35 Jezu nâ na ye lə agala də aaya aəgɔ nɔ̂, ə yîsə̂ əpʉ lə aanda aangbɔ ə mʉ̂ Ə̂rɔ̂ Əpʉ gâ pâ Əgɔngerə nə̂ Ndjapä. Tshə grɔ̂ arəka nɔ̂ tə̂ azü, tshə mâ â aərə tshekotə̂ azü nɔ̂ ə̂në ə ndɨ̂ gâ ye kɔ, ə gâmba tə̂ əndje gâ mandânə.

8 E grɔ̈ rəka tə̂ azü, e shë akuzu, e mä ndə kə pa akwa alayïbroma sə mvo, e grɔ̈ aafrɔ ayirə̂ tə̂ azü. E sɔ̂tə̂ nə yera ambanə, e kö kə azü yera ambanə.

8 E grɔ̈ rəka tə̂ azü, e shë akuzu, e mä ndə kə pa akwa alayïbroma sə mvo, e grɔ̈ aafrɔ ayirə̂ tə̂ azü. E sɔ̂tə̂ nə yera ambanə, e kö kə azü yera ambanə.

16 Də lɔkədɨ nə, əndje kô azü ə̂në əndje sə̂ də aafrɔ ayirə̂ lə əndje ə̂në əndje ngbâ tə bandanə kɔ ə nâ də əndje kə ətshə. Kʉ tə̂ äwä əpʉ ama ye, tshə grɔ̂ aafrɔ ayirə̂ tə̂ azü nə â grɔ̂ ndje arəka tə̂ alayïrəka nɔ̂. 17 Rəkɔ, ndəma əpʉ ə̂në awopandəma Ndjapä Ezayi pâ leme-e kɔ mbrə. Tshə pâ əpʉ ə pa: «Tshə kô arəka ə̂në ə ndɨ alabə̈ aərə tshekotə̂ əzə̂ kɔ ndje də arəka nə̂ əzə̂ nɔ̂ gâ pâ ye.»*

36 mə sə̂ kpɔnderɔ, e yî ləba gâ tə̂ əmə; mə sə̂ də rəka, e nâ gâ ngotə̂ əmə; mə sə̂ lə anda kânga, e nâ ə wû əmə." 37 Bale, aə̂rɔ̂ azü nə sə kə kirə əpʉ kə ətshə ə pa: "Âgbɔ̂ Əyïngerə, gorɔ də̂ əgo mî əbə â ä wû əbə â kô rəgo nə kə əbə, wala əgo ə̂ngû mî əbə â ä tô ə̂ngû nə kə əbə? 38 Gorɔ də̂ bə sə̂ tə tshângâ nə â ä wû əbə â zâ əbə mâ ndə ä, wala kpɔnderɔ â ä yî ləba gâ tə̂ zə? 39 Gorɔ də̂ ä wû əbə də rəka tə̂ zə nə, wala mâ lə anda kânga nə â ä nâ ə wû əbə?" 40 Bale, əyïngerə nə sə kə kirə əpʉ kə əndje ə pa: "Djatra əpʉ, mə pa kə e, alɔnɔ̂ ə̂në e ma ərə səkɔ kə ə̈bə̈ əngʉ əzü səye bale lə takpa tə̂ alaye əmə, əmə də̂ e mâ ərə nə kə əmə kɔ."

17 Jezu djî əpʉ nə ə̂në əndje pâ kɔ ə pâ kə əndje ə pa: «Azü ə̂në tshelə akwa əndje sə yera ambanə kɔ, əndje sə sə də əgo ndə kə na gâ ndə awombrə ayɔ rəka ne. Bale, kʉtə̂ alayïrəka kə sə də əgo ndə kə na gâ ndə ye. Mə nâ nâ ndə kə e aə̂rɔ̂ azü ne, bale, mə nâ ndə kə e alayïnyaka.»

9 E grɔ̈ arəka tə̂ alayïrəka lə əgɔ nə ə pä kə azü nə ə pa: "Əgɔngerə nə̂ Ndjapä gî tə̂ ye trö də e gâ ye."

1 Jezu ê azü-awla nə morofo amanə bishi ə zâ awlra də ama tə əyïngerə kə əndje ndə kə grɔ aafrɔ ayirə̂ nɔ̂ də arəka. 2 Tshə wlâ əndje ndə kə yisə̂ əpʉ Əgɔngerə nə̂ Ndjapä ndje ndə kə grɔ arəka tə̂ azü.

2 Aye əmə ə̂në mə yində zə ngbatshe kɔ, mə yində nə ə pa aərə nə̂ zə nɔ̂ na də äwänə, tshelə akwa zə sə tə ə̂rɔ̂nə, mata ə̂në djoko lə zə bə sə tə ə̂rɔ̂nə kɔ.

14 Ə̈bə̈ əzü lə takpa tə̂ e sə də rəka a? Tshə ë aâgbɔ̂ azü Laglizə, əndje nä ə yü Ndjapä mbrə ətshə ə göro ətshə də kâdâ də əɨrɨ Âgbɔ̂ Əyïngerə. 15 Kədə əndje yu Ndjapä nə â za lɔsu əndje gâ tə̂ əpʉ səkɔ, ə sə kə tshɔ əyïrəka nə, â Âgbɔ̂ Əyïngerə sə kə za ətshə gâ lafɔ. Kədə tshə mbrə̂ anyaka, tshelə anyaka nə sə kə gba nə.

14 Ə̈bə̈ əzü lə takpa tə̂ e sə də rəka a? Tshə ë aâgbɔ̂ azü Laglizə, əndje nä ə yü Ndjapä mbrə ətshə ə göro ətshə də kâdâ də əɨrɨ Âgbɔ̂ Əyïngerə. 15 Kədə əndje yu Ndjapä nə â za lɔsu əndje gâ tə̂ əpʉ səkɔ, ə sə kə tshɔ əyïrəka nə, â Âgbɔ̂ Əyïngerə sə kə za ətshə gâ lafɔ. Kədə tshə mbrə̂ anyaka, tshelə anyaka nə sə kə gba nə.

16 Rəkɔ, e pä əpʉ anyaka nə̂ e gashu kə angâ e lə takpa tə̂ e, ə yü Ndjapä mbrə angâ e lə takpa tə̂ e, kanika arəka nə̂ e nglɔ. Kə yu Ndjapä nə̂ ə̂rɔ̂ əzü sə də awlra ngbatshe ndə kə pa ə mbrə ərə.

7 Bale, ndə kə pa mə da əkro əmə da mbrə aərə ə̂në Ndjapä yîsə̂ nə kə əmə ə̂në ə rô pâ kumu azü kɔ ne, ə̈bə̈ ərə jô əmə lə akwa əmə tə əshi, mata ə̈bə̈ əyïawla nə̂ Sataa ndə kə pa tshə da əmə kanika mə da əkro əmə da ne. 8 Äwä vəta, mə yû Âgbɔ̂ Əyïngerə ə pa tshə gi ərə səkɔ gashe tə̂ əmə. 9 Bale, tshə pâ kə əmə ə pa: «Ə̂rɔ̂tə̂ əmə lï də əbə gâ ye. Mbrə ə̂në awlra nə̂ əmə sə kə mbrə ərə alɔ ə̂në əzü sə sə də awlra ne kɔ.» Rəkɔ, mə sə kə da əkro əmə kʉ mbrə tə̂ ə̂në mə mɔ ə mɔ kɔ, kanika awlra nə̂ Kristə nə sə gâ pâ əmə. 10 Âdârə ə̂në tshelə əmə mɔ ə mɔ mbrə tə̂ ə̂në mə gbɔ gbɔ ne kɔ, lə aə̂gû ə̂në azü ə gu əmə də nə kɔ, lə əyo ə̂në ə mbrə əmə kɔ, lə əyo ə̂në azü ə gi tə̂ əmə kɔ, lə aəmbrʉ aərə ə̂në ə wutu gâ tə̂ əmə mbrə Kristə nə kɔ kə sə̂. Mbrə ə̂në, alɔ ə̂në mə mɔ ə mɔ kɔ də̂ mə sə kə sə də awlra.

13 E wûsə̂ nə gâ ye, mbrə rəka də̂ mə mʉ̂ Ə̂rɔ̂ Əpʉ kə e angbʉlînə kɔ. 14 Â ə̂në tshekotə̂ əmə də rəka nə sə̂ sə̂ tə ə̂rɔ̂nə lə ala azü ne kɔ, e wû əmə wû tə amba ərə lə ala e wala e nêke əmə nêke ne. Bale, e mbrə̂ əmə tə ə̂rɔ̂nə mata ə̈bə̈ trawaya nə̂ Ndjapä, mata Jezu Kristə.

23 Kätə̂ äwä kə ndju kʉtə̂ ə̂ngû gâ ye, bale ndjü duva teashe teashe mbrə tshelə zə nə, mbrə ə̂në ə sə kə ka əbə alɔnɔ̂ kɔ.

4 Tshə sə kə tru ngɔla nɔ̂ lə ala əndje. Kuzu ə sə sə je kwatə̂ye ne, â əpʉ mbadja wala əkɨ wala kə wu əyo ə sə sə je kwatəndje ne, mbrə ə̂në aangbʉlî aərə rô gâ ye.»