Coração puro
Bem-aventurados os puros de coração, porque verão a Deus. A pureza de coração é alvo, privilégio e busca constante do cristão que deseja contemplar a face do Senhor.
Coração puro
Bem-aventurados os puros de coração. A pureza interior precede toda transformação externa e abre os olhos para ver a Deus.
Olgeta we tingting blong olgeta i klin gud,
oli save harem gud,
from we bambae oli save luk God.
?Hu man i gat raet blong go antap
long hil* blong Hae God?
?Hu man i save go insaed
long tabu ples ya blong hem?
Man we tingting blong hem i klin
mo laef blong hem i stret,
we i no save mekem wosip long ol giaman god,
mo i no save mekem ol giaman promes,
hem nao i save lukaot Hae God,
we i God blong Jekob,*
hem nao i save kam stanap long fes blong hem.
Man olsem,
Hae God bambae i blesem hem
mo i sevem hem.
God bambae i talemaot
we hem i no man blong mekem samting nogud.
Plis yu ravemaot olgeta sin blong mi,
yu no moa lukluk long olgeta.
God,
plis yu mekem tingting blong mi
i klin olgeta.
Plis yu mekem we hat blong mi
i kam niuwan bakegen,
mo i stap strong long yu oltaem.
Plis yu no ronemaot mi
mi gowe long yu,
mo yu no tekemaot Tabu Spirit blong yu
i gowe long mi. blong yu i gowe long mi.
Tru,
God i gud tumas long yumi ol laen* blong Isrel,*
we tingting blong yumi i klin gud.
Purificar-se
Todo o que tem essa esperança em Cristo se purifica. O amor procede de coração puro, boa consciência e fé sincera.
Olgeta man we oli stap putum tingting blong olgeta long Kraes blong kam olsem hem, oli stap mekem fasin blong olgeta i klin, olsem we fasin blong Kraes i klin.
Ol fren. Naoia yumi pikinini blong God finis, be i no klia yet se bambae yumi save kam olsem wanem. Be wan samting yumi save. Taem Kraes* i kamtru, bambae yumi save kam olsem hem, from we long taem ya, bambae yumi save luk hem stret long ae blong yumi.
Olgeta man we oli stap putum tingting blong olgeta long Kraes blong kam olsem hem, oli stap mekem fasin blong olgeta i klin, olsem we fasin blong Kraes i klin.
Yu mas tijim ol man blong oli mas bilif strong long Jisas, mo blong laef blong olgeta i klin gud long fes blong hem, we i no gat poen agens long olgeta. Nao long fasin ya bambae oli save lavem ol narafala man long fasin we i stret gud.
I nogud yu folem ol krangke fasin blong ol yangfala, we oli wantem tumas ol samting we i no stret. Yu yu mas joen long ol man we tingting blong olgeta i klin gud, we oli stap ona long Masta* blong yumi. Oltaem yu mas traehad blong mekem ol stret fasin, mo blong folem fasin blong bilif, mo blong lavem ol man, mo blong stap gud wetem ol narafala man.
Mi mi stap prea we oltaem bambae yufala i save kam we yufala i stap lavlavem yufala moa. Mo mi prea we long fasin ya, oltaem bambae yufala i save kam waes moa, mo yufala i save luksave wanem fasin we i stret gud olgeta blong yufala i save jusumaot. Nao long fasin ya, long Lasdei ya we Kraes bambae i jajem olgeta man long hem, bambae laef blong yufala i klin gud, i no gat wan man nating we i gat poen agens long yufala. Nao long laef blong yufala, bambae yufala i gat ol stret fasin ya we Jisas Kraes i save mekem i kamtru long laef blong yumi, blong yumi save presem God, mo blong yumi save leftemap nem blong hem i go antap oltaem.
Yufala i mas mekem olgeta samting long fasin ya we yufala i no toktok tumas, mo yufala i no raorao long yufala. Nao long fasin ya, bambae tingting blong yufala i klin gud, mo i no gat man we i gat poen agens long yufala. Bambae yufala i olsem ol pikinini blong God we yufala i stret gud olgeta. Mo bambae yufala i givimaot tok ya blong laef long ol man ya we oli gat ol krangke fasin, mo oli agens long evri samting. Yufala i mas saenaot long medel blong olgeta, olsem ol sta long skae. Nao long fasin ya, long Lasdei ya we bambae Kraes i jajem olgeta man, be mi bambae mi save glad long yufala, from we yufala i soemaot we mi mi no resis blong nating, mo mi no hadwok blong nating nomo.
Yufala i mekem laef blong yufala i klin finis long fes blong God, from we yufala i obei long trutok, nao yufala i save lavem ol brata blong yufala long fasin we i stret gud. Nao from samting ya, yufala i mas lavlavem yufala long olgeta tingting blong yufala, long fasin we i no save jenis.
Maet man i ting se olgeta samting we hem i stap mekem oli stret nomo, be Hae God bambae i skelem tingting blong man ya se i stret no i no stret.