1 ፆሳይ ኑ ቆሰትድ አትያ፥

በሰነ ኑ ዎልቃ።

ኑና መቶይ ጋክያ ዎደ፥

እ ኑና ማዳናዉ ኡባ ዎደ ኑ ማታን ደኤስ።

1 ኡባፈ ቃ ፆሳን ናገትድ ደኤይ፥

ኡባፈ ዎልቃማ ፆሳ ኩያን አቄስ።

2 እ ጎዳ፥ "ኔኒ ታዉ ሚፃነ ቆሰታ አትያ በሲ፥

ኔኒ ታና አማንያ ታ ፆሳ" ያጋና።

3 እ ነና ሻንካንቾታ ፅሄፐ፥

ዎድ ኦንግያ ጋዶፐ አሻና።

4 እ ባ ባለታን ነና ካማና፤

እያ ቀፍያ ጋርሳን ኔኒ ቆሰታዳ አታና፤

እያ አማነተይ ነዉ ጎንዳለነ ካተ።

1 አቤት ጎዳዉ፥ ታ ዎልቃዉ፥

ታኒ ነና ዶሳይስ።

2 ጎዳይ ታ ዛላ፤ ታ ሚፃ፤ ታና አሸይሳ፤

ታ ፆሳይ ታ እያኮ ባቃትያ ታ ዛላ።

እ ታዉ ጎንዳለ፤ ታና አሽያ ዎልቃ፤

ታኒ ቆሰታዳ አትያ በሰ።

3 ጋላታ በሲያ ጎዳ ታ ፄጋይስ፤

ታ ሞርከታፐ ታኒ አታና።

1 አቤት ፆሳዉ፥

ታ ኔኮ ባቃትያ ግሾ ታና ናጋ።

1 ጎዳይ ታዉ ፖኦነ ታና አሸይሳ፤

ያትን፥ ታ ኦና ያያኔ?

ጎዳይ፥ ታ ደኦይ ናገትያ ሚፃ፤

ያትን፥ ታ አይስ ዳጋማኔ?

2 ኢታ አሳት፥ ታና እፀይሳትነ ታ ሞርከት

ታና ዎናዉ ሆርዶፍያ ዎደ፥

ባንታዉ በትድ ኩንዳና።

3 ሞርከ ቶር ታና ተቅኮ

ታ ዎዛናይ ያየና።

ኦል ታ ቦላ ደንድያኮካ፥

ታኒ ጎዳን አማነታይስ።

1 አቤት ጎዳዉ፥ ታ ኔኮ ባቃታይስ፤

አዉደካ ታና ዬላዮፓ፤

ነ ፅሎተን ታና አሻ።

2 ነ ሀይ ታኮ ዛራ፤

ኤለሳዳ ታና አሻ።

ኔኒ ታዉ ጌምያ ዛላ፤

ታና አሽያ ምኖ ሚፃ ግዳ።

3 ኤ፥ ነ ታዉ ዛላነ ሚፃ፤

ነ ሱን ግሾ ታና ካለ፤

ኦግያ በሳ።

4 ነ ታዉ ጌምያ በሰ ግድያ ግሾ፥

ኤንቲ ቆትድ ዎዳ ፅሄፐ ታና ናጋ።

5 አቤት ጎዳዉ፥ ቱማ ፆሳዉ፥

ታ ሸምፑዋ ነ ኩሸን ዎይስ፤

ነ ታና ዎዛ።

3 ኔኒ ታ ኡባ ዎደ ጌማዳ አትያ ዛላ

ታኒ ጌማዳ አታና መላ ምኖ ሚፃ ግዳ፤

ኤ፥ ኔኒ ታ ዛላነ ታ ሚፃ።

8 አሳን አማነታናፐ

ጎዳን ጌምድ አተይስ ሎኦ።

9 ግታ አሳን አማነታናፐ

ጎዳን ጌምድ አተይስ ሎኦ።

5 ታ ሸምፐተ!

ፆሳ ፃላላ ስእ ጋዳ ናጋ፤

ታ ኡፋይሳይ እያፐ ዬስ።

6 እያ ፃላል ታ ዛላነ ታ አቶተ፤

ታኒ ቆሰትያ በሲ ግድያ ግሾ ዳጋምከ።

7 ታ አቶተይነ ታ ቦንቾይ ፆሳና፤

እ ታ ምኖ ዛላነ ታ ሚፃ።

8 አሳዉ፥ ኡባ ዎደ ፆሳን አማነትተ፤

እ ህንተዉ ገሸ ግድያ ግሾ፥

ህንተ ቆፋ እያዉ ኦድተ። ሳላሀ

17 አቤት ታዉ ዎልቃ ግድዳ ፆሳዉ፥

ታ ነና ሳባና።

ታ ቆሰታዳ አትያ በሳይነ

ሲቁዋ ታና በሲያ ፆሳይ ነና።

1 ጎዳዉ፥ ኔኒ የለታፐ የለታ ጋካናዉ፥

ኑኒ ደእያ በሲ ግዳዳሳ።

2 ደረት መታናፐ ካሰ፥

ሳእ ኦሰታናፐ ካሰ፥

መርናፐ መርና ጋካናዉ ነ ፆሰ።

9 ጎዳይ ኡንኤትዳይሳታስ አትያ በሲ፤

መቶ ዎደ ገልድ አትያ ቆታ።

10 ነና ኤረይሳት ነናን አማነቶሶና፤

ጎዳዉ፥ ነና ኮየይሳታ የጋ አጋካ።

7 ፆሳዉ፥ ነ ሲቆይ አይ መላ አልኦ!

አሳይ ነ ቀፍያ ጋርሳን ቆሰትድ አቴስ።

7 ጎዳይ ሎኦ፤ መቶ ጋላስ ቆሰትድ አትያ በሰ፤ እ ባናን አማነተይሳታ ኤሬስ።

4 ኔኒ ማንቆይ ባቃትድ አትያ በሲ፥ መቶታንቾይ ቆሰትያ በሲ፥ ኡሾፐ አትያ ገሸነ አዋ ሴላፐ አትያ ኩያ ግዳዳሳ። ዎዛና ምኖ አሳ ሀንቆይ ግምበራ ዶምኤያ ኡሾ መላነ

26 ጎዳ ያይያ አሳስ ምኖ ሚፃይ ደኤስ፤

እያ ናይታስ ባቃትድ አትያ በሲ ደኤስ።

29 ጎዳ ኦገይ ፅሎታስ ባቃትድ አትያ በሰ፤

ሽን ኢታ ኦያ አሳስ ዮ።