14 "ሀእ ታ ሀይቃናዉ ማታስ። ጎዳይ፥ ህንተ ፆሳይ ህንተዉ እማና ግድ ጫቅዳ ሎኦባ ኡባፈ እሶይካ አትቦናይሳ ህንተ ኡባይ፥ ህንተ ዎዛናንነ ሸምፑዋን ኤሬታ። እ ህንተዉ እማና ግድ ጫቅዳባፐ እሶይካ አቶና ኡባይ ፖለትስ።

45 ጎዳይ እስራኤለ አሳስ እማና ግድ ጫቅዳ ሎኦባ ኡባ ፖልስፐ አትሽን፥ እሶይካ አትቤና።

56 "ባ ገልዳ ቃላዳ ባ አሳ እስራኤለ ሸምፕስዳ ጎዳይ ጋላተቶ፤ እ ባ አይልያ ሙሰ ባጋራ እምዳ ሎኦ ኡፋይሳ ቃላ ኡባይ ፖለትስ።

19 ዎርዶታናዉ ፆሳይ አሰ ግደና፤

ባ ቆፋ ላማናዉ አሳ ናአ ግደና።

ኦድድ፥ ባ ኦድዳይሳ ኦኔ?

ዎይኮ ባ ግዳይሳ ፖለኔ?

11 ጎዳ ሀልቾይ መርናዉ ኤቅድ ደኤስ፤

እያ ዎዛና ቆፋይ የለተ ኡባሳ።

6 ፑደ ቁ ግድ ሳሎታ ፄልተ፤

ዱገ ሳኣካ ፄልተ።

ሳሎት ጩያዳ ላለትድ ያና፤

ሳእ አፍላዳ ዉራና፤

እያን ደእያ አሳ ኡባይ ኡዱንፀዳ ሀይቃና።

ሽን ታ አቶተይ መርናዉ ዳና፤

ታ ፅሎተይ ዉረና።

140 ነ ኡፋይሳ ቃላይ ዳሮ አማነቴስ፤

ታ ነ አይለይ ዳሮ ዶሳይስ።

13 ነ ካዎተይ መርና ካዎተ፤

ነ ማታይ የለታ ኡባ ሃሬስ።

ጎዳይ ባ ግዳ ቃላ ኡባን አማነቴስ፤

ባ ኦሶ ኡባን ኬሀ።

14 ጎዳይ ኩንዳናዉ ገድጋደይሳታ ካትሴስ፤

ኩንድዳይሳታ ደንስ።

5 ሽን እያ ግዶን ደእያ ጎዳይ ፅሎ፤ እ ባላ ኦና። ዎንታ ዎንታ እ ፅሎ ፕርዴስ፤ ጋላስ ጋላስ ሄሳ አገና። ግዶሽን፥ ያን ደእያ ጌላይ ዬላ ኤረና።

3 ቆንጨይ ባ ዎድያ ናጌስ፤ ቆንጨይ ፖለትያ ዎደይ ኤለ ጋካና፤ ዎርዶ ግደና። ጋምእኮካ ናጋ፤ እ ቱማ ሀናና፤ ጋምኤና።"

20 ፆሳይ እማና ግዳ ኡባይ ክርስቶሳ ባጋራ "ኤ" ግዴስ። ኑኒ ክርስቶሳ ባጋራ ፆሳ ቦንቾስ፥ "አምንእ" ገይ ሄሳ ግሾሳ። 21 ኑነ ህንተ ክርስቶሳን ምንድ ኤቃና መላ ኦዳይነ ባ ኦሱዋስ ዶርዳይ ፆሳ። 22 ኑኒ እያባ ግደይሳ ኤርሳናዉ ባ ማታምያ ኑ ቦላ ዎስ፤ ቃስ ባ ጌሻ አያና ኦይ ኦድ ኑ ዎዛናን ዎስ።

23 ኑስ ኡፋይሳ ቃላ እምዳ ፆሳይ አማነትዳይሳ ግድያ ግሾ ኑ ማርካትያ ኡፋይሳ ኡሻች ሀድርስ ጎና ምንድ ኦይኮስ።

13 ህንተካ ህንተ አቶተ ዎንገላ፥ ሄስካ ቱማ ቃላ ስእዳ ዎደ ክርስቶሳ አማንደታ። ፆሳይ ህንተዉ እማና ግዳ ጌሻ አያናን ህንተ አታመትደታ። 14 ፆሳ ቦንቾይ ጋላተታና መላ ፆሳይ ባ አሳ ዎዛና ጋካናዉ ጌሻ አያና ኑስ ኦይ ኦድ እሚስ።

12 መቱዋ ፆንድ አዳፐ ጉየ፥ ፆሳይ ባና ሲቀይሳታስ እማና ግድ ቃላ ገልዳ ደኦ ካላቻ ኤካና ግሾ፥ መቶን ገንጭያ አስ አንጀትዳይሳ።