Corpo

19 Hashi, muvimana ndiri kuwera nshimba zyenu ziwera Numba ya Rohu Mnanagala yakawera mngati mwenu, ulii yamumwankiti kulawa kwa Mlungu? Hangu mwenga mwawalunda ndiri yenu maweni, kumbiti wa Mlungu. 20 Kawahemeriti mwenga kwa beyi nkulu. Su mumkwisi Mlungu kwa nshimba zyenu.

27 Kumbiti nuyigangamiziya nshimba yaneni su nuyikolimlima, ntira kuwera neni namweni naniza kulemwa kuwanka lifupu panuwabwera kala wamonga Shisoweru Shiwagira.

3 Pandaviya ulunda waneni woseri na kuwapanana wahushu, kayi pandaviya nshimba yaneni ilunguziwi motu, handa pawera nahera mafiliru neni hapeni mpati shintu.

13 Toziya twenga, patuwera Twawayawudi ama wantu yawawera ndiri Wayawudi, wamanda ama wantu walekiziwa, twawoseri tubatizwa kwa Rohu yumu mushimba yimu ayi, na twawoseri tupananwa Rohu yumu ayu.

4 Twana viwungiru vivuwa munshimba yimu na kila shiwungiru shana lihengu lyakuwi. 5 Ntambu iraa ayi tembera twenga tuvuwa, twenga twa nshimba yimu kwa kukolerana na Kristu na kila yumu kawera shiwungiru sha muyaguwi.

8 Mazoezi ga nshimba gawera na mana yakuwi, kumbiti kulikala kwa kumfiriziya Mlungu kufaa nentu, toziya gatupanana lagilu lya makaliru ga vinu na galii gagiza.

22 Moyu mkalamka ndo mgota guherepa, kumbiti moyu gwana hinginika gondiziya nshimba.

24 Visoweru viherepa ndo handa lisega lyalyana lwashi, navinoga murohu na guyitenda nshimba kuwera ponera.

7 Naguliwona gamweni kuwera gwana luhala nentu mumoyu gwaku, gumtiri Mtuwa Mlungu na kulitula gweka na ukontola. 8 Pagutenda hangu hayiweli afya mushimba yaku na kutenda mihonju yaku iweri na makakala.

13 Gwenga guviwumbiti viwungiru vyangu vya mngati,

gunkolaniziya mumtima mwa mawu gwangu.

14 Nonga mayagashi toziya neni gwakulikangasha,

na matendu gaku ndo ga mauzauza

na neni gumana nakamu.

26 Nshimba na moyu gwangu guweza kusinda,

kumbiti Mlungu, ndo likakala lya moyu gwangu,

na yomberi ndo kila shintu shanfira mashaka goseri.

Nfiru ya kuwera na Mlungu

1 Gwee Mlungu, gwenga ndo gwa Mlungu gwangu,

nikusakula kwa moyu goseri,

rohu yaneni ikufira handa muntu yakimiluwa

nyimiluwa handa isi iyuma yayikenteka yahera mashi.

41 Mulikali masu na mluwi namwingira mumajerwa. Moyu gwa muntu gufira gutenda gakafira Mlungu, kumbiti makakala ga muntu gatosha ndiri."

29 Su, lisu lyaku lya kumliwu palitenda gutendi vidoda, gulikolopoli na kuliyasa kutali! Mbaka nentu kwasa shiwungu shimu sha nshimba yaku, kuliku nshimba yaku yoseri wayasi mumotu gwa Jehanamu.

Lyoga

25 "Ndo mana nuwagambirani, namtira kuusu shiboga na shilandwa vyamfira su mulikali, ama hamvali shishi. Hashi, makaliru ndo shiboga hera ama nentu? Na nshimba hashi handa nentu ndiri ya nguwu?

28 Namuwatira woseri yawalaga nshimba, kumbiti waweza ndiri kuilaga rohu, mbaka nentu mumtiri Mlungu yakaweza kulaga vyoseri nshimba pamuhera na rohu mumotu gwa Jehanamu.

Likapiru kwajili ufyangu

1 Maelufu ga wantu pawaliwoniti pamuhera, ata waweriti wankulitimbanga, Yesu kawagambiriti huti wafundwa wakuwi, "Mliloleri weri na simika ya Mafalisayu, nana mana ufyangu. 2 Kila shintu shawashigubikiti hashiweri paweru na kila bada hayimaniki. 3 Su vyoseri vyamtakuliti muluwindu havipikaniriki paluwala, ata vilii vyamulipwepwera shaka pamtatiti ligomi havibwerwi panani pa numba.

Mweni yakafiruwa kumtira

4 "Nukugambirani waganja wangu, namuwatira woseri yawalaga nshimba kumbiti wasinda kutenda shintu shimonga nentu. 5 Hanuwalanguziyani gwa kumtira, mumtiri Mlungu, ayu pakawalaga kala kana uwezu wa kumwasira muntu mumotu gwa Jehanamu. Munjimiri, ayu ndo yumu gwa kumtira!

6 "Iwera ndiri washomolu wamuhanu wawashuwuza kwa senti ndikandika mbili? Kumbiti Mlungu hapeni kamuwaluwi shomolu ata yumu. 7 Ata nvili zya mumtuwi mwenu waziwalangiti kala. Su namtira, mwenga wa mana nentu kuliku washomolu wavuwa!

Kumjimira ama kumlema Kristu

8 "Nankuwagambira nakaka, kila muntu yakatakula kulongolu kwa wantu kulonga ndo gwaneni, Mwana gwa Muntu hakatakuli kulongolu kwa wantumintumi wa kumpindi wa Mlungu kuwera muntu ayu ndo gwakuwi. 9 Kumbiti woseri yawanema kulongolu kwa wantu, Mwana gwa muntu viraa hakawalemi kulongolu kwa wantumintumi wa kumpindi wa Mlungu.

10 "Na yoseri Yakamtakulira visoweru vidoda mwana gwa Muntu hakalekiziwi, kumbiti yoseri yakamwigilanga Rohu Mnanagala hapeni kalekeziwi.

11 "Pawawabata na kuwajega munumba za Mlungu, ama kwa wakulu na wakolamlima, namulihola hola ntambu yakutakula ama ntambu ya kujiteteya. 12 Toziya Rohu Mnanagala shaka shiraa shilii hakawafundi ntambu yakutakula."

Mfanu gwa Mlunda mzyigizyigi.

13 Muntu yumu mulipinga lya wantu kamgambiriti Yesu, "Mfunda, gumgambiri mlongu gwangu tugawani uhala yakatulekeriti tati gwetu."

14 Yesu kamwankula, "Ganja gwangu, gaa yakantyeka neni weri mtoza gwenu?"

15 Su kawagambira woseri, "Muweri masu na muliloli weri na ntambu zoseri za matamata, toziya makaliru ganakaka ga muntu galitumbira ndiri vintu vivuwa vyakawera navi."

16 Yesu kawagambira mfanu agu, "Kuweriti na mlunda yumu yakaweriti na lirambu lyakuwi lyalileriti viboga nentu. 17 Kanjiti kulihola mumoyu mwakuwi pakalonga, ‘Nahera pahala pa kutula viboga vyangu vyoseri. Su hantendi hashi?’ 18 Kaligambiriti mweni, ‘Hantendi hangu, hambomoli hanja zyangu zoseri na kunyawa nkulu nentu, su hantuli viboga vyangu na lunda zyangu zimonga. 19 Shakapanu hanuligambiri mweni, Muntu yakana bahati! Gwana vintu vivuwa viherepa vya kuliya vinja vivuwa. Guvibojoli, vinu su gulii, gulandi na gulinemiziyi gumweni!’ 20 Kumbiti Mlungu kamgambira, ‘mzyigizyigi gwenga! Leru pashiru rohu yaku hayitoluwi. Vinu gaa hakatoli vintu vyoseri vyaguvituliti kwajili yaku gumweni?’ "

21 Na Yesu kamaliriti pakatakula, "Ayi ndo ntambu hayiweri kwa muntu ulii yakalitulira ulunda kwajili yakuwi mweni kumbiti hapeni kaweri mlunda kwa Mlungu."

Gumjimiri ula Mlungu

22 Yesu kawagambira wafundwa, "Nankuwagambira mleki kulihola hola makaliru genu ama nguwu zya kuvala. 23 Ukomu wa mana nentu kuliku shiboga na nshimba yana mana nentu kuliku nguwu. 24 Mloli wampongu, wayala ndiri ama wabenanga ndiri, kayi wahera ata luhanja lwa kutulila viboga, kumbiti Mlungu kawapanana shiboga! Mwenga muwera na mana nentu kuliku wampongu! 25 Kwana muntu yoseri pakati penu yakaweza kwongera mweni makaliru gakuwi ata kwa saa yimu? 26 Handa pamuweza ndiri ata kutenda shintu shididini, iwera hashi mulihola hola vintu vimonga? 27 Muloli uluwa wa kuntundu ntambu yagakula, utenda ndiri lihengu ama ulinyawa ndiri weni. Kumbiti nukugambirani kuwera Mfalumi Selemani pamuhera na ulunda wakuwi woseri kapatiti ndiri kuvalisiwa gambira uluwa awu. 28 Payiwera Mlungu kaluvalusiya luhamba lya kuisi, lweni leru luwera na shirawu walwasila pamotu, ashi ndiri hakawatenderi nentu mwenga? Mwenga yamuwera na njimiru ndidini!

29 "Su namuligaziya kwa kusakula shintu sha kuliya ama shintu sha kulanda. 30 Toziya wantu yawamumana ndiri Mlungu pasipanu wavisakula nentu vintu vyoseri avi. Tati gwenu kavimana mfira vintu avi. 31 Kumbiti msakuli huti Ufalumi wa Mlungu na hakawapanani vintu avi.

Ulunda kumpindi kwa Mlungu

32 "Mwenga shipinga shididini namtira, toziya Tati gwenu kafira kuwapanana Ufalumi. 33 Muwuzi vyoseri vyamuwera navi na muwapanani mpiya wahushu. Mulinyawili mihaku yayidegeka ndiri na mtuli ulunda wenu kumpindi kwa Mlungu, kweni aku hapeni ipungulwi toziya kwahera mpoka yakaweza kwiwa, ama wameyi yawaweza kuhalibisiya. 34 Ulunda waku pawuwera, ndo na moyu gwaku haguweri.

Wantumintumi walikali weri

35 "Muweri kala kwa kila shintu shashiza na muviwashi vikoloboyi vyenu, 36 gambira wantumintumi yawamuhepera mtuwa gwawu yakiza kulawa mumsambu gwa ndowa. Pakawera kankwiza na kutenda hodi, su hawamvugulili ligomi kamukamu. 37 Mbaka kwa walii wantumintumi, mtuwa gwawu pakiza hakawawoni wankali masu! Nukugambirani nakaka, hakavuli nguwu yakuwi, nakuwagambira walivagi pasi na kuwatendera. 38 Hawaweri na manemu ga ntambu gaa handa pakawawona wankali masu, ata pakiza pashiru ama pamandawira! 39 Muvimani nakaka kuwera handa mweni kana numba pakavimaniti shaka shakwiza mpoka, hapeni kamleki mpoka kubomolanga numba yakuwi. 40 Na mwenga viraa, muweri kala, toziya Mwana gwa Muntu hakizi shaka shamumana ndiri."

Wantumintumi waminika na waminika ndiri

41 Peteru kamgambira, "Mtuwa, mfanu agu ndo kwajili ya twenga, ama kwajili ya kila muntu?"

42 Mtuwa kawankula, "Ndo gaa yakawera ntumintumi kaaminika na yakana mahala? Ndo ulii mtuwa gwakuwi yakamtula kaweri mlolera gwa numba na kuwapanana wantumintumi wamonga wa mtuwa gwakuwi kwa shaka shifaa. 43 Mbaka yakuwi ntumintumi ulii, mtuwa gwakuwi pakawuya hakamwoni pakatenda hangu. 44 Nakaka nukugambirani, mtuwa hakampanani ukulu gwa vintu vyakuwi vyoseri. 45 Kumbiti handa ntumintumi pakalitakulila mweni mumoyu, kuwera mtuwa gwakuwi kakawa shaka shivuwa nentu kwiza, su kanja kuwakomanga wantumintumi wamonga, woseri wapalu pamuhera na wadala, su kalanda na kuliya shiboga pamuhera na kulanda ujimbi, 46 shakapanu mtuwa gwakuwi ntumintumi ulii hakizi lishaka na shaka shakashimana ndiri. Mtuwa hakamdumuli vipandi vipandi na kumwasira kunja na kumtula mushipinga shimuhera na yawajimira ndiri.

47 "Ntumintumi yakavimana shakafira mtuwa gwakuwi kutenda, kumbiti kawera ndiri kala kutenda, hawamkomi nentu. 48 Kumbiti ntumintumi yakavimana ndiri shilii shakafira mtuwa gwakuwi, na viraa katenda shilii shimtenda wamkomi, hawamkomi padidika. Yawampananiti vivuwa hawamdayi vivuwa, kumbiti yawampananiti vivuwa nentu hawamdayi vintu vivuwa nentu.

Yesu ndo shanjiru sha wantu kupalanganyiya

49 "Niza kukoziya motu pasipanu, hera hangu meguweri gwakiti kala! 50 Nana ubatizu weni nfiruwa nuwanki na ntabika nentu mpaka ukamiliki. 51 Mulihola niza kujega ponga pasipanu? Ndala, kumbiti niza kupalanganyiya. 52 Kwanjira vinu na kwendeleya kaya ya wantu wamuhanu hawapalanganyiki na wantu watatu hawalisingani kwa wantu wawili na wantu wawili hawalisingani kwa wantu watatu. 53 Watati hawalisingani na wana wawu na wana hawalisingani na watati na wamawu hawawalemi wahinga wawu na wahinga hawawalemi wamawu na wanahonga hawawalemi wamika mwana na wamika mwana hawawalemi wanahonga wawu."

Kushimana shaka

54 Yesu viraa kawagambiriti wantu, "Pamuwona liwundi lilawira kushana, mala mlonga hakatowi na nakaka vula itowa. 55 Pamuwona lihemuhemu lya kusika lyankuvuma, mlonga hakuweri na mshenji na nakaka iwera. 56 Mwawafyangu mwenga! Muvimana kutunga lishaka ntambu yaliwera kwa kulola isi na liyera, kumbiti kwa ntambu gaa muvimana ndiri mana ya shaka ashi?"

Gulikoli mawoku na mngondu gwaku

57 "Ntambu gaa msinda kuamuwa maweni kutenda shitwatira shiheri? 58 Handa mstaki gwaku kankukujega pashiyotera motu , iherepa nentu mulikoli mawoku pamuhera mwankali munjira. Pamutenda ndiri hangu, nakakujega kwa mtoza mweni hakakujegi kwa wamanjagila na womberi hawakutuli mushibetubetu. 59 Nakaka nukugambira hapeni gulawi mulii mpaka gulipi ata ligwala lya kumalalira."

10 Su naguwera na lyoga mumoyu mwaku na gwasiri kutali magaziwu ga nshimba yaku, toziya untemba na makakala shintundiri.

4 Kwana nshimba yimu ya Kristu na Rohu yumu ntambu litumbiru lyamshemelitwi na Mlungu ndo limu.

22 Wadala wawamani wapalu wawu handa kummana Mtuwa. 23 Toziya mpalu kanawu ukolamlima kwa mdala gwakuwi gambira Kristu ntambu yakawera na ukolamlima kwa shipinga wantu woseri yawamjimira Yesu na Kristu mweni kawaponiziya wantu yawamjimira, womberi ndo nshimba yakuwi.

15 Na ponga ya Kristu iyingira mumioyu mwenu, toziya ya aga mwenga mshemitwi munshimba yimu ayi. Kayi mlongi mayagashii!

22 Shakapanu Mtuwa Mlungu kamuwumba mdala kulawa muluwavu lyalulaviyitwi kwa mpalu ulii, kamjega kwa mpalu ulii. 23 Su mpalu ulii kalikangasha na kalonga,

"Yina, ayu ndo shifupa kulawa mumafupa ganeni,

na shinofu kulawa muvinofu mwaneni.

Na ayu hakashemwi mdala.

Toziya kalaviyitwi kulawa kwa mpalu." 24 Toziya ayi mpalu hakawaleki tati gwakuyi na mawu gwakuyi na hakalimamatiri na mdala gwakuyi na womberi wawili hawaweri nshimba yimu.

Kulikala kwa moyu

16 Toziya ayi hapeni tuwuyi kumbeli, ata handa nshimba zyetu zihowa, kumbiti rohu zya twenga zitendwa zyasyayi kila lishaka.

24 Yomberi mweni kavipapiti vidoda vyetu munshimba mwakuwi pakapingikitwi palupingika, su tuleki kutenda vidoda na kulikala makaliru gagamfiriziya Mlungu, na kwa vironda vyakuwi mwenga mponiziwitwi.

2 Twenga twawoseri tulikwala muvitwatira vivuwa. Handa muntu yoseri kakosa ndiri nakamu muvisoweru vyakalonga, yomberi ndo muntu mkamilika na kaweza kuyilongoziya nshimba yakuwi yoseri.