Desejos
Os desejos revelam o que há no coração. A Bíblia nos ensina a purificar nossos desejos, submeter a carne ao espírito e buscar as coisas que são de cima.
Desejos da carne
A carne milita contra o espírito. O cristão é chamado a vigiar, resistir e não satisfazer os desejos da natureza pecaminosa.
Manang ini ya paglongun ku kamayu: Dun ni kadég na imo-un mayu, pagpagagad kamu sa Ispiritu Santo pada diliꞌ mayu ma-imoꞌ ya malatay na pagkaliman na pagka-utawun mayu.
Na, kay manga inulug ku, pigtawag da kamu na Tyumanem aw nyakaluwaꞌ da lekat adti pagdumala na Uldin. Manang diliꞌ kamu mag-anenganeng na pigtumbay pa nan kamayu ya pagdalug sa pagkaliman na pagka-utawun mayu adti pag-imoꞌ sa malatay. Madyaw pa baling na gayed kamu maggaginawa͡ay aw magtatabangay.
Kay manga inulug ku na nyangintu-u la, kun awun sambuk na inulug mayu na kyinitaꞌ na mig-imoꞌ sa salaꞌ, kamu na piggagad na Ispiritu Santo ya umbaꞌ tumabang kanan pada makalikuꞌ sakanan adti Tyumanem. Manang pakadyawa ya tingeg mayu kanan. Aw magpakatadeng kamu pagaw kamu uman mabuyu adti pagpakasalaꞌ.
Pagpulaw kamu aw panawagtawag pada diliꞌ kamu degen na pagtandaꞌ. Kaliman galu na utaw na manawagtawag, manang pigdeg baling na kalumay na kanan lawas."
Aw diliꞌ mu kami pagpabaya-an adti pagtandaꞌ na diliꞌ nami mabatug,
manang tabangi kami na diliꞌ kami degen na malatay na lekat adti kan Satanas.’ "
Magpakatadeng kamu. Aw magpakatanaw kamu kay gayed dyumaliket ya po-on mayu na si Satanas, kasiling na liyon na mig-agumu na nyaninaw sa un nan sakgawun.
Kay ya kadég na asini tas na lupaꞌ, dala ya malatay na pagkaliman na pagka-utawun, aw ya manga magpakabuyu sa mata, aw ya pagpalibantug sa kadég na pigtagtun na utaw, alag yeiy walaꞌ lekat adti Ama manang lekat baling adti manga utaw na asini tas na lupaꞌ.
Aw walaꞌ ya ma-untung adti kadég na pigkaybegan na manga utaw kay alag saba yeiy malanas. Manang ya utaw na dyumalug sa pagkaliman na Tyumanem, awun da ginawa nan na walaꞌ ya katigkasan.
Yanagaw pataya mayu ya pagkaliman na kamayu pagka-utawun na kasiling na pagkasala-enen, aw ya malatay na anenganeng, ya pag-imoꞌ sa makamulamula sa lawas, aw ya manga pigkaliman mayu na diliꞌ madyaw. Aw pataya mayu uman ya pagkaybeg sa manga pametang aw ka-unan na eped na utaw, kay kun unu ya pigkaybegan na utaw, yan ya nya-imoꞌ tyumanem nan.
Purificar os desejos
Guarda o teu coração. Das profundezas do interior do homem saem os desejos — bons ou maus, conforme o coração.
Kay ya pagginawa sa kuwalta, yan ya lyekatan sa kadég na punganan na malatay. Awun eped saba na manga utaw na gayed nyanguwalta aw yan ya nyakapasuway kanilan adti pagpangintu-u, aw yan ya du-an na awun kakalatan na ginawa nilan.
Pagaw awun utaw dun ni kamayu na maglong, "Pigtumbay kanak ya pag-imoꞌ sa pangkay unu." Matinaw yan, manang diliꞌ ya kadég na pig-imoꞌ mu alag makakadyaw kanmu. Pangkay pigtumbay kanak ya pag-imoꞌ sa pangkay unu, manang diliꞌ aku magpa-allang sa pangkay unu na asini tas na lupaꞌ.
Ini ya tubag ku: Asuntu na awun madég na utaw na migkasala-enen, madyaw kun ya tagsambuksambuk na eseg awun ka͡ubayan nan aw yan da oloꞌ ya ipidan nan. Aw maynan uman ya tagsambuksambuk na ka͡ubayan mipid oloꞌ sa kanan eseg.
Ya kadég na pagtandaꞌ na kya-agiyan mayu, kya-agiyan uman na eped na manga utaw. Manang tumanen saba na Tyumanem ya manga pigpakang nan kay kasaligan sakanan. Yanagaw diliꞌ nan tumbay ya manga pagtandaꞌ na diliꞌ mayu mabatug ti-isen. Manang kun dumateng kamayu ya pagtandaꞌ, atagan kamu nan na pa-agi na degen mayu pada makapadeleg kamu dun ni kamayu pagpangintu-u.
Desejos santos
Como a corça deseja as correntes de água, minha alma suspira por ti, ó Deus. Os desejos do Espírito produzem vida e paz.
Aw magi sa kadég yeiy, awun manga pigpakang nan kanaten na dakulaꞌ ya alagaꞌ aw to-o madyaw. Aw asuntu sa manga pakang nan, nyakaluwaꞌ kitadun lekat adti pag-allang na manga salaꞌ aw pagkaliman na pagka-utawun tadun asini tas na lupaꞌ, aw makasambuk kitadun dun ni kadyaw na Tyumanem.
Awun manga pigkaliman mayu tagtunun manang diliꞌ mayu mabatug, yanagaw kaliman da mayu magpatay sa utaw. Awun pagkaybegan mayu, manang diliꞌ mayu makamang, yanagaw nyanubbuk kamu sa ayil aw tyanam mayu ya eped na utaw. Manang yan ya du-an na diliꞌ mayu yeiy makamang ya pigkaliman mayu, kay walaꞌ mayu sekata adti Tyumanem.
Kun awun utaw na buyuwun na malatay, diliꞌ galu sakanan maglong, "Ya Tyumanem yan ya migbuyu kanak adti malatay." Kay ya Tyumanem diliꞌ saba magkabuyu na malatay aw walaꞌ uman ya utaw na buyuwun nan adti malatay.
Na, pagaw awun utaw na maglong, "Malatay ya Uldin." Manang ya tubag ku kanan, "Diliꞌ saba!" Kun walaꞌ ya Uldin, diliꞌ ku ka-ede-an ya salaꞌ. Alimbawaꞌ, kun walaꞌ pa sulata dun ni Uldin na "Diliꞌ kamu magkaybeg," diliꞌ ku ka-ede-an na salaꞌ kadiꞌ ya pagkaybeg.
Ya kadég mayu magbabasa͡ay sa kapangugnanay mayu. Aw diliꞌ kamu maglakadenen. Kay ya manga maglakadenen aw manga magkasala-enen, pa-emel-emelen saba na Tyumanem.
Kay kun ayin ya kanmu ka-unan, adtu uman ya kanmu anenganeng.