35 यीशु और तिना रे चेले गलील प्रदेशो रे कई नगर और कई गांव रे कूमदे रए और तिना रे प्रार्थना रे कअरो रे उपदेश देंदे रए और परमेशरो रे राज्य रा सुसमाचार प्रचार करदे रए और हर बमारी और कमजोरी दूर करदे रए।

8 बमारा खे ठीक करो, मरेया रे खे जिऊँदा करो, कोढ़िया खे शुद्ध करो, दुष्टात्मा खे निकयाल़ो, तुसे मुफ्त पाई राखेया और मुफ्त ई देओ।

8 बमारा खे ठीक करो, मरेया रे खे जिऊँदा करो, कोढ़िया खे शुद्ध करो, दुष्टात्मा खे निकयाल़ो, तुसे मुफ्त पाई राखेया और मुफ्त ई देओ।

16 जेबे साँज ऊई, तेबे सेयो बऊत लोका खे यीशुए गे ल्याए, जिना रे दुष्टात्मा थिया और तिने दुष्टात्मा आपणे वचनो साथे निकयाल़िया और सब बमार ठीक कित्ते। 17 ताकि जो वचन यशायाह भविष्यबक्ते बोलेया था से पूरा ओ

"तिने आपू ई म्हारिया कमजोरिया लयी लिया

और म्हारिया बमारिया चकी तिया।"

36 जेबे आऊँ नांगा था, तुसे माखे टाल्ले दित्ते, जेबे आऊँ बमार था और तुसे मेरी सम्बाल़ लई, जेबे आऊँ जेला रे था और तुसे माखे मिलणे आए।’

37 "तेबे तर्मिया तेसते पूछणा, ‘आसे कदी तूँ पूखा देखेया और ताखे खुल़ाया? या त्याया देखेया और पाणी पल़याया? 38 आसे कदी तूँ परदेशी देखेया और आपणे कअरे ठराया? या नांगा देखेया और टाल्ले पणयाए? 39 आसे कदी तूँ जेला रे या बमार देखेया और ताखे मिलणे आए?’ 40 तेबे राजे तिना खे ज्वाब देणा, ‘आऊँ तुसा खे सच्च लगी रा बोलणे कि तुसे इना मेरे छोटेया ते छोटेया, केसी एकी पाईए साथे बी कित्तेया, से मां ई साथे कित्तेया।’

17 यीशुए ये सुणी की तिना खे बोलेया, "जो पले चंगे ए, तिना खे बैदो री जरूरत नि ऊँदी, पर बमारा खे ओई। आऊँ एड़ेया लोका खे बुलाणे नि आई रा जो सोचोए कि आँऊ तर्मी ए, पर आँऊ पापिया खे बुलाणे और तिना रा उद्धार करने आई रा।"

9 तेथो रे बमारा खे ठीक करो और तिना खे बोलो कि परमेशरो रा राज्य तुसा रे नेड़े आयी पऊँची रा।

1 तेबे यीशुए बारा चेलेया खे बुलाई की तिना खे सारिया दुष्टात्मा पाँदे और बमारिया खे दूर करने री सामर्थ और अक्क दित्तेया 2 और तिना खे परमेशरो रे राज्य रा प्रचार करने और बमारा खे ठीक करने पेजे।

26 "जे तूँ आपणे परमेशर यहोवे रा वचन तन मनो ते सुणे ओर जो तेसरी नजरा रे ठीक ए, सेई करे, तेसरी आज्ञा पाँदे त्यान देओ ओर तेसरी सब बिदिया खे माने, तो जितणे रोग मैं मिस्रिया पाँदे पेजे, तिना बीचा ते एक बी तां पाँदे नि पेजणा, कऊँकि आऊँ तुसा खे चंगा करने वाल़ा यहोवा ए।"

25 तैं आपणे परमेशर यहोवे री पूजा करनी, तेबे तेस तेरे नज्जो-पाणिए पाँदे आशीष देणी ओर मां तेरी बमारिया दूर करनिया।

25 तैं आपणे परमेशर यहोवे री पूजा करनी, तेबे तेस तेरे नज्जो-पाणिए पाँदे आशीष देणी ओर मां तेरी बमारिया दूर करनिया।

14 ओ यहोवा, कृपा तू माखे ठीक कर, तेबे आऊँ ठीक ऊई जाणा, माखे बचा, तेबे आऊँ सच्ची बची जाणा, कऊँकि आऊँ तेरी ई स्तुति करूँआ।

3 सेई तो तेरे सारे पाप माफ करोआ

ओर तेरी सारिया बमारिया खे ठीक करोआ।

3 यहोवा दु:खी दिलो वाल़ेया खे ठीक करोआ

ओर तिना रे जख्मा पाँदे पट्टी बानोआ।

8 यहोवा अन्देया खे आखी देओआ।

से तिना खे ऊबे चकोआ जो रूड़ी गे रे,

यहोवा तर्मिया साथे प्यार राखोआ।

1 से मर्द बऊत ई तन्य ए जो गरीब लोका री सम्बाल़ लओआ! बिपदा रे बखते यहोवे से बचाणा।

2 प्रभुए तेसरी रक्षा करी की से जिऊँदा राखणा ओर से तरतिया पाँदे भाग्यशाली ऊणा। प्रभुए सेयो तिना रे दुश्मणा ते बचाणे।

3 जेबे से बमारिया रिया बजा ते माँजे पाँदे पड़ेया रा ऊणा, तेबे प्रभुए से सम्बाल़ना; तां से बमारिया ते पुरिया तरअ ते ठीक करना।

2 ओ मेरे प्यारे, मेरी ये प्रार्थना ए कि जिंयाँ तूँ आत्मिक तरक्की करने लगी रा, तिंयाँ ई तूँ सबी गल्ला रे तरक्की कर और ठीक-ठाक रओ।

14 जे तुसा बीचे कोई रोगी ए, तो मण्डल़िया रे बुजुर्गा खे बुलाओ और सेयो प्रभुए रे नाओं ते तेस पाँदे तेल मल़ी कि तेसखे प्रार्थना करो। 15 और प्रभुए रे विश्वासो री प्रार्थना रे जरिए रोगी बची जाणा और प्रभुए से ठवाल़ी की ठीक करना और जे तिने पाप बी करी राखे ऊगे, तो सेयो बी माफ ऊई जाणे।

14 जे तुसा बीचे कोई रोगी ए, तो मण्डल़िया रे बुजुर्गा खे बुलाओ और सेयो प्रभुए रे नाओं ते तेस पाँदे तेल मल़ी कि तेसखे प्रार्थना करो। 15 और प्रभुए रे विश्वासो री प्रार्थना रे जरिए रोगी बची जाणा और प्रभुए से ठवाल़ी की ठीक करना और जे तिने पाप बी करी राखे ऊगे, तो सेयो बी माफ ऊई जाणे।

16 इजी री खातर तुसे आपू-बीचे एकी-दूजे रे सामणे आपणे-आपणे पापो खे मानी लो और एकी-दूजे खे प्रार्थना करो, जेते की ठीक ऊई जाओ, तर्मी जणे री प्रार्थना रे असरो ते बऊत कुछ ऊई सकोआ।

7 माखे परमेशरे बऊत ई नौखिया गल्ला दखाईया। आँऊ इना गल्ला पाँदे कमण्ड नि करुँ इजी खे मेरे शरीरो रे एक कांडा चुबाई राखेया। से कांडा शैतानो रा दूत ए से माखे तकलीफ देंदा रओआ कि आऊँ कमण्ड नि करुँ। 8 इजी रे बारे रे मैं प्रभुए ते तीन बार बिनती कित्ती कि ये मांते दूर ऊई जाओ। 9 प्रभुए माखे बोलेया, "मेरी कृपा ताखे बऊत ए; कऊँकि मेरी सामर्थ कमजोरिया रे बऊत अच्छा काम करोई।" इजी री खातर आऊँ बड़ी खुशिया साथे आपणी कमजोरिया पाँदे कमण्ड करूँगा ताकि मसीह री सामर्थ मां पाँदे छांएं करदी रओ। 10 इजी बजअ ते आऊँ मसीह री खातर कमजोरिया रे, निन्दा रे, गरीबिया रे, उपद्रवो रे और मुसीबता रे खुश ए; कऊँकि जेबे आऊँ कमजोर ओऊँआ, तेबे मसीह री सामर्था ते तागतबर ओऊँआ।

4 तिने पक्का म्हारिया बमारिया सई लिया ओर म्हारे ई दु:ख चकी ले; तेबे बी आसे से परमेशरो रा मारेया-कूटेया रा ओर बुरी दशा रे पड़ेया रा समजेया।*

4 तिने पक्का म्हारिया बमारिया सई लिया ओर म्हारे ई दु:ख चकी ले; तेबे बी आसे से परमेशरो रा मारेया-कूटेया रा ओर बुरी दशा रे पड़ेया रा समजेया।*

3 लोक तेसखे बेकार जाणो थे ओर माणूंआ रा त्यागेया रा था; से दु:खी मर्द था, तेसरी जाण-पछयाण बमारिया ते थी ओर लोक तेसखे देखदे ई आपणा मूँ फेरी लओ थे। से तुच्छ जाणेया गया ओर आसे तेसरी एहमियत नि जाणी।*

22 मनो री खुशी ई सबी ते बड़ी दवा ए, पर जेबे मन टूटोआ तेबे आड्डिया बी सूकी जाओईया।

14 बमारिया रे माणूं आपणियां ईम्मती ते सम्बाल़ूँआ,

पर जेबे से ईम्मत ई आरी जाओ तो तेसखे मरने रा ई इन्तजार करना चाईयो।

12 जेबे उम्मीद पूरी ऊणे रे देर ओई, तो मन दु:खी ओआ,

पर जेबे इच्छा पूरी ओई, तेबे बऊत खुशी मिलोई।

3 जदुए तक मैं आपणा पाप मानी नि लया,

तदुए तक मेरा शरीर बऊत कमजोर ओर बमार ऊईगा, ओर आऊँ सारा दिन कणदा रया।

13 तुसा खे याद ओगा कि पईली बार मैं आपणी बमारी और कमजोरिया री दशा रे तुसा खे सुसमाचार सुणाया 14 और तुसे मेरी शरीरो री दशा खे, जो तुसा खे मुसीबता री बजअ थी, तुच्छ नि जाणी, ना तिजी ते चीढ़ कित्ती पर परमेशरो रे स्वर्गदूत बल्कि मसीह जेड़ा आऊँ मानेया।

23 एबुए ते बस पाणिए खेई पीणे वाल़ा नि रओ, पर आपणे पेटो रे और आपणे बार-बार बमार ऊणे री बजअ ते, थोड़ा-थोड़ा दाखरस बी कामो रे ल्याया कर।

4 तेस तिना री आखी ते सारे आसू टूसणे, इजी ते बाद मौत नि रणी, ना शोग, ना बिलाप, ना पीड़ रणी, पईलकिया गल्ला चली गिया।