Confiança
A confiança em Deus é âncora da alma em tempos de tempestade. Quem confia no Senhor não será abalado — porque o Deus fiel sustenta, protege e guia os que nele esperam.
Confiança inabalável
Tudo posso naquele que me fortalece. O meu Deus suprirá toda necessidade. Quem confia não será confundido.
Sun katei gayara numuti lidan Kristu le íchugubei erei nun.
Líchugubei lubeiti Nubungiute sun le hemegeirubei hun keisi burí luéirigun lirisin, lídangiñe Kristu Hesusu.
Chouru numuti luagu Bungiu lan le agumeserubei adügei lubuidun luadigimari hidan, lasigiramémeba lan adügei darime weyu le liábingüle Hesukrístu.
Kábati wariñaga luagu burí katei le? Anhein luéigiñeñein lubéi wafulesein Bungiu, kábagia habafu wáganiñu wawagu?
ni le siélubei, ni le ubouagubei, ni burí amu katei le ladügübei Bungiu —siñati lafanreinraguniwa luéi línsiñehabu le larufudubei woun lidan Wabureme Hesukrístu.
Ha áluahabaña haramudagun lidan Wabureme
aganóua hagía lábugiñe lamuñadina Bungiu Suntigabafu,
gayaraati hariñagun lun Bungiu:
«Buguya naramudaguagülebei, le óunigirubalina,
Buguya Nubungiutebei, le uágubei nemenigida!»
Lúmagiñe Bungiu liabin nesefurun luma ninebese;
ligía óunigirubalina aramudalana.
Buagu nemenigida, lidan nanufude.
Hemenigitina luagu Bungiu alawahanei lererun:
Hemenigitina luagu Bungiu ani manufudetina.
Kábagia gayara hamá gürigia adüga nau?
Fundamento de confiança
Deus não é homem para que minta. Todas as suas promessas são firmes. Confiar em Deus é segurança absoluta.
Mítaranti Bungiu kei ha góunwedadibaña:
Meyeehan liña masansiragun laritagun.
Dan le lariñagun aban katei, adüga lumuti.
Dan le ladügün aban füramasei, gúnfuli lumuti.
Míchiga huméi hínsiñehabu luagun seinsu; gunda humá lau le húmati, lugundun líchugubei Bungiu le hemegeirubei hun. Ariñagaali: «Nóunigirubadibu; mígirun nubadibu».
Gayaraati lubeiti wariñagun lau afiñeni:
«Nabureme Bungiu íderagubalina; manufudebadina.
Kábati gayara hamá gürigia adüga nau?»
Mígirabei luwuyeri arufudahani harumati le níchugubei bun, abagaridabá lau bafiñen luagu Kristu, arufudeina ínsiñeni le wibihibei lúmagiñe Hesukrístu.
Ánheinti buguya, niráü, resibibá erei lídangiñe abiniruni le wibihibei lau lídanñadiwa lan aban luma Hesukrístu.
Afiñebá luagu Bungiu tau sun banigi,
mamalá luagu lualin bichügü.
Haritaguabá luagu Bungiu lidan sun le badügübei,
ábame lanügünibu luéigiñe üma le surubei.
Afiñebá luagu Bungiu tau sun banigi,
mamalá luagu lualin bichügü.
Haritaguabá luagu Bungiu lidan sun le badügübei,
ábame lanügünibu luéigiñe üma le surubei.
Rubei sun le badügübei lúhaburugun Bungiu,
ábame lóunwenbudun le baransehabei.
Ha alidihatiña buidu, buiti lidin houn;
fuleseiwatiña ha hemenigibaña luagu Bungiu!
Ítara liña anufudei houn gürigia kei aban sádara,
ánhaña ha hemenigibaña luagu Bungiu, góunigiwatiña.
Confiar em todas as coisas
Não pertenço ao mundo — minha cidadania é do céu. A confiança cristã repousa na fidelidade de Deus, não nas circunstâncias.
Samina humá luagu burí katei le lánina sielu, mama luagu burí le lánina ubóu.
Aba lariñagun Hesusu lun:
—Ka uagu bariñaga "anhein gayara lubéi"? Sun katei gayaraati lun le afiñebei.
Lariñaga Hesusu houn:
—Le hásiñarubei gürigia adüga, gayara lumuti Bungiu.
Ariha humá houn dunuru ha áhamahabaña garabalirugu: Mábunagun haña, malubahan, mareidun haméi alubahani lidan lagei; lau sun lira, ruti Húguchi le siélubei éigini houn. Ma funagia gebegitimatün sügǘ hau dunuru?
Nariñagunbalin sun le hun, lun hadarirun darangilaü lidan hafiñerun nuagu. Hasufuriruba ubouagu, gama lumoun ganigi humá, gañei naali ubóu!
«Gama lumoun biniwati gürigia le afiñebei nuagu,
le íchugubalin lemenigin nuagu.
Ítara luba kei aban tídibu wewe le abunúti laru duna,
le achawaragubalin lílagüle lidoun duna,
ani manufudeti dan le liabin lumabeiniga,
ladüga hilumati lubana súnwandan.
Mafuudunti lidan lidaani lumabeinga,
ani ginti súnwandan.
Danme básügürün dúnarugugiñe, búmabadina,
danme bánhiñuragun duna éibaaguati, mañaradagunbadibu;
danme básügürün lídangiñe watu gemeti; mágudunbadibu,
megemebei watu buagu.
Hemenigitiwa luagu Bungiu, lugundun subudi wamuti luagu ánhawa lan amuriaha furumiñeguarügü katei keisi lugundan, laganbubadiwa lan.
Hemenigitiwa luagu Bungiu, lugundun subudi wamuti luagu ánhawa lan amuriaha furumiñeguarügü katei keisi lugundan, laganbubadiwa lan.
Ítara liña wayabin asubudirei luma afiñera luagu hínsiñe wamá lun Bungiu. Ínsiñeni Bungiu ani le abagariduti lidan ínsiñehabuni, labagariduña lidan Bungiu, ani labagariduña giñe Bungiu lidan.
Niduheñu hínsiñetiña nun, mafiñera humá houn sun ha ariñagubaña luagu Bungiu lan adimurehabei hayumulugugiñe; houcha humaña lun harihini anhein Sífiri Sandu lubéi hádanbei o mama lan ligía. Lugundun buin liña ubóu hau profetagu yéetiña.
Esperar com confiança
O Senhor está perto de todos os que o invocam. Na espera confiante encontramos descanso e direção divina.
Yarafati Aburemei houn ha agúahabaña luagu,
houn ha agúahatiña luagu lau hanarün.
Subudigüdabana libügürü bínsiñehabu binaafin,
ladüga ru naali nemenigin buagun.
Subudigüdabei nun ida luba lan nóuserun,
ladüga buma nálugei le nayumahabei.
Mígirun lubadibu lun baguyedagun!
Marumugun ligíame le óunigirubalibu!
Hemenigibá luagu Aburemei,
adügabéi le buídubei,
babagarida ubouagu,
gúnfuliba súnwandan.
Ma lueirin bareini houn ha íchugubaña uéiriguni bun!
Areida bumutiña kei aban katei gebegiti saragu,
afanreinhabei areini ligía,
hagibugiñe gürigia ha hemenigibaña buagu.
Kagia nánibei sielu?
Buguyarügüñein!
Dan le búmañadina lan,
úati ni kata nabusenrun ubouagu.
Gama lumoun, lunti lanügünün gurasu ligía darí lébeha üma, gayara láamuga labuidurun higaburi ani úaragua huguyame, úouga mégeiti huagu.
Gama lumoun lunti hamuriahan lau afiñeni, mama lau lilouguan afiñeni; le lougua tafiñen, ítara liña kei aban lugudi barana le lanügübei garabali luéigiñe aban oubaü luagun aban.
Ya ubouagu, siñati warihini Kristu; gayaraarügüti wafiñerun luagu.