35 आपणु ने ईसु मसी ना मोंग गेथा सेटा करवा नी हीम्‌मत कोय पांह से? वेला आंग्‌ये करहे ह़ु, नीता काळ आंग्‌ये करहे ह़ु, नीता नांगरला रेहु ता आंग्‌ये हय जहु ह़ु, नीता आफत आवहे ता आंग्‌ये हय जहु ह़ु, तलवार सी मारवा आवहे ता आंग्‌ये हय ह़ु? 36 जीसम खरला सास्‌तर मे लीखलु बी से:

तारी जुगु आमु दाड़ीन मोत ना हात मे अपाय जीया।

आमु ते तीहया गाडरान तेम गीणाये, जे गाडरा ने मार नाखे।

37 पण ते बी आमु भगवान ना लारे जे आमु ने मोंग कर्‌यो जीक गेथा बी अगा सेकीन से। 38 काहाके मने भरहो से के कोय बी चीज आमने तीना मोंग सी अलग नी कर सके, नी ते मोत अने नी ते जीवाय, नी ते ह़रगदुत अने नी ते बुरो मुख्‌यो, नी ते हमणे अने नी अळतेण, अने नी ताखत, 39 नी उचाय अने नी उंडाय अने नी कंय कळी मे बणावली चीज, आमने भगवान ना मोंग सी, जे अमारा मालीक मसी ईसु मे से अलग कर सके।

8 आमु वेला मे घेरवायला रीया, बाखीन आफत मे नी पड़या। आमु घंगवाय रीया, पण कदी आह नी सोड़या। 9 आमु ने वेला ते पाड़े; पण आमने भगवान सोड़े नी; आमु ने पाड़ देय पण आमु जलमकात खुटया नी।

26 ईसु तीमने केदो, ए, वण-भरह्‌या! तमु एतरी जबर ह़ुका बीही र्‌या? अळतेण तीहयो आंजी अने पाणी ने वड्‌यो अने आखु धीरु पड़ ज्‌यु।

27 आहयु देखीन तीहया वहराय ज्‌या, अने केदा, आहयो केवो माणेह से के आंजी अने दर्‌या लग हुकम माने।

30 एतरे जत्‌यार भगवान चोवगान ना चारा ने, जे आज से, अने काले आक्‌ठा मे नाख देहु, एवा लुगड़ा पेरावे, ता ए वण-भरहा वाळा, तमने तीहयो काहा नी पेरावे? 31 एतरे तमु फीकर करीन आहयु नी केजो, के आमु ह़ु खाहु, अने ह़ु पीहु अने ह़ु पेरहु।

6 अने तीहयी बयर तीहया जंगल मे नाह ज्‌यी जां ह़ारीक भगवान नी लारे तीनी जुगु एक जागो तीयार करलो हतो, के तां ह़ारीक तीहयी बयर ने एक हजार बे ह़ोव साट दाड़ा तक ह़माळे।

19 ह़मळो! मे तमने गड़हा अने वीसा ने पोग तळे कचरवा नो, अने मे तमने वेरी भुतड़ा ना आखा जोर पोर बी हक आपलो से। अने कानी बी चीज सी तमने कंय बी नुकसान नी हये।