Conversão
A conversão é o ato de se voltar para Deus — arrependendo-se do pecado e abraçando a graça. É o início de uma vida nova, transformada pelo amor de Cristo.
Arrependei-vos
Arrependei-vos e convertei-vos para que os vossos pecados sejam apagados. A conversão começa com a mudança de mente e coração.
"तैही बोला हुंह आपणैं पापो प्राश्त करा, संघा फिरा परमेशरा बाखा, ताकि थारै पाप माफ होए।
पतरासै बोलअ तिन्नां लै, "आपणैं पापो प्राश्त करा संघा लआ तम्हैं सोभै आपणैं-आपणैं पाप माफी लै मसीहा ईशूए नाओंऐं डुबकी, तै भेटणीं तम्हां पबित्र आत्मां ज़ुंण परमेशरो दान आसा।
"तैही निं परमेशरै म्हारी बेसमझ़ीए घल़ी धैन दैनअ पर ऐबै दैआ सह सोभी मणछा लै हुकम कि तिंयां प्राश्त करी तिन्नें कदुष्ट काम करनै छ़ाडे।
तधा पोर्ही किई ईशू लोगा का एही गल्ला खोज़णीं शुरू, "आपणैं पापो प्राश्त करा, अर परमेशरा सेटा एछा फिरी, स्वर्गो राज़ गअ नेल़ एछी।"
इहै काम ता करा ज़ेता करै थोघ लागे कि तम्हैं हेरअ प्राश्त करी पाप करनअ छ़ाडी।
"ज़ेते बारै परमेशरै बोलअ त सह बगत गअ पुजी, स्वर्गो राज़ गअ नेल़ एछी। आपणैं पापो प्राश्त करा, परमेशरा सेटा एछा फिरी, अर एऊ खुशीए समादा दी करा विश्वास।"
O amor de Deus converte
Céu se alegra por um pecador que se arrepende. Deus não deseja a morte do ímpio, mas que se converta e viva.
"हुंह बोला तम्हां का इहअ कि ठीक इहअ ई करै पापो प्राश्त करनै आल़ै पापी मणछे बारै बी हआ स्वर्गै एही ई खुशी, ज़ेतरअ कि तम्हां ज़िहै नडिनुंऐं धर्मीं मणछे बारै निं हंदी, ज़ुंण ऐबै पाप निं करदै!
"हुंह खोज़ा तम्हां का कि परमेशरे स्वर्ग दूता सम्हनै हआ स्वर्गै एही ई खुशी नंद ज़ेभै एक मणछ आपणैं पापो प्राश्त करी परमेशरा बाखा लै फिरा।"
हुंह निं तिन्नां लै आथी आअ द ज़ुंण आप्पू धर्मीं समझ़ा! पर हुंह आसा पापी मणछा शधाणूं आअ द तिंयां पापो प्राश्त करी पाप करनअ छ़ाडे।"
हुंह निं कोही मरना लै राज्ज़ी हंदअ। तम्हैं छ़ाडा पाप करनअ, संघा रहा ज़िऊंदै। अह गल्ल डाही मंऐं मालक बिधाता बोली।’"
"ज़ै कुंण कदुष्ट मणछ पाप करनअ छ़ाडे अर मेरअ बधान मने अर भलअ करे। तिंयां बी निं मरनै आथी।
बिधाता बोलअ मुल्है भिई इहअ, "मणछा, इज़राईला दी आसा अह कहाबत मशूर,
‘मिल्ली दाख खाई ईजै-बाबै अर
खाखा कल़ुई लागी आजू तिन्नें शोहरू।’
"तिन्नां का खोज़ इहअ कि हुंह परमेशर बिधाता बोला तिन्नां लै इहअ, ‘मंऐं खाऐ आपणैं सोह कि आजू निं इज़राईला दी कहाबत बोल़णीं।’ सोभ ज़िऊंदै ज़ीब आसा मेरै। ईजा-बाबे शाह दी आसा मेरअ हक अर तिन्नें शोहरू-शोहरीए शाह दी बी आसा मेरअ ई हक। मरनअ सह ई ज़ुंण पाप करे।
"ज़ुंण असली दी धर्मीं होए, सह करा भलअ अर शुचअ नसाफ। सह निं धारा मुहुर्ती लै बल़ीदान किई दी शिखा खाणां लै साझ़ू हंदअ। सह निं तिन्नां पाखलै देअए मुहुर्ती सेटा अरज़ करदअ ज़हा होर इज़राईली पूज़ा। सह निं होरीए बेटल़ी संघै सुत्ती कंज़रैई करदअ। नां सह तेभै आपणीं बेटल़ी संघै सुत्तदअ ज़ेभै सह ज़ुठै झिकल़ै धोई छ़ोतली हआ। सह निं होरी लै नर्दैई हंदअ। ऋणा पिछ़ू ज़ुंण तेऊ का बांधअ हआ डाहअ द, ज़ांऊं ऋण भरी छ़ेक्कअ, तेऊ बांधै दैआ सह नढैऊऐ बापस। रैनै-गरीबा लै दैआ सह खाणां लै रोटी अर बान्हणां लै झिकल़ै। सह निं ऋण दैनै दै ढब्बैओ बैज़ बी मांगदअ। सह रहा बूरै करनै का दूर। सह करा सोभी लै भलअ अर शुचअ नसाफ। मेरै बधान अर बिधी मना सह शुचअ-पाक्कअ रही ज़िहअ खोज़अ द आसा तिहअ ई। इहअ मणछ हआ धर्मीं अर सह रहणअ ज़िऊंदअ। अह गल्ल डाही मंऐं बिधाता बोली, ज़ुंण सोभिओ मालक आसा।
"ज़ै तेऊ धर्मीं मणछो शोहरू आजू कदुष्ट होए ज़ुंण उपद्रभ करे अर पाप करनै आल़अ होए, ज़ै सह धारा मुहुर्ती लै बल़ीदान किई दी शिखा खाणां लै साझ़ू होए, होरीए बेटल़ी संघै सुत्ती छ़ोत लाए, ज़ुंणीं रैनै-गरीब हंतै अर लोग लुटै होए, लोगा का ढाकअ द बांधअ बापस निं दैनअ होए, मुहुर्ती पूज़ा करा होए अर होर च़िल़्हखरै काम किऐ होए, लोगा लै ऋण दैई साबा का बाधू बैज़ खाअ होए, इहअ कदुष्ट मणछ निं ज़िऊंदअ रहणअ ई आथी। अह इहअ मणछ ज़ुंणी इहै च़िल़्हखरै काम किऐ सह हणअ तेऊओ आपणअ कशूर कि सह पाअ मारी।
"पर ज़ै एऊ पापी मणछो शोहरू आजू भाल़े कि तेऊए बाबै किऐ इहै पाप। सह तेते बारै बच़ार करे अर सह मुंह बिधाते डरा हेठै रही आपणैं बाबा ज़ेही पापी ज़िन्दगी नांईं ज़िऊए, धारा मुहुर्ती लै बल़ीदान किई दी शिखा खाणां लै साझ़ू नांईं होए, ज़ै सह तिन्नां पाखलै देअए मुहुर्ती सेटा अरज़ करदअ ज़हा होर इज़राईली पूज़ा, ज़ै सह होरीए बेटल़ी संघै सुत्ती कंज़रैई करी छ़ोतलअ नांईं होए, ज़ै सह रैनै-गरीबा नांईं ठगे अर लोगा नांईं लुटे, ज़ै सह ऋणा पिछ़ू डाहअ द बांधअ दैए, ज़ै रैनै-गरीबा लै सह खाणां लै रोटी अर बान्हणां लै झिकल़ै दैआ होए, ज़ै सह ऋण दैनै दै ढब्बैओ बैज़ निं ढाकदअ। सह बूरै करनै का दूर रहा होए। ज़ै सह मेरै बधान अर बिधी शुचअ-पाक्कअ रही ज़िहअ खोज़अ द आसा तिहअ ई मना। सह मणछ रहणअ ज़िऊंदअ। सह भलअ मणछ निं तेऊए बाबे पापा पिछ़ू मरनअ। सह त तेऊओ बाब ज़ुंणीं रैनै-गरीब हंतै, आपणैं भाई-बंध लुटै अर तिंयां किऐ तेऊ लोगा लै बूरै काम। तिन्नां पापे सज़ा भेटणीं तेऊ ई अर मरनअ बी सह ई।
"तम्हैं सका रहैन हई इहअ पुछ़ी, ‘तेऊ शोहरू आपणैं बाबे पापा पिछ़ू सज़ा किल्है निं भेटी?’ तेऊ निं तेते सज़ा भुगतणी लागदी ज़ै सह भलै काम करे अर मेरै बधान अर बिधी ज़िहअ खोज़अ द आसा तिहअ ई मने। सह रहणअ ज़िऊंदअ। मरनअ सह ई ज़ुंण पाप करे। शोहरू निं आपणैं ईजा बाबे पापा पिछ़ू सज़ा भुगतणे ज़रुरत आथी। नां ईजा-बाबा पल़णीं आपणैं शोहरूए पापा पिछ़ू सज़ा भुगतणी। धर्मीं मणछा भेटणअ तिन्नें धर्मीं कामें साबै फल अर पापी मणछा भेटणअ तिन्नें पापी कामें साबै फल।
"ज़ै कुंण कदुष्ट मणछ पाप करनअ छ़ाडे अर मेरअ बधान मने अर भलअ करे। तिंयां बी निं मरनै आथी। तेखअ करनै तिन्नें पाप माफ ज़ुंण तिन्नैं तधा का आजी किऐ तै, तेखअ रहणैं तिंयां तेते साबै ज़िऊंदै ज़ुंण तिन्नैं धर्मीं काम किऐ। हुंह आसा मालक बिधाता, हुंह निं बूरै मणछा मरना लै बी खुश हंदअ। हुंह हआ एता लै खुश कि तिंयां पाप करनै का पिछ़ू हटे अर ज़िऊंदै रहे।
"पर ज़ै कुंण भलअ मणछ पाप अर इहै कामां करदअ लागे ज़ेता का हुंह नफरत करा, तिंयां निं तेखअ ज़िऊंदै रहणैं! तेखअ निं तिंयां गल्ला आद रहणीं कि तेऊ केतरै भलै काम किऐ, तेऊ भेटणीं तेखअ तेऊए पापा पिछ़ू मौत। किल्हैकि तेऊओ कशूर आसा इहअ कि तेऊ किअ विश्वास घात।
"तम्हैं इज़राईली बोला, ‘मालक निं शुचअ नसाफ करदअ!’ ऐबै शूणां तम्हैं मेरी, हुंह करा सदा शुचअ नसाफ, पर थारै बभारा दी निं नसाफ आथी। ज़ै कुंण धर्मीं मणछ पाप करदअ लागे, सह मरनअ तिन्नां पाप करनै पिछ़ू। किल्हैकि पाप करनैओ फल आसा मौत। ज़ै कदुष्ट मणछ पाप करनअ छ़ाडे अर सह भलै काम करे, तेता करै बच़ाऊंणी तेऊ आपणीं ज़िन्दगी। किल्हैकि तेऊ किअ आपणैं बूरै कामें बारै बच़ार संघा छ़ाडै पाप करनै। सह जाणअ बच़ी अर सह निं मरदअ। तज़ी बी हआ तम्हैं इज़राईले आद-लुआद इहअ बोल्दै लागै दै, ‘मालक निं शुचअ नसाफ करदअ!’ तम्हैं शूणां, हुंह करा सदा शुचअ नसाफ, पर थारै बभारा दी निं नसाफ आथी।
"हुंह मालक बिधाता बोला तम्हां इज़राईली लै, ‘मुंह करनअ तम्हां मांझ़ै हरेकीओ नसाफ ज़िहै तम्हैं कर्म किऐ तेऊ साबै। अज़ी बी बोला हुंह तम्हां लै पाप करनै का हटा पिछ़ू, थारै पापा निं तम्हां बरैबाद करनै दैआ। तिंयां पाप करनै छ़ाडा ज़ेता तम्हैं करदी आऐ, आपणैं मन्नैं सोठा भलअ, आप्पू भितरी नऊंईं आत्मां संघै ज़िऊआ ज़िन्दगी। तम्हैं इज़राईली किल्है आसा मरनअ हिछ़अ द? हुंह निं कोही मरना लै राज्ज़ी हंदअ। तम्हैं छ़ाडा पाप करनअ, संघा रहा ज़िऊंदै। अह गल्ल डाही मंऐं मालक बिधाता बोली।’"
कई लोग सोठा इहअ कि प्रभू आसा आपणीं फिरी एछणें करारा पूरी करना लै बल़ैग पांदअ लागअ द। पर प्रभू निं एऊ साबै बल़ैग करदअ आथी लागअ द। तेऊ आसा तम्हां लै सबर डाहअ द। किल्हैकि सह निं कोही बरैबाद करनअ च़ाहंदअ। पर सह च़ाहा इहअ कि हरेक मणछ आपणैं पापो प्राश्त करे अर परमेशरा सेटा फिरी एछे।
Transformação
Voltai-vos para mim e sereis salvos! Rasgai o coração e não as vestes. A verdadeira conversão transforma o interior.
कदुष्ट काम करनै का हटा पिछ़ू,
बूरी सोठ छ़ाडा पोर्ही,
म्हारै परमेशर बिधाता बाखा फिरा,
सह आसा झणैल़ू अर तेऊ हेरनै थारै पाप माफ करी।
मंऐं किऐ थारै पाप सरगै बादल़ा ज़िहै दूर।
तम्हैं एछा मुंह सेटा फिरी, सह आसा हुंह ई ज़ुंणी तम्हैं बच़ाऊऐ।"
बिधाता बोला इहअ, ‘ब्रतू रही, लेरा लांदी अर
शोग करदी फिरा मुंह सेटा लै तत्त दिला का बापस।
सिधै घेरीए झिकल़ै धेल़ी निं दुख रहैऊंदै लागा,
मुखा लोल़ी शुझुअ कि तम्हैं आसा दिला का दुखी।’
आपणैं परमेशर बिधाता बाखा फिरा!
सह आसा खास्सअ झ़ूरनै अर झींण करनै आल़अ।
सह करा सबर अर आपणीं ज़बान करा सह पूरी।
सह निं झ़ट च़ारै रोश्श करदअ, हाम्हां लै आफ़त पल़दी भाल़ी हआ सह बी दुखी।
तेखअ ज़ै तिंयां मुंह सेटा अरज़ करे अर ज़ै तिंयां दिला का पाप करनअ छ़ाडे, तै हेरनी मुंह स्वर्गा का तिन्नें अरज़ शूणीं अर तिन्नें पाप माफ करी करनी मुंह तिन्नें ज़िम्मीं-ज़ैगा भिई रज़दी-पज़दी।
राज़ै हिजकिया दैनअ इज़राईल अर यहूदा मुल्खै सोभी लै समाद, एप्रैम अर मनिश्शे गोत्रा लै बी दैनअ तेऊ च़िठी लिखी समाद। तेऊ किअ सोभी लै छ़ांदअ कि राज़धानी एरुशलेम मनाऊंणअ इज़राईले परमेशर बिधाता लै ऊवार्णैओ थैर, तेता लै लोल़ी सोभै आऐ। राज़ै अर कार-करिंदै किई आप्पू मांझ़ै सट-सलाह कि ऐहा बारी मनाऊंणअ हाम्हां ऊवार्णैओ थैर बशाहै। एही ता मनाऊंआं तै ऊवार्णैओ थैर च़ैत्रै पर अज़ी ती कई प्रोहते शुधी हणीं बाकी अर सारै का होर लोग बी निं एरुशलेम अज़ी पुजै तै। तेखअ हुऐ ऐहा गल्ला लै राज़अ अर सारी सभा दी सोभ राज्ज़ी कि ऊवार्णैओ थैर मनाऊंणअ बशाहै। तेखअ पजैल़अ तिन्नैं दखण बेर्शेबा उझै उतर दान तैणीं सोभी इज़राईली सेटा समाद कि सोभै लोल़ी बधाने साबै आपणैं परमेशर बिधाते ऊवार्णे थैरा मनाऊंदै एरुशलेम आऐ। तधू आऐ तेऊ थैरा लै एतरै खास्सै मणछ कि तेतरै निं कधि आऐ तै। राज़ै हिजकिया ज़ुंण दूत छ़ाडै, तिंयां डेऊऐ इज़राईल अर यहूदा मुल्खै सारै दी तिन्नां का थिअ च़िठी लिखी इहअ सारी परज़ा लै इहअ छ़ांदअ दैनअ द,
"इज़राईली मणछो, ज़ुंण तम्हैं अश्शूरी राज़ै का बच़ै दै आसा, ऐबै फिरा आपणैं दाद-बाब आबराम, इसहाक अर इज़राईले परमेशर बिधाता बाखा, तै जाणअ बिधातो कोप तम्हां का दूर हई। थारै दाद-बाब अर इज़राईली मांझ़ै होर भाई-बंध ज़ुंण आपणैं परमेशर बिधाता लै शुचै-पाक्कै नांईं रहै, तम्हां निं तिन्नां ज़िहै हई। तम्हैं भाल़अ आपणीं आछी कि बिधाता तिन्नां लै केही सज़ा दैनी। तम्हैं निं तिन्नां ज़िहै जर्ड हई अर तम्हैं करै तिहअ ज़िहअ बिधाता हुकम करा। तम्हैं लोल़ी एरुशलेम बिधाते भबना लै आऐ, ज़ुंण भबन म्हारै परमेशर बिधाता सदा लै पबित्र किअ कि तिधी तेऊए पूज़ा होए। तेखअ जाणअ बिधातो कोप तम्हां का दूर हई। ज़ै तम्हैं बिधाता बाखा बापस एछे, तै जाणीं दुशमणा थारै तिन्नां भाई-बंधा लै झींण फिरी ज़ुंण तिन्नैं कैद करी गलामी दी आसा निंयैं दै अर तिंयां हेरनै तिन्नां घअरा लै बापस छ़ाडी। म्हारअ परमेशर बिधाता आसा झणैल़ू अर सह झ़ूरा हाम्हां लै खास्सअ। ज़ै तम्हैं तेऊ बाखा फिरे, तेखअ निं लाई तेऊ तम्हां बाखा पिठ डाही फरेऊई।"
नगरी-नगरी हांढदी पुजअ अह समाद एप्रैम, मनिश्शे, उतरा बाखा बस्सै दै ज़बलून गोत्रा आल़ै सेटा, पर तिंयां सोभै लागै तिन्नां लै हास्सदै अर सुहांगा करदै। पर तज़ी बी थिऐ आशेर, मनिश्शे अर ज़बलून गोत्रा मांझ़ै कई भलै मणछ अर तिंयां आऐ एरुशलेम नगरी लै। यहूदा सारै देशै बी हुअ बिधातो इहअ प्रतप्प कि तिंयां तैर्हुऐ ज़िहअ बोलअ तिहअ ई करना लै ज़िहअ राज़ै हिजकिया अर तेऊए कार-करिंदै हुकम किअ त।
बशाहै झाल़्हुऐ राज़धानी एरुशलेम ऊवार्णे अर आखरी रोटीए थैरा मनाऊंदै खास्सै मणछ। बिधाते भबना छ़ाडी एरुशलेम होर्ती नगरी ज़िधी बी बल़ीदान अर धूप ज़ाल़णा लै बेदी थिई बणाईं दी, तिंयां काढी तिन्नैं पोर्ही संघा शोटी किद्रोन नाल़ै। ज़ांऊं च़ौदा बशाहै लोग ऊवार्णै लै मिम्मूं काटदै लागै, प्रोहत अर लेबी पल़अ आप्पू लै शर्मिंदै हणअ, तेखअ किई सोभी आपणीं शुधी संघा आणै बिधाते भबनै हूम बल़ीदान। तेखअ हुऐ तिंयां तेऊ साबै बिधाते भबनै आपणीं-आपणीं ज़ैगा खल़ै ज़िहअ परमेशरे दास मोसा तिन्नां लै बधाना दी आसा लिखी डाहअ द। लेबी आणअ बल़ीदान किऐ दै पशूओ लोहू प्रोहता सेटा अर तिन्नैं छ़ल़िकअ सह बेदी दी। किल्हैकि लोगा मांझ़ै बी थिऐ इहै ज़ुंण अज़ी बी छ़ोतलै थिऐ। तिन्नैं लोगै ज़ुंण ऊवार्णे चैणैं बिधाता लै ज़ुदै शुचै तै डाहै दै, तिन्नें तिंयां मिम्मूं काटै तेखअ लेबी आप्पै संघा किऐ बिधाता लै अर्पण।
इना का लाऊआ ज़ुंण एप्रैम, मनिश्शे, इस्साकार अर ज़बलून गोत्रा का थिऐ आऐ दै, तिन्नां मांझ़ै निं खास्सै ज़ण्हैं बधाने साबै आपणीं शुधी आथी ती किई दी। पर तिंयां बी हुऐ ऊवार्णे मिम्मूंए शिखा खाणां लै साझ़ू। राज़ै हिजकिया भाल़अ कि तिन्नैं किज़ै किअ अर तेऊ किई तिन्नां लै बिधाता सेटा अरज़, "परमेशर बिधाता, एही ता निं आसा ईंयां बधाने साबै शुचै आथी हुऐ दै! तूह करै इनो पाप-दोश माफ, किल्हैकि ईंयां बी आसा इने दादा-बाबा ज़िहै तत्त-दिला का ताह बिधाता सेटा तेरी पबित्र ज़ैगा माथै टेक्कदै आऐ दै।" बिधाता शूणीं हिजकिया राज़े अरज़ संघा किऐ तिन्नें पाप-दोश माफ अर तिन्नें निं किछ़ हान्नी हुई। इज़राईली मांझ़ा का ज़ेतरै लोग एरुशलेम नगरी कठा हुऐ तै, तिन्नैं मनाऊंअ खुशी-खुशी साता धैल़ी तैणीं आखरी रोटीओ थैर अर हर धैल़ै करा तै लेबी अर प्रोहत गाज़ै-बाज़ै संघै बिधाते ज़ै-ज़ैकार। ऊवार्णे थैरा लै लेबी अर प्रोहतै ज़ेही समझ़कारी संघै काम किअ, तेते किई राज़ै हिजकिया खास्सी तिन्नें सर्राफी।
तेखअ रहै तेता बाद साता धैल़ै तैणीं भिई सोभ लोग थैरा मनाऊंदै लागी। संघा किअ मेल़-ज़ोल़े बल़ीदान करी सोभी लोगै आपणैं दादा-बाबे परमेशर बिधातो शूकर। सोभै हुऐ ऐहा गल्ला लै राज्ज़ी संघै रहै तेता बाद भिई होर साता धैल़ी तैणीं खुशी-खुशी ऊवार्णे थैरा मनाऊंदै लागी। यहूदा मुल्खे राज़ै हिजकिया दैनै लोगा लै एक हज़ार बाछ़ू, सात हज़ार भेडा-बाकरी हेल़्ही बल़ीदान करी धाम। कार-करिंदै बाखा बी दैनै लोगा लै एक हज़ार बल्द अर दस हज़ार भेडा। तेखअ किई खास्सै प्रोहतै बधाने साबै आपणीं शुधी। यहूदा मुल्खे प्रोहत, लेबी संघी सारी सभा, यहूदा बस्सै दै सोभ लोग, इज़राईल मुल्खा का आऐ दै लोग अर परदेसी बी ज़ुंण ऊवार्णे थैरा लै थिऐ आऐ दै तिंयां थिऐ सोभ खुश हुऐ दै। सारी नगरी ती फेर-फिरदी खुशी किल्हैकि एचल़अ बडअ थैर निं आझ़ तैणीं एरुशलेम नगरीए बस्सै दै लोगै इज़राईले राज़ै दाबेदे शोहरू सुलैमाने ज़मानै ओर्ही भाल़अ ई आथी त। तेखअ हुऐ खिरी प्रोहत अर लेबी खल़ै संघा मांगी सोभी लोगा लै बिधाता का बर्गत। बिधाता शूणीं स्वर्गै तिन्नें अरज़।
हुंह आसा बेरेक्यो शोहरू ईदूओ पोचअ जकर्या बिधातो गूर।
फारसी राज़ा दी आसा त माहा राज़अ दारा, तेऊए राज़ा दी दुजी साला काती दैनअ बिधाता मुखा समाद।
बिधाता बोलअ इहअ, "मुंह बिधाता ती थारै दादा-बाबा लै रोश्शै आई दी, पर ऐबै बोला हुंह तम्हां लै इहअ, ‘मुंह सेटा लै एछा बापस फिरी अर तै एछणअ मुंह बी तम्हां सेटा लै फिरी।’ तम्हैं निं आपणैं दादा-बाबा ज़िहै हआ, तिन्नें ज़मानै खोज़अ मेरै गूरै तिन्नां का समाद, ‘कदुष्ट काम अर पाप करनअ छ़ाडा।’ पर तिन्नैं निं मेरअ शूणअ अर नां मेरअ हुकम मनअ। अह गल्ल बोली मंऐं बिधाता ज़ुंण स्वर्गे सारी सैनो मालक आसा। ईंयां आसा खास्सै पराणैं ज़मानें गल्ला, थारै तिंयां दाद-बाब डेऊए मरी अर तिंयां गूर बी निं आथी रहै दै। मेरी च़ाकरी करनै आल़ै मेरै गूरा का बोलअ मंऐं थारै दादा-बाबा लै चतैनगी दैणा लै अर मेरअ समाद खोज़णा लै, पर तिन्नैं निं तिंयां गल्ला मनी अर तेतो नतिज़अ बी पल़अ तिन्नां भुगतणअ। तेखअ फिरै तिंयां मुंह सेटा लै बापस अर इहअ बी गअ तिन्नां का ज़ाण्हुंई कि मंऐं बिधाता दैनी तिन्नें पापा पिछ़ू तिन्नां लै सज़ा ज़िहअ मंऐं पैहलै ई त हेरअ द बोली कि मुंह करनअ इहअ।"
माहा राज़ै दारा ती राज़ करदी दुजी साल लागी दी, तेऊए राज़ा दी तैहा साला इक्की च़ौबी माघै किई बिधाता मुंह बेरेक्ये शोहरू अर ईदूए पोचै जकर्या गूरा संघै धैनै-सुपनै भिई गल्ला।
मुखा शुझुअ राची सुपनै कि कुंण स्वर्ग दूत आसा लाला घोल़ै प्रैंदै बेठअ द। सह घोल़अ आसा एकी खागै मैहंदीए डाल़ा-बूटा जैंदरी खल़्हुअ द अर तेऊ पिछ़ू आसा लाल, भौंरै अर शेते रांगे घोल़ै अर तिन्नां प्रैंदै शुंआर।
मंऐं पुछ़अ, "मालक, ईंयां घोल़ै किज़ै आसा?"
ज़ुंण स्वर्ग दूत मुंह संघै गल्ला करदअ थिअ लागअ द, तेऊ दैनअ मुल्है ज़बाब, "हुंह रहैऊं ताखा कि ईंयां किज़ै आसा।"
तेखअ दैनअ मैहंदीए डाल़ा-बूटा जैंदरी खल़्हुऐ दै घोल़ै प्रैंदै शुंआर स्वर्ग दूतै ज़बाब, "बिधाता आसा ईंयां घोल़ै पृथूई लै छ़ाडै दै कि तेथ हर ज़ैगा हांढदै रहे लागी।"
तेखअ किई तिन्नां घोल़ै प्रैंदै शुंआरै तेऊ स्वर्ग दूता संघै गल्ला ज़ुंण मैहंदीए डाल़ा-बूटा जैंदरी आसा त खल़्हुअ द, "हाम्हैं आऐ सारी पृथूई दी हांढ दैई, हाम्हां का शुझुअ इहअ कि सारी पृथूई आसा सोभ देश शांत अर निहंचै।"
तेखअ बोलअ तेऊ स्वर्ग दूतै बिधाता लै, "स्वर्गे सारी सैने मालक बिधाता, राज़धानी एरुशलेम अर यहूदा मुल्खे नगरी लै तेरअ रोश्श कधू हणअ फांभअ? तूह आसा तिन्नां का पिछ़ली सत्तर साला ओर्ही रुश्शअ द!" तेखअ दैनअ बिधाता हैअ दैई तेऊ स्वर्ग दूता लै ज़बाब ज़ुंण मुंह संघै गल्ला करदअ त लागअ द।
तेऊ स्वर्ग दूतै बोलअ मुल्है इहअ, "तूह खोज़ सोभी का इहअ कि स्वर्गे सारी सैनो मालक बिधाता बोला इहअ, ‘हुंह झ़ूरा एरुशलेम नगरी लै खास्सअ, अह आसा मेरी पबित्र नगरी। मुंह आसा तिन्नां देशा लै खास्सी रोश्शै आई दी ज़ुंण शांत अर निहंचै आसा। थोल़ी घल़ी हटअ हुंह रोश्शै मेरी परज़ा का पिछ़ू अर इनै शरेरै देशै किअ मेरी परज़ो बेअन्त बनाश!
"‘तैही बोला हुंह स्वर्गे सारी सैनो मालक बिधाता कि मुंह एछणअ एरुशलेम नगरी लै फिरी कि मुंह ऐहा नगरीए केही खास्सी झींण लागा। मेरअ भबन बणाणअं इधी भिई अर नगरी च़िणनी भिई।’"
स्वर्ग दूतै बोलअ मुल्है इहअ कि तूह लऐ लोगा का इना गल्ला ज़रूर खोज़ी कि स्वर्गे सारी सैनो मालक बिधाता बोला इहअ, "मेरी ईंयां नगरी हणीं भिई सेठ, मुंह करनी भिई एरुशलेम नगरी लै झींण अर अह नगरी छ़ांटणीं मुंह भिई आप्पू लै।"
तेखअ लागअ हुंह उझै भाल़अ अर मुखा शुझुऐ डागे च़ार शींग। ज़ुंण स्वर्ग दूत मुंह संघै गल्ला करदअ थिअ लागअ द, मंऐं पुछ़अ तेऊ का, "ईंयां शींग किज़ै आसा?"
तेऊ स्वर्ग दूतै बोलअ मुल्है इहअ, "ईंयां आसा संसारै सोभी का बलबान च़ार देश ज़ुंणीं यहूदा, इज़राईल मुल्ख अर राज़धानी एरुशलेम नगरी का बिधाते परज़ा कैद करी देशै-देशै पजैल़ी।"
तेखअ रहैऊऐ बिधाता मुखा च़ार लुहार, तिन्नां का आसा च़ार घौण। मंऐं पुछ़अ, "ईंयां किज़ू करदै आऐ?"
तेऊ स्वर्ग दूतै दैनअ ज़बाब, "इनै शींगै छिंगी यहूदा मुल्खे परज़ा देशै-देशै, इनै हंतै तै तिंयां ज़िहै नां किहै। ईंयां लुहार आऐ इना तिन्नां शींगा डरैऊंदै अर इना ज़ाक्कर्नै तिंयां शींग ज़िहै नां किहै।"
हुंह ज़हा-ज़हा संघै झ़ूरी डाहा, तिन्नां लै दैआ हुंह नैरनीं समझ़ाऊंणी बी। तैही कर ऐबै भलअ अर आपणैं पापा लै प्राश्त।सैणीं. 3:12
तैही निं तम्हैं ऐबै आपणैं पराणैं पाप करने सभाबे बशै रहा, मतलब-कंज़रैई, छ़ोता, बूरी सोठ, कंज़री आछ अर मांण निं करा ज़ुंण मुहुर्ती पूज़ा बराबर हआ।
नां आपणीं देहीए आंगा कदुष्ट कामें अस्त्र-शस्त्र बणाईं पापा लै सभाल़ा, पर आप्पू दैआ आपणीं ज़िन्दगी परमेशरा लै धर्में अस्त्र-शस्त्र बणाईं। इहअ समझ़ा कि तम्हैं आसा मूंऐं दै मांझ़ा का ज़िऊंदै हुऐ दै।
भाईओ, तम्हैं ज़ुंण पबित्र आत्में साबै ज़िन्दगी ज़िऊआ ज़ै तम्हां का कसरै बारै इहअ थोघ लागे कि तेऊ किअ पाप, तेऊ फरेऊआ बडी झ़ूरी संघै बापस। आपणअ बी डाहा धैन कि तम्हैं बी निं किधी तिहअ ई पाप करे।
तैही करा मन्नें बूरै सभाब, ज़ीद-मिश अर घमंड दूर करी मना परमेशरो बैण, ज़ुंण थारै दिला दी आसा बऊअ द अर ज़ुंण थारी आत्मां लै उद्धार दैई सका।