23 Nwɔ bɛ nu, na wɔ koso ɛwɔ me nu, ná wamaa bɛ koso bayɛ kõ paa, kyɛbɔ ɔkɔyɛ a wiase ne konwu kyɛ wɔ yeɛ ɛsomane me ɔ, na kyɛbɔ ɛdɔ me ne, sɔ ala yeɛ ɛdɔ bɛ ɔ.

34 Mema ɛmɔ ahyɛdeɛ foforɛ, yeɛ ole kyɛ, ɛmɔdodɔ ɛmɔ nwo. Kyɛbɔ medɔ ɛmɔ ne, sɔ ala yeɛ ɛmɔdodɔ ɛmɔ nwo ɔ. 35 Sɛ ɛmɔdodɔ ɛmɔ nwo a, ɛhene yeɛ ɔkɔmaa ebiala konwu ye kyɛ, amba, ɛmɔte m’asuafoɛ."

44 Né bɛ bɔ baayɛ gyidifoɛ namukoraati wɔ neka-horɛ, na bɛfale bɛ nningyein mukoraati bɛbɔle nu, 45 na bɛtɔnene b’ahodeɛ ne b’agyapadeɛ, na bɔ benyane ye ne, bɛhyɛle maa ebiala nyane bɔ ohia ɔ. 46 Daa biala, né bɛfa adwene kõ bɛkɔ asɔre awuro berɛ, bɛbɔnu bɛdidi wɔ b’awuro, bɛfa anigye ne ahone bɔ enu te bɛbɔnu bɛdidi, 47 bɛye Nyameɛ ayɛ, na benyane mmenia namukoraati nyunu adom. Na daa biala, né Awurade kɔ so fa bɛ bɔ odɛ bɛ ngoa ne bie baboka so.

3 Bɔ yanwu ye na yate ne, ɛhene yeɛ yɛka ye nwo dwirɛ yɛkyire ɛmɔ, ná wamaa ɛmɔ ne yɛ afa adamvoa, kyɛbɔ yɛne Baba ne né ɔwa Yesu Kristo afa adamvoa ne.

16 Ɛhe yeɛ ɔmaa yɛnwu bɔ ɔdɔ kyire ɔ: Yesu fale ye ngoa tole berɛ mane yɛ, yeti odikyɛ yɛ koso yɛfa yɛ ngoa yɛto berɛ yɛma yɛliema mɔ.

11 Yeti, ɛmɔ hyehyɛ ɛmɔ nwo nguraen, na ɛmɔboka-boka ɛmɔ nwo, kyɛbɔ ɛmɔyɛ nala.

12 Kyire kyɛ, mene ɛmɔ mukoraati, ebiala kɔfa ye gyidie kɔhyɛ ye mmango nguraen.

25 nnɛmɔ maa yɛyakyi kyɛ yɛne yɛ nwo koyia nu, kyɛbɔ ebiemɔ ayakyi ne, mmom ɛmɔma yɛhyehyɛ yɛ nwo nguraen, ɛnga-nga kesaalae bɔ yanwu ye kyɛ ngyẽa né pingye ne.

2 Ná ɛmɔhɔ so bɛboka-boka ɛmɔ nwo,* sɛ ɛmɔyɛ sɔ a, né ɛmɔdi Kristo mmeraa naso.

10 Yeti, mmerɛ biala bɔ yekonya ye nwo atee ne, ɛmɔma yɛyɛ mmenia mukoraati pa, ɛnga-nga bɛ bɔ yɛne bɛ bɔ abusua wɔ gyidie nanu ne.