1 Dan le lagumeserunbei sun katei, aba ladügüni Bungiu sielu luma ubóu. 2 Magaburigili meha ubóu; larihín meha keisi aban barana huliliti daruguñu luburiga lau, anihánti buga lani Bungiu Sífiri ánhinha ligibuagu duna.

26 Aba lubeiti lariñagun:

—Guentoti adüga waméi wügüri. Wenegebei, gabafubei hawagu úduraü, dunuru, ibiñanigu, animaalugu áraabuna hama sun ha aduruuharügübaña múarugu.

27 Dan le ladügünbalin Bungiu wügüri, lenege guánarügü ladügei, adüga lumuti wügüri adüga würi,

3 Ábati labiniruni lisedün weyu, aba lariñagun lun lareidúniwa, ladüga ligía lan weyu le ídanbei lemeraagua lárigiñe sun le ladügübei.

18 Lárigiñe, lariñaga Wabureme Bungiu:

—Mabuidunti lun lábuguarügü lan wügüri. Nadüga aban ídemuei lun lidan sun katei.

6 Lau lererun Aburemei ladügǘwa sielu

lau láfurun liyumulugugiñe ladügǘwa weyu hama waruguma.

2 Lúmagiñe meha lubaragiñe ladügǘn burí wübü,

lubaragiñe buga anihein lan múa luma ubóu,

lúmagiñe binadu dan lumoun lébeha dan, Bungiu buguya.

6 Higougu, hudugua wamá lun;

hudugua wamá ligibugiñe Aburemei,

ladüga ligía adügübaliwa.

1 Dan le burí nerederagun aríaguei áraabu,

aba nálügüdagun nungua, nariñaga:

«Halíagiñeba san liabin níderawagun?»?

2 Lúmagiñeba Nabureme liabin níderawagun,

Aburemei le adügübalin sielu luma múa.

8 Lúmagiñe Aburemei liabin wíderawagun

Bungiu le adügübalin sielu luma ubóu.

24 Anihán weyu le ídanbei luadigimarida Aburemei:

Gunda wamá uguñe!

13 Buguya adügübalin sun núgubu;

buguya adügübalina turageirugu núguchu.

14 Alawaha numutibu, ladüga wéiritu nanigi,

ladüga wéiriguti katei le badügübei.

Chouru numuti lira!

28 Ibidiñeti funagia bun? Maganbun bágili funagia?

Aburemei, Bungiu le magumuchaditi, le adügübalin sun ubóu,

mabuchadaditi luagu, magumuchadi ligía lichú lau.

9 Aban asiedu lauti múa,

le ítarati kei furumiñeguarügü asiedu,

masigenehanti luma le adügübalin.

Mariñagunti múa lun le nadagimeinbalin:

«Ka badügübei?»

Mariñagun ligía katei le ladügübei lun:

«Mawadigimaridatibu».

17 "Nabureme, lau óunwenbu bubafu badügei sielu luma ubóu. Úati ni kata siñati bun.

6 Adügaali Wabureme luban sielu,

rulei sielu lóugiñe múa;

wati lun barana, aba láwiyuruni ligibuagun múa.

Aburemei, ligía líribei.

36 Úati ni aban; lúmagiñe Bungiu liabin sun katei, ligía giñe ágüdahabalin sun katei, ani lungua giñe ladügei. Uéiriguni lun Bungiu lun sun dan! Ítarala.

20 le marihínbei luagu Bungiu, gayaraati lasubudirúniwa lau burí katei le ladügübei. Arihúaali furangu lúmagiñe lagumeserun ubóu luagu Bungiu lan ligía, luagu giñe magumuchadi lan lubafu. Gadurunhaña lubeiti wuribatiña luagu hariban,

19 Lauñein saragu óurabahouni luma emenigini sun ubóu, agurabei dan le lunbei heresibiruni lirahüñü Bungiu halagante.

17 Le lubeiti lídanhalibei aban luma Kristu, ábanhali gürigia iseri; gumuha sun katei le binadubei; labagariduña aban iseri ibagari.

10 Lugundun Bungiu adügübaliwa; iserihadiwa lidan Kristu Hesusu lun wadügün katei buiti, kei laritaguni lúmagiñe binarü.

18 Ladüga ítara liña lan labusenruni, ruti ibagari woun lídangiñe lererun le inarünibei, lun ítara wamá kei furumiñeti alubahani lídangiñe sun le ladügübei.

4 Sun muna adügarügü lumutu somu gürigia; gama lumoun Bungiu adügübalin sun katei le aniheinbei.

28 Ladüga lídangiñeti Bungiu awanhein lubéi, gabagari wagía, éibuga wagía ligibuagu ubóu le; kei hariñaguni poetagu: "Ladügawagun Bungiu wagía".

13 Aganba numuti giñe hariñaguni sun katei le ladügübei Bungiu sielu, le múarugubei, le lábugiñebei múa, luma le baranahabei, luma sun katei le lídanbei burí:

«Rualá eteingiruni, inebesei, uéiriguni, luma ubafu

lun le ñunbei luagu lálana arúeihani, luma lun Mudún, lun sun dan».