Comunidade
A comunidade cristã é essencial para o crescimento da fé. A Bíblia ensina que fomos criados para viver em comunhão — edificando-nos, encorajando-nos e servindo uns aos outros.
Viver em unidade
Os que creram eram um coração e uma alma. A comunidade primitiva partilhava tudo e vivia em harmonia e alegria.
विश्वासीए कठा मिली करै ज़िन्दगी
विश्वास करनै आल़ी टोली ती तत्त-दिला का एक हुई दी। इधी तैणीं कि कोहै निं आपणीं ज़ैदाता लै बी आपणीं बोल्दअ त। पर तिन्नें ती सोभै गल्ला एकी-दुजै लै कठा।
तेखअ तिंयां सोभ लागै शधाणूं का शिक्षा लंदै, संगती, प्रभू भोज़ा करदै अर हर धैल़ै प्राथणां करदै लागी।
हर धेल्लै हआ तै तिंयां भबनै कठा अर घअरै-घअरै प्रभू भोज़ करदी नंद अर भलै मन्नैं खाआ तै रोटी। तिंयां सोभ करा तै परमेशरे स्तोती अर सोभ लोग तै तिन्नां करै खुश अर ज़सरअ उद्धार हआ त, तिन्नां ज़ोल़ा त हर धैल़ै प्रभू तिन्नां संघै।
ईंयां सोभै शधाणूं तै कबल्लै एक मन्न हई प्राथणां करदै लागै दै। तिन्नां मांझ़ै तै प्राथणां करदै होर च़ेल्लै बी अर कई बेटल़ी ज़ुंण प्रभू ईशू संघै हआ तै अर प्रभू ईशूए ईज मरिअम अर ईशूए दूई भाऊ।
कैद खानै बागै त पतरासा लै पहरअ पाअ द अर विश्वासी टोलीए सोभै भाई-बैहण तै एक मन्न हई कबल्लै परमेशरा का प्राथणां करदै लागै दै।
किल्हैकि ज़िधी दूई या चअन ज़ण्हैं मेरै नाओंऐं कठा हआ, तिधी हआ हुंह आप्पू तिन्नां संघै।’"
Edificação mútua
Vivam em harmonia uns com os outros. Não haja divisões entre vós. A comunidade cresce quando cada membro contribui.
विश्वासीए टोली दी फूट
भाईओ, हुंह करा तम्हां का प्रभू ईशू मसीहे नाओंऐं अरज़ कि तम्हैं सोभै डाहा आप्पू मांझ़ै सोभै कठा रही एक मन्न अर एक मकसद।
किल्हैकि हाम्हैं सोभ, कै यहूदी कै होरी ज़ातीए, कै गलाम कै आज़ाद, हाम्हैं आसा एकी ई आत्मां अर देही संघै डुबकी लई दी अर हाम्हां सोभी लै आसा एक्कै ई पबित्र आत्मां दैनी दी ज़िहअ हाम्हैं एकी प्रिहअ का झुटा।
किल्हैकि ज़ेही म्हारी ऐहा एकी देही दी कई आंग आसा, ईंयां निं सोभै एकी रंगो काम करदै। तिहअ ई हाम्हैं बी ज़ुंण मसीहा दी विश्वासी आसा, हाम्हैं बी हआ तेऊए देही ज़िहै, अर हाम्हैं आसा तेते आंग अर हाम्हैं आसा एकी-दुजै संघै साझ़ू।
ज़िहअ भलअ तम्हैं आप्पू लै सोठा तिहअ सोठणअ दुजै लै बी, घमंडी निं हणअ पर गरीब आम लोगे संगती दी रहणअ अर आप्पू लै निं इहअ समझ़णअ कि हुंह आसा होरी का खास्सअ समझ़कार।
आपणैं भाई लै निं दोश लाई
ज़ुंण विश्वासा दी दुबल़अ आसा तेऊ निंयां आपणीं संगती दी, पर ज़ै तेऊ बैहम आसा, तेऊ संघै निं ऐहा गल्ला दी दोश लाई हठल़दै लागी कि तेऊओ विश्वास निं थारै विश्वासा ज़िहअ आथी।
हुंह करा परमेशरा का तम्हां लै एही प्राथणां कि सह तम्हां लै सबर अर हैअ दैए अर तेता करै तम्हां मसीहा ईशू दी एक हई मिल़ी-ज़ुल़ी रहणें मज़त होए।
खिरी चतैनगी दैणीं
ऐबै भाईओ, मेरी आसा तम्हां लै एही अरज़ कि ऐहा गल्लो डाहै धैन ज़ुंण लोग तम्हां मांझ़ै फूट पाआ अर ज़ुंण लोग तम्हां परमेशरे अदर करनै का रोक्के इना इहै लोगा का रहै दूर।
Amor e compromisso
Não deixemos de congregar. O vínculo perfeito é o amor — ele une a comunidade e produz frutos que duram.
ऐहा गल्लो डाहणअ खास धैन कि आप्पू मांझ़ै एकी दुजे किहअ करै सका झ़ूरी अर भलै कामां करना लै मज़त करी। आप्पू मांझ़ै कठा हणअ निं छ़ाडी, ज़िहअ कि कई भैस्स आसा, पर एकी-दुजै रहा समझ़ाऊंदै लागी, अर ज़िहअ-ज़िहअ प्रभूए फिरी एछणें धैल़ै तम्हैं नेल़ एछदअ भाल़े, तिहअ-तिहअ रहै होर बी खास्सै मिलदै-ज़ुल़दै लागी।
सोभी का ज़रूरी गल्ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़।
आप्पू मांझ़ै करा एकी-दुजै संघै मेल़-ज़ोल़ा दी रहणें पूरी कोशिश ज़ुंण पबित्र आत्मां दैआ अर हाम्हां एक डाहा बणाईं।
बिधाते परज़ा लागा मिल़ी-ज़ुल़ी करै रहणअ
सह भाल़ केही शोभली अर भली गल्ल आसा कि
बिधाते परज़ा रहा आप्पू मांझ़ै मिल़ी-ज़ुल़ी करै।
भलाई करनै पिछ़ू कष्ट
खिरी बोला हुंह तम्हां सोभी लै इहअ कि तम्हैं सोभै रहा आप्पू मांझ़ै एक मन्न हई। एकी-दुजैओ डाहणअ धैन-खैल। एकी-दुजै संघै करा भाई अर बैहणी समझ़ी झ़ूरी, होरी लै हणअ झणैल़ू अर घमंड निं कधि करनअ।
मेरै पैरै भाईओ, ज़ै परमेशरै हाम्हां संघै एही झ़ूरी किई, तै लोल़ी हाम्हैं बी आप्पू मांझ़ै झ़ूरी किई।
पर ज़िहअ परमेशर प्रैश्शअ आसा, ज़ै तिहै ई हाम्हैं बी प्रैश्शै दी हांढे, तै हआ म्हारी एकी-दुजै संघै साझ़ अर तेऊए पूत मसीहा ईशूओ लोहू करा हाम्हां सोभी पापा का शुचै।
मसीहा दी निं ऐबै यहूदी अर होरी ज़ाती मांझ़ै किछ़ै भेद आथी, नां कुंण मसीहा दी गलाम आथी अर नां कुंण आज़ाद, अर नां कोई मर्ध, नां बेटल़ी, किल्हैकि तम्हैं सोभै आसा मसीहा ईशू दी एक। किल्हैकि तम्हैं आसा मसीहा दी एक अर तै आसा तम्हैं आबरामे असली लुआद अर तेऊए बरासते हकदार बी अर तम्हां भेटणीं तिंयां सोभै गल्ला ज़ुंण तेऊ आबरामा संघै थिई करार किई दी।
तिन्नां बिधबा बेटल़ीओ करै अदर ज़सरी मज़त करनै आल़अ कोहै निं आथी अर तिन्नें कर हेर-सभाल़।
हुंह खोज़ा तम्हां का सत्त, ज़ुंण तेऊए कदर करे ज़ुंण मंऐं तम्हां सेटा लै छ़ाडअ, सह करा मेरी कदर। ज़ुंण मेरी कदर करा सह करा तेऊए कदर ज़ुंणी हुंह संसारा लै आसा छ़ाडअ द।"