1 Dan le aranseli baríeiru, fídiwa ligía lubenari, aba hichugúniwa óunigirutiña bena, eremuhatiña hama fádirigu. 2 Aba níchuguni Ananí le níbiri ábutime Herusalén, luma Ananíasi lun gumadanme palasiurugu, Ananíasi aban wügüri le gayaraabei lemenigidúniwa luagu, ani inebenehabúti lun Bungiu sügǘ hau saragu gürigia. 3 Aba nariñagun houn lun madaarúniwa lan lubenari Herusalén, darime wéyuaguhaali. Ani lunti lan giñe ladourúniwa, cháküwa ligíame buidu añahalume óunigihatiña lidan habara. Rútina giñe óunigihatiña haganagua lílana Herusalén lun hóunigihan, híbiri lidan habara, híbiri tigibugiñe haban. 4 Ladüga wéiriti ani migifeti uburugu, gama lumoun míbetiña gürigia ñein, ladüga mábunawagungiru lan muna tárigoun.

5 Ábati líchugun Bungiu tidoun nanigi lun nóundaruniña gürigia ha íñugutimabaña, ha agumadihabaña, hama súngubei ha fulasurugubaña lun habahüdǘn gürigia según haduheñu. Aba nadarirunu líburu to ñein lubéi hiri ha achülürübaña hárigoun furumiñe. Lariñahare tidan:

6,7 Anihán hiri Ísüraelina ha agaraüdǘwabaña Hudá, ha lanügübaña urúei Nabukodonosoru Babilónioun, lárigiñe ábaya hagiribudun Herusaléun luma lidoun burí amu fulasu Hudá, kada aban lageiroun, hama hachügüna Sorobaweli, Hosué, Neemíasi, Asaríasi, Raamiasi, Naamaní, Marüdokéu, Bilüsán, Misüpéretü, Bigüwái, Neumu luma Baaná.

8 Bián-milu-san-ǘrüwa-wein-duusu ladügawagun Parosu;

9 ǘrüwa-san-ǘrüwa-wein-duusu ladügawagun Sefatíasi;

10 sisi-san-dimí-san-biama ladügawagun Ara;

11 ladügawagun Paatü-moabü, ha ladügawagun Hosué luma Hoabü, bián-milu-widü-san-disiwídü;

12 milu-bián-san-dimí-san-gádürü ladügawagun Elamü;

13 widü-san-bián-wein-seingü ladügawagun Satú;

14 sedü-san-ǘrüwa-wein ladügawagun Sakai;

15 sisi-san-bián-wein-widü ladügawagun Binúi;

16 sisi-san-wein-widü ladügawagun Bebái;

17 bián-milu-ǘrüwa-san-wein-biama ladügawagun Asügádü;

18 sisi-san-ǘrüwa-wein-sedü ladügawagun Adonikámü;

19 bián-milu-ǘrüwa-wein-sedü ladügawagun Bigüwái;

20 sisi-san-dimí-san-seingü ladügawagun Adín;

21 ladügawagun Aterü, gádürü-wein-disiwídü, ha ladügawagun Esekíasi;

22 ǘrüwa-san-wein-widü ladügawagun Asumu;

23 ǘrüwa-san-wein-gádürü ladügawagun Besái;

24 san-duusu ladügawagun Arifü;

25 gádürü-wein-keinsi ladügawagun Gabaón;

26 san-gádürü-wein-widü wügüriña Belenna hama Netofána.

27 San-wein-widü ladügawagun Anatótu;

28 bián-wein-biama ladügawagun Betü-asümáweti;

29 sedü-san-bián-wein-ǘrüwa ladügawagun Kiriatü-hearimü, Kefirá luma Beerotu;

30 sisi-san-wein-aban ladügawagun Ramá luma Geba;

31 san-wein-biama ladügawagun Mikümási;

32 san-wein-ǘrüwa ladügawagun Beteli luma Ai;

33 dimí-san-biama ladügawagun Nebu; 34 milu-bián-san-dimí-san-gádürü ladügawagun le aban Elamü;

35 ǘrüwa-san-wein ladügawagun Arimü;

36 ǘrüwa-san-bián-wein-seingü ladügawagun Herikó;

37 sedü-san-wein-aban ladügawagun Lodu, Adidü luma Onó;

38 ǘrüwa-milu-nefu-san-darandi ladügawagun Senaá;

39 Nefu-san-ǘrüwa-wein-tareisi fádirigu ha ladügawagun Hedaíasi, hádangiñe liduheñu Hosué;

40 milu-dimí-san-biama ladügawagun Imerü;

41 milu-bián-san-bián-wein-sedü ladügawagun Pasuru;

42 milu-disedü ladügawagun Arimü.

43 Ǘrüwa-wein-katorusu Lewitagu ha ladügawagun Hosué luma Kadümiéli, hameme giñe ladügawagun Hodawíasi.

44 San-bián-wein-widü eremuhatiña ha ladügawagun Asafü.

45 San-darandi-widü óunigihatiña bena, ladügawagun Salumu, ladügawagun Aterü, ladügawagun Talümón, ladügawagun Akubu, ladügawagun Atitá hama ladügawagun Sobái.

46 Ha eseriwidubaña ténpulurugu, hadügawagun Siá, Asufá, Tabaotu, 47 Kerosu, Siahá, Padón, 48 Lebaná, Agabá, Salümái, 49 Anán, Gideli, Gaarü, 50 Reaíasi, Resín, Nekodá, 51 Gasamü, Usá, Paséa, 52 Besái, Meunimü, Nefusímü, 53 Bakübúku, Akufá, Arühúru, 54 Basilútu, Meidá, Arüsá, 55 Barükósu, Sísara, Temá, 56 Nesía luma Atifá.

57 Hadügawagun lumusuniña Salomón, hagía hadügawagunbaña Sotái, Soferetü, Perudá, 58 Halá, Darükón, Gideli. 59 Sefatíasi, Atili, Pokeretü-hasebaímü luma Amón. 60 Ǘrüwa-san-gádürü-wein-duusu eseriwidutiña ténpulurugu hama ladügawagun Salomón.

61 Ha achülürübaña Teli-mélagiñe, Teli-arüságiñe, Kerubugiñe Adongiñe luma Imerügiñe, ha siñabei harufuduni anhein huríu habéi luéigiñe harasan o anhein gaduheñurügü habéi huríu: 62 Hadügawagun Delaíasi, Towíasi luma Nekodá, sisi-san-bián-wein-biama. 63 Haduheñu fádirigu: Hadügawagun Owaíasi, Kosu, Bárüsilai, le amarieidubei tuma aban hádangiñe lirahüñü Bárüsilai, le Galaadüna, aba lanügüni hiri. 64 Aba háluahani hiri tidan líburu to lauboun hiri iduheñu, kei madarirún lan, aba hagidarún lídangiñe hafadirihan. 65 Aba giñe lariñagun gumadimati lun meigin hamá lídangiñe éigini le ederegerúbei lun Bungiu darime larihini aban fádiri luáguti katei le lau Urimü o Tumimü.

66 Bián-wein-bián-milu-ǘrüwa-san-ǘrüwa-wéinñanu gürigia hadan súngubei, 67 bóugudin hawéi hadamun ha sédübaña-milu-ǘrüwa-san-darandi-sedü gürigia. Ñéinñanu giñe bián-san-bián-wein-seingü eremuhatiña, wügüriña hama würiña. 68 Ñéinñanu giñe sedü-san-darandi-sisi gabayu hama, bián-san-bián-wein-seingü mile, 69 gádürü-san-darandi-seingü kameyu hama sisi-milu-sedü-san-wein burigü.

70 Ñéinñanu fiu hádangiñe hábutigu iduheñu íchugutiña edewehani lun wadagimanu; ruti gumadimati disedü líburu dimí golu, dimí-san kopu tuma dimí-san hadunigun fádirigu. 71 Rútiña hábutigu iduheñu ǘrüwa-san-dimí-san-bián líburu golu, luma bián-milu-sisi-san-ǘrüwa-wein-bián líburu pülata; 72 ha híbiri gürigia, rútiña ǘrüwa-san-dimí-san-bián líburu golu, bián-milu-gádürü-san-wein líburu pülata tuma ǘrüwa-wein-sedü hadunigun fádirigu.

73 «Aba haganóun fádirigu, Lewitagu, óunigirutiña bena, eremuhatiña, lílana fulasu, eseriwidutiña ténpulurugu hama sun Ísüraelina hageira. Dan lachülürünbei lisedün hati hábiñehali Ísüraelina haganawa».