Consequências dos nossos atos

12 Henela bahi kila jumo jwitu apakulongela ngani jabhe mweene nnoongi ja Annoongo.

6 Lichobha lyenelyo Annoongo apakwaalepa kila mundu kubhokana na hikubho yabhe. 7 Annoongo apakumpekeannga umomi gwa machobha goa gwangapela, bhenibhala bhabhachitahidi kutenda gammbone, kwakubhee bhalolea kutopewa na ukolo na umomi gwangapela. 8 Nambo bhenibhala bhangi bhabhabhilinge na uchinabhene, bhabhii na kukananga hikubho ya kweli na kukagula ubohu, Annoongo apakwatumbalila na kwaalagianga handa chiipalikwa. 9 Kupakubhee kulaga na kubhina kwa mundu joajola jwaatenda mabohu. Kupakwaapatanga Bhayahudi oti na kabhele kwa bhandu bhanga Bhayahudi. 10 Nambo Annoongo apakwatendanga bhalumbalilwe na kwatenda bhatopelwange na kutongamanika kwa bhenibhala bhabhatendanga gammbone, Bhayahudi oti, kabhele bhandu bhanga Bhayahudi, 11 kwa kubhee Annoongo atendakuhukukumula bhandu henela chiipalikwa.

16 Kutekubhee na kulekanilana pakati ja ngwahupa ja Annoongo ngalandana na mabohu ga mundu jola jumo. Kwa kubhee pabhakalemwa mundu jumo, Annoongo akaahukumula, nambo pabhakalemwanga bhandu bhajingi, Annoongo akaapekeanga ngwahupa jabhe kwa kwatenda bhakondekwange. 17 Kweli, kwa mabohu ga mundu jumo, bhandu bhakajemeka kujomoka ligongo lya jonijola mundu jumo, nambo, nga kweli kubhee chibhakachitenda jonijola mundu jumo, yakubhee nga Ayesu Kilisito, nga chammbone muno. Bhoa bhapokelanga umbone gonogwe na ngwahupa jenejo ja kondekwa nnoongi ja Annoongo, bhapakutawalanga mu umomi kwa ndela ja jono jumo, Ayesu Kilisito.

Nkotokwahukumula bhandu bhangi

1 "Nkotokwaahukumulanga bhandu bhangi, na mwangota mpakuhukumulwa na Annoongo, 2 maana chimpakunhukumula nnyinu na mwangota chimpakuhukumulwa, na chipemelo chela chela chimpakupemela bhandu nga chochocho Annoongo nga chibhapakunpemelanga mwangota.

36 "Bahi, ndendakunnobholelanga, lichobha lya hukumu kila amundu bhapalikwa kulongela nnani ja kila lilobhe lyangammbone libhalongile.