Deus nos chamou
Deus nos chamou antes da fundação do mundo. Ele nos conhece pelo nome, nos predestinou para sermos conforme a imagem de Cristo e nos capacita para o chamado.
Chamados por Deus
Os que Deus predestinou, também os chamou. O Seu chamado é irrevogável — fundamentado no propósito eterno e na graça abundante.
Tuvizela kota, kuli mbuli zeng’ha Nguluwi kangukola mijito hamwe na wanhu weng’ha walingumgana, yani wala yawachemile kwa chiwalo cha kugana kwa heye. Mina awo yawahagule kulawila katali, ndo yawahagule wewhane na Mwanage, leka Mwanage yawe wa mwaluko mli wang’holoze wenji. Lelo, wala Nguluwi yawahagule ndo wala yawachemile, awo yawachemile ndo wala yawaditile watanganiche ndo awo yawahanzile kahi kuli ukulu wa heye.
Ndangumlanda Nguluwi yawadite mvizele goya, leka mpate kuvizela kula kitumbila koyawachemele na ukulu wa heye woyawawichile wanhu wa heye. Muweze kuvizela vyoyawele na ludali luwele lukulu ng’hatu kwa chiwalo cha hetwe tulingukunda. Ludali alo lulingukola mijito mgati mwa hetwe ndo lwangiwhana na wula mong’ho ukulu ng’hatu
Lelo uleche kona soni kulavya ulolezi kwa chiwalo cha Mkulu wa hetwe, ne uleche kona soni kwa chiwalo cha heni mbele mnweng’hwa kwa chiwalo cha heye. Ila wimilile kilumba kuli magazo kwa chiwalo cha Mbuli Inojile, kota vila ludali loupegwe na Nguluwi. Heye nakatulohola, nakatuchema tuwe wanhu wa heye yuye, haiwele kwa chiwalo cha madito ga hetwe ganojile gotugaditile, ila kwa chiwalo cha majesa ga heye na isungu lya heye. Nakatugalila isungu alyo kukolela Kilistu Yesu kulawa katali isi loing’hali lumbigwa, ila isungu lya Nguluwi, ligubuligwa kwa hetwe sambi kwa kuya kwa heye mlohozi wa hetwe, Kilistu Yesu. Heye kadumya ludali lwa kubagama na kukolela Mbuli Inojile nakaugubula ukomu ulihela kubagama.
Ila homsinda kugazika mhela udo hela, Nguluwi yawele chaluchizo cha isungu lyeng’ha, yawele yowachemani muwe hamwe kuli ukulu wa heye wa mazuwa gose kuli kilumba na Kilistu, heye yuye kowahilulani na kuwadita mwime nzinzili na ludali na msisi wimile nzinzili.
A resposta ao chamado
Ninguém pode vir a mim se o Pai não o atrair. Deus escolheu os fracos para confundir os fortes — e nos chamou para a luz.
Haduhu munhu yoweza kuya kwa heni, wone Mhaza yandajize hamkwejile kwa heni, nani ndomzilipula munhu ayo kuli zuwa lya kuduma.
Wang’holozangu, mkumbuchile mhela lomchemigwe na Nguluwi. Wenji wa hemwe nawali hela luhala kwa majesa ga wanhu, wenji nawali hela mong’ho ama wanhu walingulawa kuli ulongozi. Ila Nguluwi nakavihagula vinhu vya upoka kuli isi leka yawabase soni wawele na luhala, Nguluwi nakavihagula vinhu viwele ng’hochele kuli isi leka yawabase soni wawele na mong’ho.
Wang’holozangu mnyhulichize, Nguluwi kawahagula wanhu wazunwa walihela lufufu wa isi ayi leka wawe na makundo kwa winji na kubochela undewa yoyalagane nawo walingumgana.
Nguluwi nakatulohola kuli ludali lwa jiza, na kutwinjiza kuli undewa wa Mwanage yamganile. Kwa heye twangugomboligwa, kwa vila twangusilwa gehile ga hetwe.
Petili nakedichila, "Mleche gehile ga hemwe na chila yumwe wa hemwe yabatizigwe kwa itagwa lya Yesu Kilistu leka mpate kulechelwa gehile ga hemwe na kubochela ilagano lya Muhe Yelile. Kwa vila, ilagano lila nalyali kwa chiwalo cha hemwe na kwa chiwalo cha wana wa hemwe na kwa chiwalo cha wanhu weng’ha walingikala kutali na kwa chiwalo cha chila munhu yawele Mkulu Nguluwi, Nguluwi wa hetwe komchema kwa heye."
Confirmando o chamado
Procurai tornar cada vez mais firme a vossa vocação. Deus começou a boa obra e a completará até o dia de Cristo.
Ahyo, wang’holozangu, mikangaze ng’hatu kuidita ayo nyhemo ya hemwe yomchemigwe na Nguluwi iwe mbuli ya kukomya kuli ukomu wa hemwe na wone mikale ahyo, hamgwa hebu kuli gehile. Mina kwa kudita ahyo, mokundizwa ng’hatu kwinjila kuli undewa wa mazuwa gose wa Mkulu na Mlohozi wa hetwe Yesu Kilistu.
Lelo ndanguvizela ng’hatu kota Nguluwi yawele nakaluka kukola mijito aji jinojile mgati mwa hemwe, kojidita jilutilile mbaka jenele kuli zuwa lya kuhiluka kwa Yesu Kilistu.
Yesu nakasinda kwa kulonga, "Walalikwa wenji, ila wahaguligwe wachefu."