Deus é amor

Kə yi tə̂ to mâ ndə Ndjapä

7 Alaye ə̂në mə yində e ngbatshe kɔ, a yï tə̂ əzə̂ lə takpa tə̂ əzə̂, mbrə ə̂në kə yi tə̂ to mâ ndə Ndjapä, â əzü nɔ̂ ə̂në tshə sə kə yində azü, Ndjapä kə zû ətshə â tshə wusə̂ Ndjapä nə. 8 Əzü ə̂në tshə yində azü yi ne kɔ, tshə wûsə̂ Ndjapä wû alɔ bale ne, mbrə ə̂në Ndjapä nə kə də̂ kə yi tə̂.

10 Tshelə âdâ kə yi tə̂ nə kə səye: ə də̂ əzə̂ də̂ kə yində Ndjapä nə ne, bale ətshə, tshə yîndə əzə̂ ə wlâ Ɨrɨ nə ndə kə pa tshə tshu mbrə əzə̂ ə gba tshelə anyaka lə kumu əzə̂.

15 Əzü ə̂në tshə yerɔ Jezu tə Ɨrɨ Ndjapä nə, Ndjapä nə sə tə̂ lɔsu ye â tshə sə ndje lə Ndjapä nə. 16 Â əzə̂, a wusə̂ äwä kə yində əzə̂ ə̂në Ndjapä nə yîndə əzə̂ gâ ye kɔ, â a zâ lɔsu əzə̂ gâ tə̂ nə.

Ndjapä nə kə də̂ kə yi tə̂. Əzü ə̂në tshə daka pə tə̂ äwä kə yi tə̂, tshə sə lə Ndjapä nə, â Ndjapä nə sə tə̂ lɔsu ye.

19 Ənə̂ əzə̂, kə yi tə̂ sə tə̂ lɔsu əzə̂, mbrə ə̂në ətshə, Ndjapä nə, tshə yîndə əzə̂ angbʉlînə.

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

8 Bale, Ndjapä nə yîsə̂ nə kə əzə̂ ə pa tshə yində əzə̂ atâ: Kristə nə tshû mbrə əzə̂, alɔ ə̂në a dâka pə tə alayïnyaka kɔ.

4 Bale, Ndjapä nə sə kə wu əyo azü ngbatshe â sə kə yində əzə̂ tə bandanə. 5 Âdârə ə̂në, əzə̂ ə̂në a tshû mbrə aəmbrʉ aərə nə̂ əzə̂ nə gâ ye kɔ, tshə mbrə̂ əzə̂ də a-Kristə tə asorô gâ ye. Tə̂ äwä ə̂rɔ̂tə̂ Ndjapä də̂ e shê lə kuzu gâ ye kɔ.

Bale əpʉ kə bla ətshe nə̂ Palɔ

11 Alaye əmə, ə̂dû əpʉ nə, e sə̈ də ə̂rû, e prä äwä ndə kə pa e sə tə azü ə̂në əndje lî nɔ̂ gâ ye kɔ, e gbɔ̈gbɔ lɔsu angâ e, e sə̈ kʉ də əpʉ lɔsu bale, e sə̈ də blatshe lə takpa tə̂ e, kanika Ndjapä ə̂në tshə yində azü kɔ ə sə ndje tə Ndjapä blatshe kɔ sə də e.