Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
प्रभु पश्चाताप करने वाल़ेया री सुणने ओर मताद करने रिया तँईं त्यार रओआ
ओर दु:खी आत्मा वाल़े माणूंए खे बचाओआ।
ओ परमेशर मेरा बलिदान एक नम्र आत्मा ए,
तूँ नम्र ओर पश्चाताप करने वाल़े मनो खे बेकार नि समजदा;
यहोवा दु:खी दिलो वाल़ेया खे ठीक करोआ
ओर तिना रे जख्मा पाँदे पट्टी बानोआ।
मेरा शरीर ओर दिल चाए दोनो आरी जाओ;
पर परमेशर, तूँ सदा मेरे दिलो री चट्टान ओर इस्सा ए।
जो म्हारा पवित्र परमेशर सबी ते ऊच्चे स्वर्गो दे सदा रओआ; कऊँकि महान परमेशर जो सदा जिऊँदा रओआ, जेसरा नाओं पवित्र ए, से ईंयाँ बोलोआ, "जो दु:खी ओर नम्र ए, ताकि दु:खी ओर नम्र लोका रे मनो खे खुश करुँ।
यहोवे री ये बाणी ए, कि यो सारी चीजा मेरे ई आथो रिया बणाई रिया ए, ईंयाँ ये सब ऊआ। पर मां तेसरी तरफा खे ई नजर करनी जो शरीफ ओर दु:खी मनो रा ओ ओर मेरा वचन सुणी की डरोआ।
भविष्यबक्ता यशायाह बोलोआ, "परमेशर यहोवे रा आत्मा मां पाँदे ए, कऊँकि यहोवे शुभ सन्देश सुनाणे खे मेरा अभिषेक कित्तेया ओर आऊँ इजी खे पेजी राखेया ताकि दु:खी मनो रे लोका खे शान्ति देऊँ ओर गुलामा खे आजादिया रा ओर कैदिया खे छुटकारे रा प्रचार करुँ। ताकि यहोवे रे खुश रणे रे सालो रा ओर म्हारे परमेशरो रे बदला लणे रे दिनो रा प्रचार करुँ; ताकि सब दु:ख करने वाल़ेया खे शान्ति देऊँ। ओर सिय्योनो रे दु:ख करने वाल़े लोका रे सिरो पाँदली दु:खो री स्वा दूर करी की सुन्दर पगड़ी बानूँ, ताकि तिना रा दु:ख दूर करी की खुशिया रा तेल लगाऊँ ओर तिना री उदासी दूर करी की यशो रा टखण टखाऊँ; जेते कि तिना खे तर्मो रे बाँजो रे डाल़ ओर यहोवे रे लगाए रे बोलेया जाओ ओर जेते कि तिना रा आदर प्रगट ओ।"
"धन्य ए सेयो, जो मनो रे सल़ीन ए,
कऊँकि स्वर्गो रा राज्य तिना रा ईए।
धन्य ए सेयो, जो शोग करोए,
कऊँकि परमेशरो तिना खे शान्ति देणी।
धन्य ए सेयो, जो नम्र ए,
कऊँकि सेयो तरतिया रे अक्कदार ऊणे।
से दुःख जो परमेशरो री भक्तिया री तरफा ते आओआ, तिजी रा नतीजा मन फिराणा और उद्धार ओआ और एस दुःखो ते पछताणा नि पड़दा। बल्कि दुनिया रे लोका रा दु:ख सदा री मौत पैदा करोआ। त्यान देओ कि परमेशरो री भक्तिया री बजअ ते आये रे दु:खे तुसे पुरिया तरअ ते बदली ते। तिने तुसा रे उत्साह, आपू खे बेकसुर साबित करने री इच्छा, अन्याय रे खलाफ गुस्सा, मुसीबता रे बखते एड़ी चौकसी, मांते मिलणे री एड़ी इच्छा, सेवा रिया तँईं एड़ी धुन और दुराचारिए खे दण्ड देणे रा बिचार पैदा कित्तेया। तुसे सबी प्रकारा ते ये सिद्ध करी की दखाई ता कि तुसे इना गल्ला ते निर्दोष ए।
प्रभुए माखे बोलेया, "मेरी कृपा ताखे बऊत ए; कऊँकि मेरी सामर्थ कमजोरिया रे बऊत अच्छा काम करोई।" इजी री खातर आऊँ बड़ी खुशिया साथे आपणी कमजोरिया पाँदे कमण्ड करूँगा ताकि मसीह री सामर्थ मां पाँदे छांएं करदी रओ।