Confiabilidade
A confiabilidade de Deus é absoluta. Ele é fiel em todas as suas promessas, constante em seu amor e seguro em seu caráter. Podemos confiar nele completamente.
Deus é fiel
O Senhor é fiel em todas as suas palavras e bondoso em todos os seus atos. Grande é a sua fidelidade!
आसे खत्म नि ऊए; ये यहोवे री महान करूणा रा फल ए, कऊँकि तेसरी दया अमर ए। से दया हर प्यागा खे नयी ऊँदी रओई; ओ यहोवा तेरी सच्चाई महान ए।
प्रभु आपणे सबी आका पाणे वाल़ेया रे नेड़े ए,
से तिना सबी रे नेड़े ए, जितणे तेसखे सच्चाईया साथे आका पाओए।
प्रभुए मेरिया तँईं आपणे वादे रे मुताबिक सब कुछ पूरा करना; ओ प्रभु, तेरी करूणा सदा री ए!
जो काम तैं शुरू कित्तेया, तेसखे एबे तूँ खत्म करी दे।
पर तिना खे जो यहोवे रा आदर करोए, तेसरी करूणा सदा तक बणी दी रणी,
ओर तेसरी पलाई पीढ़िया ते पीढ़िया तक बणी रणी।
जो तेसरी वाचा खे पूरा करोए
ओर तेसरे उपदेश याद करी की तिना खे मानोए।
देखो, प्रभु आपणे पग्ता पाँदे नजर राखोआ जो तेसरी आज्ञा खे मानोए
ओर तिना पाँदे जो तेसरी करूणा री उम्मीद राखोए,
कऊँकि प्रभु न्याय साथे प्यार राखोआ ओर तेस आपणे पग्त नि छाडणे।
तिना री रक्षा तो सदा ओई, पर दुष्ट माणूंआ रे बच्चे नाश ऊई जाणे।
पर प्रभु विश्वासो जोगा ए, तिना तुसे मजबूतिया साथे खड़े करने और तेस दुष्टो ते बचाई की राखणे।
तुसे केसी एड़ी परीक्षा रे नि पड़े, जो माणूंआ रे सईणे ते बारे ओ। पर परमेशर विश्वासो जोगा ए और तेस तुसे सामर्था ते बारे परीक्षा रे नि पड़ने देणे, बल्कि परीक्षा साथे-साथे तिजी ते बचणे री बाट बी परमेशरो तुसा खे देणी, ताकि तुसे सईन करी सको।
इजी री खातर जाणी लओ कि तेरा परमेशर यहोवा ई सच्चा परमेशर ए, से विश्वास करने जोगा परमेशर ए; ओर जो लोक तेस साथे प्यार राखोए ओर तेसरी आज्ञा खे मानोए तिना साथे से ह्जार पीढ़िया तक आपणी वाचा रा पालण ओर तिना पाँदे दया करदा रओआ।
ओर तांते आगे-आगे चलणे वाल़ा यहोवा ए, से तां साथे रणा ओर तेस ताखे आसरा देणा ओर ना तूँ छाडणा, इजी री खातर डर नि ओर ना नराश ओ।"
Caráter de Deus
Toda boa dádiva vem do alto. O Senhor é bom e sua misericórdia dura para sempre. Nele podemos descansar.
कऊँकि हर एक अच्छा बरदान और हर एक खरा दान स्वर्गो तेईए और जोतिया रे पिते री तरफा ते मिलोआ। परमेशर सदा एक जेड़ा रओआ और ना ई टवांवे जेड़ा बदलोआ।
यहोवे रा तन्यवाद करो, कऊँकि से खरा ए;
तेसरी करूणा सदा री ए।
ओ यहोवा, तूँ पला ओर माफ करने वाल़ा ए,
ओर जितणे ताखे पुकारोए तिना सबी पाँदे तूँ बऊत करूणा करने वाल़ा ए।
से त्याया खे पीणे खे बऊत पाणी देओआ
ओर पूखेया खे खरिया चीजा साथे रजाओआ।
पर मां तेरिया तागती रे बारे गीत गाणा
ओर प्यागा तड़के ई तेरी करूणा री मां जयजयकार करनी।
कऊँकि तूँ मेरा ऊच्चा गढ़ ए
ओर मुसीबता रे बखते तूँ मेरी शरण लणे री जगा ठईरी रा।
आपणा बोज प्रभुए पाँदे पाई दे;
तेस तूँ सम्बाल़ना,
तेस तार्मिक माणूं कदी नि टल़ने देणे।
यहोवा तेरी रक्षा करने वाल़ा ए,
ओर से ना तो सऊणा ओर ना तूँ रूड़ने देणा।
Integridade e confiança
Eu sou o Alfa e o Ômega — Deus é o mesmo ontem, hoje e sempre. Fiel em o que realizou e realizará por cada filho.
प्रभु परमेशर ये बोलोआ, "आऊँ ई पईला और आखरी ए, मतलब से जो आए और जो था और जो आऊणे वाल़ा ए और जो सर्वशक्तिमान् ए।"
पर ओ यहोवा, तूँ तो सदा तक रणा; तेरा राज पीढ़ी-पीढ़ी तक बणेया दा रणा।
ओ यहोवा, तूँ मेरा परमेशर ए,
आऊँ तेरे नाओं री स्तुति करूँआ, मां तेरे नाओं रा तन्यवाद करना,
कऊँकि तैं अचम्बे रे काम करी राखे, तैं पुराणे बखतो ते सच्चाईया साथे योजना करी राखी।
माणूंए री दया सबी ते बड़ा गुण ए,
ओर गरीब माणूं चूठ बोलणे वाल़े माणूंए ते खरा ए।
जो आपणे पड़ोसिये री चुगली करदा रओआ, से पेतो रिया गल्ला बताओआ,
पर परोसा करने जोगा माणूं गल्ल लकोई राखोआ।
सीदेया लोका रा चलणा ई तिना रा आगे बढ़ना ए,
पर विश्वासघाती आपणियां बुरिया चाला ते नाश ऊई जाओए।
तेसरे मालके तेसखे बोलेया, ‘धन्य ए तूँ, खरे और विश्वास जोगे दास, तूँ थोड़े रेई विश्वासो जोगा रया, मां तूँ बऊत चीजा रा अक्कदार बनाणा, आओ मां साथे खुशिया रे शामिल ओ।’
एबुए तक तुसे मेरे नाओं ते पिता ते कुछ नि मांगेया, परमेशरो ते माँगो तो तुसा खे मिलणा, ताकि तुसा री खुशी पूरी ऊई जाओ।