Deus nunca falha
Deus nunca falha. Nenhuma de suas promessas vem ao chão. O que Ele prometeu, Ele cumprirá. A fidelidade de Deus é o fundamento inabalável da nossa fé.
Promessas cumpridas
Nenhuma boa palavra falhou de todas as promessas que Deus fez. Ele é fiel e verdadeiro em tudo o que diz.
"ऐबै जाणअ हुंह छ़ेक्कै मरी, ज़िहअ सोभी मणछा खिरी मरनअ लागा। तम्हैं सोभै ज़ाणा ऐहा गल्ला आप्पू कि थारै परमेशर बिधाता हाम्हां लै ज़ुंण गल्ला बोली ती, तेता मांझ़ै निं एक गल्ल बी एही छ़ुटी ज़ुंण पूरी निं हुई। ज़ुंण बी बिधाता ज़बान दैनी ती, तिंयां गल्ला किई तेऊ सोभ पूरी।
इज़राईली लै ज़िहअ-ज़िहअ दैणें करार बिधाता तिन्नां संघै किई ती, तिंयां गल्ला किई बिधाता सोभै पूरी।
"तेऊ बिधाते लोल़ी ज़ै-ज़ैकार हुई ज़ुंणीं आपणीं परज़ा इज़राईली लै ज़िहअ तेऊ बोलअ त तिहअ ई बशैघ दैनअ। म्हारी भलाईए तैणीं ज़ुंण बी गल्ला तेऊ आपणैं दास मोसा का हाम्हां लै बोली ती, तेता मांझ़ै निं एक बी गल्ल एही छ़ुटी ज़ुंण पूरी निं हुई होए।
"परमेशर निं मणछा ज़िहअ आथी
ज़ुंण झ़ुठअ बोला, अर तेभा-तेभी आपणीं गल्ल बदल़ा!
बिधाता ज़ै ज़बान दैई हेरी,
सह करा तेखअ तिहअ ई ज़िहअ तेऊ बोली हेरअ।
पर ज़ुंण बिधाता आप्पू सोठा सह हआ तिहअ ई,
ज़ुंण सह सोठा, सह रहा पोस्ती दर पोस्ती अटल़,
Fidelidade eterna
A Palavra do Senhor permanece para sempre. A tua palavra é muito pura e o teu servo a ama profundamente.
उझै भाल़ा सरगा बाखा लै, पृथूई बाखा दैआ नदर!
सारअ भ्रमंड लुक्कणअ धूँईं ज़िहअ,
पृथूई हणीं पराणैं झिकल़ै ज़ेही,
एथ बस्सै दै सोभ मरनै कतूआ ज़िहै।
पर ज़ुंण छ़ुटकारअ मुंह करनअ, सह हणअ सदा लै,
मेरी ज़ीत हणीं सारी सदा लै अटल़।
हे बिधाता, तेरअ बैण आसा शुचअ-पाक्कअ,
तैही झ़ूरा हुंह तेरअ च़ाकर तेता लै खास्सअ।
तेरअ बधान आसा अटल़ अर
तूह आसा सदा लै राज़अ।
तूह निं आपणीं ज़बानी का कधि हुधदअ,
ज़िहअ तूह बोला, तूह करा तिहअ ई।
ज़हा खरी हुई पल़ी दी तेऊए करा तूह बिधाता ई मज़त,
ज़ुंण ठोहल़ लागी धरनीं बधल़ुअ, तेऊ झ़ैऊआ तूह हाथा ढाकी खल़ै।
पर बिधाता आसा नगरी दी परज़ा जैंदरी,
सह आसा धर्मीं पांच़ अर तेऊ करनअ भलअ ई, सह निं कधि बूरअ करदअ।
सह करा हर धैल़ै मणछो नसाफ, पर कदुष्ट मणछ ज़ुंण पाप करदै रहा, तिन्नां निं शरम एछदी!
ज़ुंण गल्ला ताह धैनै-सुपनै भाल़णीं, तिंयां निभणी आजू तेभै तेही ई
ज़ेभा लै मंऐं तिंयां सोठी हणीं डाही दी।
ईंयां गल्ला रहणीं हई, ईंयां निं टल़दी।
ज़ै एता लै पूरी हणां लै बल़ैग बी पल़े, तूह लऐ न्हैल़ी।
ईंयां गल्ला हणीं ज़रूर अर एता लै निं खास्सी बल़ैग पल़णीं।
Segurança em Deus
Todas as promessas de Deus são sim e amém em Cristo. Fiel é Aquele que prometeu — Ele jamais nos decepcionará.
किल्हैकि परमेशरे ज़ेतरी बी करारा आसा, तिंयां हुई ईशू मसीहा करै पूरी। तैही बोला हाम्हैं "एवमस्तू" अर तेतो मतलब हआ "हाँ" ताकि हाम्हां करै लोल़ी परमेशरो प्रतप्प हुअ।
परमेशर ई करा हाम्हां तम्हां संघै मसीहा दी पाक्कै। परमेशरै आसा हाम्हां दी छ़ाप लाई दी अर पबित्र आत्मां आसा साईए रुपै म्हारै दिलै डाही करै अभिषेक किअ द।
आपणीं आशा दी डाहणअ पाक्कअ विश्वास। किल्हैकि ज़ुंणी करार आसा किई दी, सह परमेशर आसा शुचअ।
ऐबै शूणअ तम्हैं होरी ज़ाती बी शुचअ बैण, ज़ुंण खुशीओ समाद आसा कि परमेशरै दैनअ तम्हां लै उद्धार। ज़ांऊं तम्हैं मसीहा दी विश्वास किअ तेऊ बणाऐं तम्हैं बी पबित्र आत्मां दैई आपणैं, ज़ेते तेऊ खास्सी साला पैहलै करार ती किई दी। किल्हैकि परमेशरै आसा हाम्हां लै पबित्र आत्मां दैनी दी, तेता करै हआ हाम्हां निहंचअ कि तेऊ दैणीं हाम्हां लै तिंयां भली गल्ला ज़ेतो तेऊ हाम्हां लै बाहिदअ आसा किअ द। सह हणअ तेभै ज़ेभै परमेशर हाम्हां पठी निंए बच़ाऊई ज़ुंण हाम्हैं तेऊए आपणैं लोग आसा, एता करै हणअ परमेशरो अदर अर प्रतप्प प्रगट।
परमेशर दैआ तेऊ मणछा लै बर्गत ज़ुंण खरी दी पाक्कअ रहा, किल्हैकि तेऊ भेटणअ पाक्कै रही सदा रहणैं आल़ी ज़िन्दगीओ सह मुगट, ज़ेते करार परमेशरै तिन्नां लै आसा किई दी ज़ुंण तेऊ संघै झ़ूरी डाहा।