1 Nguluwi ndo honhu ha hetwe ha kubilimila na mong’ho wa hetwe,

heye ndo utanzi wa hetwe mazuwa gose mhela wa magazo.

1 Heye yalingikala hali honhu ha kikala goya ha Nguluwi Yawele Kuchanya,

kokwesela kuli lubehelo lwa Nguluwi Yawele na Ludali.

2 Ndolonga kwa Mkulu Nguluwi,

"Hegwe ndo honhu ha heni ha kubilimila na ngome ya heni,

Nguluwi wa heni yondilingitumbila."

3 Ena, Nguluwi kokulohola kuli idiwa lya mpelembi,

kokwamila kuli matamwa galingukopola.

4 Kokugubika kwa mabawa ga heye,

kowa na kikala goya hala,

kukundigwa kwa heye kokwamila kota ngawo.

1 Ndangukugana, gwa Mkulu Nguluwi, mong’ho wa heni.

2 Mkulu Nguluwi ndo italawe lya heni,

ngome ya heni na mlohozi wa heni,

Nguluwi wa heni, italawe lya heni yondilingumbilimila kikala goya,

ngawo ya heni na mong’ho wa ulohozi wa heni na ngome ya heni.

3 Nandimchema Mkulu Nguluwi, yalinguganigwa kutogoligwa yanhanze,

nani nandoholigwa kulawa kwa wang’honyo wa heni.

1 Unyamile gwa Nguluwi,

kwa vila kwa hegwe ndangubilimila kikala goya.

1 Mkulu Nguluwi ndo lumuli lwa heni na ulohozi wa heni,

ndimdumbe whaani?

Mkulu Nguluwi ndo ngome ya ukomu wa heni,

ndimdumbe whaani?

2 Wehile howonhowa,

na kugana kundumya,

wang’honyo na walingitwanza na heni wochikwang’wala na kugwa.

3 Hanga wamizi howonzunguluta,

nhumbula ya heni haidumba chinhu,

hanga ngondo hoilawila kwa heni,

ndowa nding’hali na kitumbila.

1 Gwa Mkulu Nguluwi, kwa hegwe ndangubilimila kikala goya,

uleche kundeka ne hado mbasigwe soni,

kwa kutanganika kwa hegwe undohole himahima.

2 Umbichile goya ikutu lyako, undohole.

Uwe kwa heni italawe lya kikala goya,

ngome iwele nzinzili kundohola.

3 Ena, hegwe ndo italawe na ngome ya heni,

kwa chiwalo cha itagwa lya hegwe undongoze na kundajila.

4 Undavye kuli idiwa lyowambichile chinyele,

kwa vila hegwe ndo honhu ha heni ha kubilimila.

5 Mmoko mwa hegwe ndanguwika muhe wa heni,

nakungombola, gwa Mkulu Nguluwi, Nguluwi wa kitumbila.

3 Uwe kwa heni italawe lya kikala goya,

honhu hondibilimila chila mhela,

kwa vila hegwe ndo italawe na ngome ya heni.

8 Fola kubilimila kikala goya kwa Mkulu Nguluwi,

kusinda kuchitumbila kwa munhu.

9 Fola kubilimila kikala goya kwa Mkulu Nguluwi,

kusinda kuchitumbila kuli vilongozi wa isi.

5 Gwa nhumbula ya heni, usindamale kwa Nguluwi yaliyeka,

kitumbila kwa heni kwangulawa kwa heye.

6 Heye yaliyeka ndo italawe na ulohozi wa heni,

heye ndo ngome ya heni, sitigasika.

7 Ulohozi na ukulu wa heni vyangulawa kwa Nguluwi,

italawe lya heni ikulu na honhu ha heni ha kubilimila ndo Nguluwi.

8 Hemwe wanhu, mitumbile kwa Nguluwi mazuwa gose,

mumchumulile Mkulu gawele mnhumbula za hemwe.

Nguluwi ndo honhu ha hetwe ha kubilimila.

17 Hegwe uwele mong’ho wa heni, ndokwimbila lutogo,

gwa Nguluwi, hegwe ndo ngome ya heni,

Nguluwi ulingumha heni igano lya kwimilila.

1 Gwa Mkulu, kulawa lulelo lweng’ha,

hegwe nakuwa kikala goya kwa hetwe.

2 Loving’hali kuwa vidunda,

louwele ung’hali kulumba isi yeng’ha,

hegwe ndo Nguluwi, kulawa mazuwa gose mbaka mazuwa gose.

9 Mkulu Nguluwi ndo ngome kwa walingubunzwa,

heye ndo honhu ha kikala goya mihela ja magazo.

10 Walingukuzela, gwa Nguluwi wangitumbila kwa hegwe,

kwa vila hegwe Mkulu Nguluwi huwalechile walingukupala.

7 Gwa Nguluwi, ndaze vyoliwele linojile igano lya hegwe lya kwimilila?

Wanhu wangubilimilaga kuli lubehelo lwa mbawa za hegwe.

7 Mkulu Nguluwi kagoya,

heye ka ngome ya kikala goya mhela wa magazo.

Heye kanguwamilaga weng’ha walingubilimila kikala goya kwa heye.

4 Nakuwa ngome ya wazunwa,

honhu ha kubilimila, kwa walihela chinhu.

Hegwe ndo honhu ha kubilimila mhela wa chivuluvumbi,

lubehelo mhela wa ivuche.

Wawele na nhumbula zihile wangututowa kota chivuluvumbi chilingutowa lukanzi,

26 Yalingumdumba Mkulu Nguluwi kana kitumbila kwimile nzinzili,

na wana wa heye wopata honhu ha kubilimila hawele na kikala goya.

29 Mkulu Nguluwi ndo ngome ya wagoloche nhumbula,

ila walingudita gehile wodumigwa.