16 ते अवं बाजी कां प्राथना केरेलो ते तै तुसन अक मद्दतगार देलो कि हमेशा तुसन सेइं साथी राए।

18 अवं तुसन अकैल्‍लो न शैरेलो बल्के अवं तुसन कां एज्जेलो।

26 पन तै मद्दतगार यानी पवित्र आत्मा ज़ैस बाजी मेरे ठैरी भेज़ेलो, तुसन सैरी गल्‍लां शिखालेलो, ते हर गल ज़ै मीं तुसन सेइं ज़ोरी याद करालो।"

26 पन ज़ैखन तै मद्दतगार एज्जेलो ज़ैस अवं अपने बाजेरे तरफां भेज़ेलो, मतलब सच़्च़ेरो आत्मा, ज़ै बाजी केरि तरफां एइतीए, तै मेरी गवाही देली।

7 फिरी भी अवं तुसन सेइं सच़ ज़ोताईं कि मेरू इट्ठां गानू तुश्शे लेई फैइदोए, अगर अवं न गेइलो त तै मद्दतगार तुसन कां नईं एजनो, पन अवं च़लो जेव त तैस अवं तुसन कां भेज़ी देलो।

3 परमेशरेरू शुक्र भोए ज़ै इश्शे प्रभु यीशु मसीहेरो बाजी, ज़ै दया केरनेबालो बाजीए, ते ज़ै असन हमेशा तसल्‍ली देनेबालो परमेशरे। 4 तै इश्शे सेब्भी मुसीबतन मां असन तसल्‍ली देते; ताके अस तैस शैन्तरे वजाई सेइं ज़ै परमेशर असन देते, तैन भी तसल्‍ली देइ बटम, ज़ैना कोन्ची वजाई सेइं मुसीबतन मां आन।

5 किजोकि ज़ेन्च़रे मसीहे दुख झ़ैल्‍लोरेन तेन्च़रे अस भी दुख झ़ैल्‍लतम, एल्हेरेलेइ असन तसल्‍ली भी मसीहेरे ज़िरिये जादे भोतीए।

5 अवं प्राथना केरताईं कि परमेशर तुसन सबर ते हिम्मत दे, ताके तुस यीशु मसीह पत्ती च़लते-च़लते अक भोइतां ज़ीथ।

19 ज़ैखन मेरे मने मां बड़ी फिक्र भोतीए,

तैखन हे यहोवा, तेरी दित्तोरी शैन्ति सेइं मीं सुख भोते।

5 मुसीबती मां मीं यहोवा पुकारो

ते तैनी मेरी पुकार शुन्तां मेरे पव खुल्‍ले ठारी मां पुज़ाए।

16 ते तैना फिरी ढ्लुखोरे ते ट्लिशोरे न भोल्हे:

ते तैना दिहाड़े सेइं ते कोन्ची भी गेर्मी सेइं न फुकोले।

17 किजोकि गबड़ू ज़ैन तखतेरे मझ़ाटे, तैन केरि रखवाली केरेलू;

ते तैन लोकन ज़िन्दगरे पैनी कां नेलू,

ते परमेशर तैन केरे एछ़्छ़ी केरां सब ऐंखरू पुछ़ेलो।"

12 यहोवा ज़ोते, "अवं, हाँ अव्वें तीं शान्ति देने बालोईं; तू कौनस ज़ै मरने बाले मैन्हु सेइं ते घासेरे ज़ेरे शुकने बाले मैन्हु करां डरतस।

4 परमेशर तैन लोकन बरकत देते, ज़ैना दुखी आन,

किजोकि परमेशर तैन तसल्‍ली देलो।