! Ani ánhaña giñe arounra biámagua lidan aban habacharaguba hawougua, ánheinti ábanrügü, ida lubagia labacharagun? Ábanrügü lábugua ménrengubei láfarahoun, gama lumoun biámagua hénrengubei háfarahoun. Gúrudu le ǘrüwaguati, hénrenguti látumuragun.