16 पर मै कहतुँ, कि तुहुरे पवित्र आत्मक अगुवाइक अनुसार जिओ ताकि तुहुरे पापी शरीरके इच्छा पूरा ना करो। तबजाके तुहुरे उ खराब काम नै करबो।

13 हे मोरिक विश्वासी भैयो, परमेश्वर तुहुरिन्हे स्वतन्त्र करक लग बलैले बताँ, तबेकमारे तुहुरिन्हे आब मोशक नियम कानुन पालन करे परना कौनो जरुरी नै हो। पर तुहुरे उ स्वतन्त्रताहे अपन शरीरके खराब इच्छा पूरा करक लग पापी स्वभावहे मौका ना देऊ। बेन एकदोसर जहनहे प्रेम करो और एकदोसर जहनके सेवा करो।

1 हे मोरिक विश्वासी भैयो, कौनो विश्वासी भैया पाप कर्ले बा कहिके यदि तुहुरे पता पैबो कलेसे जेने पवित्र आत्मक अगुवाई अनुसार चल्थो। तुहुरे उहिहे सही डगरमे फिर्ता नानक लग नम्रतासे सहायता करदेऊ। और तुहुरे हौश्यार रहहो, ताकि तुहुरे फेन वहे परीक्षामे ना परजाऊ।

41 जागल रहो, प्राथना करो और परीक्षामे ना परो। आत्मा ते जात्तिके तयार बा, पर शरीर कमजोर बा।"

13 हम्रिहिन्हे परीक्षामे परे ना देहो,

पर शैतानसे बँचाऊ।

(काकरेकी राज, पराक्रम और महिमा सदासर्वदा तोहाँरे हुइँत,

आमेन! (यकर मतलब हुइत, अस्तेहेँ होए।)’"

8 होश करो, जागल रहो, काकरेकी तुहुरिन्के दुश्मन शैतान मनैनहे नाश करक लग चारु ओहोँर घुमता। उ गर्जना सिंह हस किहिहे भेटाऊँ, और खादारुँ कना मौका खोज्ती रहत।

16 काकरेकी ज्या चिज फेन संसारमे बा: शरीरके अभिलाषा, आँखीक अभिलाषा और जीवनके घमण्ड परमेश्वर बाबक थेनसे नै हो, पर संसारमेसे हो।

17 संसार और ओकर अभिलाषा दुनु नाश होजिहीँ, पर जे परमेश्वरके इच्छा अनुसार जिअत, ऊ सदादिन पलिरही।

5 तबेकमारे तुहुरे उ खराब काम करना छोरदेऊ, जोन काम तुहुरिन्के पापी स्वभावसे सम्बन्धित बा। और जोन पृथ्वीमे बताँ जसिके कि व्यभिचार, अशुद्धता, कामुकता और खराब इच्छा। और लाल्ची ना बनो, जोन मूर्तिपुजा करल हस हो।

10 काकरेकी रुपिया-पैँसक लालच सक्कु मेरके खराबीक जर हो। बहुत्ते मनै धिरे-धिरे ख्रीष्टके बारेमे रहल शिक्षामे विश्वास करना बन्द करदेले बताँ। काकरेकी ओइने रुपिया-पैँसक धेउर लालच करिँत। और आब अपनहे अप्निहीँ कौनो एकथो हँथियारलेके गोझल हस ओइने बहुत मेरिक दुःखमे परल बताँ।

12 केऊ कहे सेकत, कि "मै ज्या चहथुँ उहिहे करना अनुमति महिन्हे बा, काकरेकी मै विश्वासी हुइतुँ।" पर सक्कु बात तुहुरिन्के फाइदा नै करत। मै फेन कहे सेक्थुँ, कि "मै ज्या चहथुँ उहिहे करना अनुमति महिन्हे बा, काकरेकी मै विश्वासी हुइतुँ।" पर मै कौनो चिजके गुलाम बने नै चहथुँ।

2 पर व्यभिचार सम्बन्धी कैयो परीक्षा हुइलक कारणसे मै तुहुरिन्हे सल्लाहा देहतुँ कि प्रत्येक पुरुष मनै भोज करलिँत। और ऊ अपन जन्नीक संग बफादार रहे। अस्तेहेँके प्रत्येक महिलन फेन भोज करलिँत। और ओइने फेन अपन थरवक संग बफादार रहिँत।

13 पाप करना इच्छा हमार सक्कुहुनके थेन आइत। पर परमेश्वर विश्वासयोग्य हुइँत : परमेश्वर हम्रिहिन्हे हमार क्षमतासे धेउर परीक्षामे परे नै दिहीँ। जब हम्रे यी परीक्षामे पर्थी, तब ऊ हम्रिहिन्हे हरदम उ परीक्षासे भग्ना डगर दिहीँ ताकि हम्रे यिहिहे सहक लग बल्गर हुई सेकी।

4 और हुँकार महिमा और भलाइक कारण, ऊ हम्रिहिन्हे बहुत बरवार और बहुत्ते अनमोल वाचा देले बताँ। यी वरदाननहे प्रयोग करके हम्रे यी संसारके उ खराब इच्छासे बँचे सेक्थी, जोन इच्छा मनैनहे नाश करदेहत, और परमेश्वरके अपने स्वभावमे शामिल हुई सेक्थी।

2 तुहुरे इच्छा ते करथो, पर तुहुरे नै भेटैथो; तबेकमारे तुहुरे हत्या करक लग तयार बतो। और तुहुरे लालच करथो, पर तुहुरे कुछु नै भेटैथो। तुहुरे झगरा खेल्थो और लर्थो। पर तुहुरिन्हे यी सक्कु चिज यहे कारणसे नै मिलत। काकरेकी यी चिज तुहुरे परमेश्वरसे नै मंग्थो।

13 जब केक्रो परीक्षा हुई, तब ऊ असिके ना कहे कि मोरिक परीक्षा परमेश्वर करतताँ। काकरेकी परमेश्वरहे कबु फेन खराब काम करक लग परीक्षामे दारे नै सेकजाइत। और ना ते परमेश्वर कबु फेन केक्रो परीक्षा करथाँ।

7 आब हम्रे का कही ते? मोशक नियम कानुन पाप हो? बिरकुल नै हो! बेन मोशक नियम कानुनके कारण मै पाप का हो कहिके जन्नु। मै जन्नु कि लालच करना पाप हो, काकरेकी मोशक नियम कानुनमे लिखल बा, "लालच ना कर।" यदि मोशक नियम कानुन नै कहत कलेसे लालच करना गलत हो कहिके मै नै जन्तुँ।

4 सक्कुहुनके भोज आदरणीय होए, और एकदोसर जहनमे हरदम विश्वासयोग्य पलिरहो। काकरेकी दुराचारी और व्यभिचारीनके इन्साफ परमेश्वर करथाँ।

21 काकरेकी तुहुरिन्के मन वहैँ लागल पलिरहत, जहाँ तुहुरिन्के धन रहत।"