Confiança
A confiança em Deus é âncora da alma em tempos de tempestade. Quem confia no Senhor não será abalado — porque o Deus fiel sustenta, protege e guia os que nele esperam.
Confiança inabalável
Tudo posso naquele que me fortalece. O meu Deus suprirá toda necessidade. Quem confia não será confundido.
Acu teingkieng beu kelabe ziemne Ih ma pelane tei lubui.
Cu a Tinggwang pe kendu mahei kebam Khrista Jisu gade nnui teumaikesia leune pwapeu zie.
Nah Ih ma aidungde cisiakte bam, nnuida bata keyi ndeu kegaibe de Jisu Khrista cailigwang kera tingba benai kecang tei jüja teicang beuzie.
Iciucai ma aidungde ziemne anui dai ranglai? Tinggwang anui kilam lacai, caune anuide renia lulai?
mede kecehu, mede kecok, mede damkelu keheibe de, anui Rampaube Khrista Jisu gade Tinggwang keku de gade anuide teuntsam gailak.
A kensiuki nah A kengkieng bam
Hutube Tinggwang msiu ga lungh kebambe au
Ngkiengtube miekang ga bamzie.
Ih RAMPAUBE ha rangzie, "Pa a kemsiube nah acu kegumbe,
a Tinggwang, Ih nlumla kelabe."
A kelikelu nah a kendu au Tinggwang da bam;
Tinggwang acu gum kela kengkieng be nah a kemsiube.
Ih ngngidi kecudau,
Ih a kenlum de n da bam zie.
Tinggwang dage, pe sam Ih hetwa peu kelabe,
Tinggwang da Ih a kenlum kai pwabam; Ih ngngi di lak;
migede acu daige tei lulai?
Fundamento de confiança
Deus não é homem para que minta. Todas as suas promessas são firmes. Confiar em Deus é segurança absoluta.
Tinggwang au mina ma, cine pa nret lak,
Mede mina ge eh pe lung nreu lama.
Pa ma keheibe de tei mene pe sampet gaini?
Pa cide teipet kai mene mage tei zie de rangni?
Rangkang kehegin gade n zaireli peu kwak bamlu. Nda kebambe dungde teumnung lu, kedanemene Tinggwang rangla, "Ih ncu madaude gi dilak, meliene Ih ncu madaude püt dilak."
Cine anui kuu eh rang,
"Rampaube au acu kenghabe; Ih ngngi dilak.
Mina a dage daige tei lulai?"
Kesang sam nang a dade siu keludung de mzai siakte bamlu, nah Khrista Jisu da kebam kenlum nah keku ga bamlu.
A na, nang au Khrista Jisu dade kepet ngaugiabe ga ngkieng sap lulo.
N mlung pekiene teu RAMPAUBE de nlumlu
nah n kecikecet de ga ngngei diso;
nang ketei leune ga pecu hetwa peulu
iciude pa n lampuidung tei mzui beuzie.
N mlung pekiene teu RAMPAUBE de nlumlu
nah n kecikecet de ga ngngei diso;
nang ketei leune ga pecu hetwa peulu
iciude pa n lampuidung tei mzui beuzie.
RAMPAUBE dage n ta pelane kaibeu lu,
iciude n mariemdung teicang luzie.
Pecu ledeu kegaidung cet teune kegaime keyibe ngau luzie,
nah RAMPAUBE de nlum kelame de samlam beuzie.
Mina de kehing au hebai ge tei dila,
dede RAMPAUBE de nlum kelame de gum luzie.
Confiar em todas as coisas
Não pertenço ao mundo — minha cidadania é do céu. A confiança cristã repousa na fidelidade de Deus, não nas circunstâncias.
Nreule kebambedung ha cet bamlo, kideu ga kebambedung ha be mene.
Jisu pe dade rangdi, "‘Nang tei lubui cai lieni’? Nlum kelame ziemne maleune tei lubui."
Cine pa sam keli gai, "Mina tei gai kelakpe Tinggwang dade teilu bui."
Tinggim ga kela ruinedung de pie gailo: penui heleuh teugi gai lama mede luhlüt lama, mede hebau gage teugwang hekwa lama, dede tinggim ga kebam nnui Pei penui pok tei beula. Nnui cidungde swa yiki melui ni?
Ih ma aidungde nnui dage rang gaila iciu eh nnui a dade lungciep bamlu kerane. Kideu gade nnui keherei zie, dede kuulu, Ih kideube reu ngkieng luda".
Dede RAMPAUBE de nlum kelume au samlam pung, kedanemene RAMPAUBE au pe keregui be.
Kedanemene pa au tsingbang ge duireukung gage ling kegai nzwa, pe mahdung hereu gwale him pet zie.
Cide kelum kegwang dau hinglak, kedanemene peneidung au mdiak bammui la.
Cide tingrui kegah dau lungrei bam lama, nah cide petsi kei kecu mtak lak.
Nang duidung ga kahpet kecu dau, Ih ncu ngngwa la zie; nah hereuki dung kahpet kecu dau penui nreu ngam di lak.
Nang mi ga kah pet kecu dau ncu ru dilak, nah miheu dung ne ncu tei msia di lak.
Nah anui peda kekuu kebam de au, anui pe lungningbe nzwa ma keheibede kie liecai, pa anui kwa kingnei kela deda.
Nah anui peda kekuu kebam de au, anui pe lungningbe nzwa ma keheibede kie liecai, pa anui kwa kingnei kela deda.
Nah Tinggwang anui ziemne keku kebam de anui ci nah nlumla. Tinggwang au keku, nah keku ga kebambe Tinggwang dala, nah Tinggwang pe dala.
Rabedung de ncet lu
Akumedung, rabe leune de nlum so, dede rabedung Tinggwang dade gwang mi mebi kecu kedak pielo, kedanemene kenret caihakecime kekiee ge kideube ga ladi delu.
Esperar com confiança
O Senhor está perto de todos os que o invocam. Na espera confiante encontramos descanso e direção divina.
RAMPAUBE au pecu qu kelame pelane da nna bam,
pecu nlumlukebui gade qu kela pelane da.
N samkakkelu samsang de peu acu tingcang dau siu lulo,
kedanemene Ih ncu nlum lalu.
Ih tet mai kesia lampui de acu saulia lo,
kedanemene Ih ndage a rabe teu ncuh gai la.
RAMPAUBE peu n pi reneu dilak;
ncu kegumbe au ziangmui dilak.
RAMPAUBE de nlumlu nah makeyi teilu;
kideube ga lungh lu nah samsang eh kwaklu.
N keyi daihiage de dino
ncu rüt kelame ziemne hekwa pwa kebamde,
n da nsiu kelame dage liabeu kelade
mina leune dage!
Nang mecai a ziemne tinggim ga cau bam no?
Kideu ga nang gwale migede Ih luu keneu ga.
Dede peu helungketie de de peta teicanglu, iciu de nnui magede cang kemak tei mene, yicang siak nah canglu kerane.
Dede peu pecu magede lunghau di mene, kenlum gade kielu, kedanemene lunghau kelabe au jaaidi ga dui nswak, tingkai ne lule ailam gui gwangkelade nzwa da.
kedanemene anui kengau gade mene kenlum gade tetla.