3 <<Anabirika ni Mirikisi ma nja nsu worede su shina mushashi asu a siki Aworo Mirikisi,

solota gizi Mirikisi e ma na su.

4 Anabirika ni Mirikisi ma nja nsude sua yi beki siki,

sua samu takuwa Anya Mirikisi.

5 Anabirika ni Mirikisi ma nja nsu soki kiya,

sua si gado ni durinya mu.

10 Beki siki yiri ni Mirikisi yaa zo juyi bila mungu mbo nja sila e ma suwo nse ba, sede beki siki ni durinya yaa zo muntu. 11 Geni mbo de beki siki Mirikisi yi a dishiya aku: e sa ku memeri yi mbo, e sa ku shina nkye ku yi mbo kyakya ba, e sa ku yi anwashi, ku yi womba, ari ku sa dishiya, ku yi sori guyam, a kowon turiki ku nana mu nkye ku mani lepi ba.

9 Sede Mirikisi gye ni nkye, <<Aniyeri na e deta ke, sobon te anya lesa sori ke na ntani sua geni sika sori na.>> Nkayomu na dukwa geba soseyi ni peri siki a kiya lesa sori na, sobon de sori Kiristi e zunwa nja ni.