Desejos

Kulongozwa ni Muye ywa Mnungu hegu mbuli zo mwili

16 Haluse nagamba ivi, lugendo lwenyu lulongozwe ni Muye, niho msekutimila naho kumunk’hwamunk’hwa kwiihile kwili mndani mwenyu.

13 Mna nyuwe wandugu zangu, nomwitangwa mnde walekelwa. Mna ulekelwa wenyu use kuwalekela mwikailwe ni kumunk’hilwa kwiihile kwili mndani mwenyu, kiya mkuungwa ni kwambizana kwa lukunde.

Kudamanya ayedi kwa want’hu wose

1 Wandugu zangu, nyuwe mkulongozwa ni Muye wa Mnungu, uneva mnamuona miyenyu kagwilwa mwo wiihi wowose, mkanyeni mnt’hu uyo vileke akevuze, mna mdamanye ivo kwa ujalamu, mkanda na wengele mnase mkagezigwa nyuwe wenye.

41 Indeni meso, naho mlombeze Mnungu mnase kwingila mo kugezigwa. Moyo wa mnt’hu waungisa kudamanya vedi mna umwili uhwa."

13 Usekukigela mwa magezo,

mna uki yokole kulawa mwo Mwavu.

Kwaviya Useuta ni wako, no udahi no ukulu, ulo na ulo. Taile.

8 Mkedime naho mkaulise! Kwaviya mk’hondo ywenyu uyo Mwavu, ni enga kala dikubuma, dikugenda kila hant’hu mwe isi, dikongola mnt’hu dimdye pele.

16 Vint’hu vose va mwe isi no kumunk’wamunk’wa kwiihile kwo mwili no kumunk’wamunk’wa kwa meso no kukefenyela kunda na ugoli. Aya yose hayakulawa kwa Tate, mna yalawa mwe isi.

17 Isi na kumunk’wamunk’wa kwiihile kwimndani mndani mwakwe vomboka, mna wadya wakudamanya yadya akuunga Mnungu nawekale mazuwa yose.

Wikazi umhya mwa Kilisito

5 Elo, vikomeni vint’hu vose viya vimndani mwenyu va mwe isi. Navo ni ivi uhabwasi na usavu na fanyanyi zihile na kumunk’wamunk’wa kwiihile na ugubaguba, uwo ugubaguba ni enga uviki wa mahili.

1 Hiika ndagano miye mwenye,

yasekumkaula mndele kwa kummunk’hila.

28 Togola mnt’hu adaha kujata nk’hala zo moto, na visigino vakwe visekuhya?

26 Msi wose mwavu amunk’hilwa kupata kint’hu, mna mhuwila alava kwa ukise.

5 kufinya na kugubula ugoli wahalawa, vanda enga upata mawawa.

10 Kwaviya kuungisa matundu ni chotoko cho wiihi wose. Wamwenga wakumunk’wamunk’wa vitendese kuyapata matundu, naivo wauleka mhuwi no kuilumiza imioyo yawe kwa usungu utendese.

Mili yenyu inde kwa ung’azi wa Mnungu

12 Wamwenga nawagambe, "Hilekelwa kudamanya dyodyose." Heiye, mna ivo vose hivo vedi kwenyu. Nazumila kugamba kila kint’hu ni chedi kwangu, mna heninde mtumwa wa kila kint’hu.

2 Mna kwa kuunyilka wiihi wo uhabwasi wiyuko, vaungwa kila mnt’hu ande na mkaziwe, na kila mvele ande na mgosiwe mwenye.

13 Kugezigwa kose kukuwabwilani hiyo kugeni kwa want’hu, mna Mnungu ni mhuwilwa, haalekele weye ugezigwe mwe viya hwiikudaha kuvifinyiliza na kusigala utogile, umwo ukagezigwa naakwink’he udahi wo kufinyiliza, no kukulagisa sila yo kufosela.

Malombezo ya mnt’hu ehale na kwakwe

1 Enga swala ikuunga mazi mwe kazuto,

nivo hukuungisa Zumbe Mnungu ywangu.

4 Kwa ivo nakakink’ha mageleko makulu yadya akilagane vileke kwa ayo mdahe kunyilika ubanangi ukwigalwa ni kumunk’wamunk’wa kwiihile kumwe isi, no kunda hamwenga naye mwe kimnungu chakwe.

2 Mwaunga kupata kint’hu mna mwaswesa. Mwakomana no kuonelana finju mna hamkudaha kupata. Naivo mwatoana na kwinuila nk’humbizi. Mna hamkupata kiya mkuunga kwaviya hamkumlombeza Mnungu.

13 Mnt’hu yeyose uneva anagezigwa, asekugamba, "Higezigwa ni Mnungu." Kwaviya Mnungu hakugezigwa ni wiihi, naho yehe mwenye hakumgeza mnt’hu yeyose.

Miko no wavu

7 Togola kigeeze, miko nuwo wavu? Bule! Hiyo ivo! Kwaviya miko niyo ilekile miye hamanya uwavu ni kint’hu chani, kwaviya hegu hyakumanyize kumunk’hwamunk’hwa kwihile ni kint’hu chani uneva miko hayalongile usekumunk’hilwa.

4 Ndoza yaungwa kwogohwa ni want’hu wose kiya kikuungwa mwe ndoza kidamanywe kwa uhuwilwa, kwaviya Mnungu naawasengele masulumizo wahabwasi na wadesi.

21 Kwaviya mioyo yenyu neikekale kudya wili vindolo venyu.