9 कुन मीं तीं हुक्म नईं दित्तोरो? हिम्मत केर ते मज़बूत भो, डेरां न, हिम्मत न हैरां; किजोकि ज़ैड़ी-ज़ैड़ी तू गालो, तैड़ी-तैड़ी तेरो परमेशर यहोवा तीं सेइं साथी रालो।"

5 तेरी ज़िन्दगी भर कोई मैन्हु तेरे सामने खड़ो न भोइ बटेलो, ज़ेन्च़रे अवं मूसे सेइं साथी राव, तेन्च़रे अवं तीं सेइं साथी भी रालो; ते न अवं तीं धोखो देइलो, ते न अवं तीं शारेलो। 6 एल्हेरेलेइ तू हिम्मत रख ते मज़बूत भो; किजोकि ज़ै मुल्ख देनेरी मीं इस्राएली लोकां केरे दादे-पड़दादन सेइं कसम खेवरी थी, तूए तैन तैस मुल्खेरो मालिक बनालो।

6 तू हिम्मत केर ते मज़बूत भो, तैन करां न डर ते न घबरा; किजोकि तीं साथी च़लनेबालो तेरो परमेशर यहोवा आहे; तै तीं धोखो न देलो ते न शारेलो।"

10 डर न, किजोकि अवं तीं सेइं साथी आईं, इरां उरां न तक, किजोकि अवं तेरो परमेशर आईं, अवं तीं मज़बूत केरेलो ते तेरी मद्दत केरेलो, ते अपने धर्मी देइने हथ्थे सेइं तीं सुमैलतां रखेलो।

20 अवं तीं तैन लोकां केरे सामने पितलरे दिवारारो ज़ेरो मज़बूत बनेइलो; तैना तीं सेइं लड़ेले, पन तीं पुड़ ज़ींती न सकेले, किजोकि अवं तीं बच़ानेरे लेई ते तीं छुटकारो देनेरे लेई तीं सेइं साथी आईं, यहोवा एन ज़ोते। अवं दुष्ट लोकन करां बच़ेइलो,

12 यहोवारे दूते तैस दर्शन देइतां ज़ोवं, "हे बहादर सूरमा यहोवा तीं साथीए।"

5 अपने आपे दौलतरे लालच़े करां दूर रखा, ते ज़ेत्रू तुसन कांए तैस्से मां राज़ी राथ, किजोकि परमेशरे एप्पू एन ज़ोवरूए, "अवं तीं करां कधे भी दूर न भोइलो, ते न कधे तीं शैरेलो।"

20 ते तैन तैना सब हुक्म मन्ने शिखाला ज़ैना मीं तुसन दित्तोरेन, ते हेरा, अवं दुनियारे आखरी तगर हमेशा तुसन सेइं साथी आईं।"

17 ते विश्वासे सेइं मसीह तुश्शे दिले मां राए, कि तुस प्यारे मां ज़ील छ़ेडतां ते मुनीयाद छ़ेडतां,

16 कुन तुस न ज़ानथ, कि तुस परमेशरेरू मन्दरथ, ते परमेशरेरो आत्मा तुसन मां रहते?

20 हेर, तेरे दिले मां एजनेरे लेई अवं ज़ेन्च़रे कोई घरेरू दार गुड़काते अवं तेन्च़रे आईं; अगर तू मेरी आवाज़ शुन्तां अपनो दिल खोल्‍लस, त अवं अन्तर एज्जेलो ते अस एप्पू मांमेइं संगती केरमेले।

38 किजोकि मीं पूरू याकीने, कि न मौत, न ज़िन्दगी, न स्वर्गदूत, न हुकूमतां, न ज़ै वक्त च़लोरोए, न एजनेबालो वक्त, न शक्ति, न उचार, 39 न डुग्घार ते न कोई होरि सृष्टि, असन परमेशरेरे प्यारे करां ज़ै इश्शे प्रभु यीशु मसीह मांए अलग केरि सकेली।