Domínio próprio

22 Munhu yalingulongozwa na Muhe Yelile vinhu avi vyokoneka mgati mwa heye, vinhu avyo ndo igano na kusangalala na kikala goya na kwimilila na kunoga na yalingulavya vinhu ne kiwuza na kukundigwa, 23 uliholile na kilongoza. Kuduhu malajizo galinguweza kulema mbuli azo.

11 Mina isungu lya Nguluwi lilingigala ulohozi kwa wanhu weng’ha, ligubuligwa. 12 Isungu lya Nguluwi lyangutudita tuleme wihe weng’ha na maya ga isi, tuweze kilongoza, tikale kwa kutanganika na kikala kwa kumhulichiza Nguluwi kuli isi ayi ya sambi, 13 tuwele tubeteza zuwa lila lya kubweda ng’hatu lyotulingitumbila, mhela houlawila ukulu wa Nguluwi Mkulu na Mlohozi wa hetwe Yesu Kilistu.

7 Mina Muhe wotupegwe na Nguluwi hauwele wa kutudita tuwe tudumba, haiwele ahyo, ila ndo Muhe yalingutugalila mong’ho na igano na kilongoza twetwe.

5 Kwa chiwalo acho, mikangaze kwa konjeza makundo ga hemwe kwa kunoga ng’hatu na kunoga kwa hemwe kwa uwanzi, 6 uwanzi wa hemwe kwa kilongoza gwegwe na kwa kilongoza wonjeze kwimilila na kwimilila kwa hemwe kwa kudita galingumnojeza Nguluwi, 7 kuli mbuli za kudita galingumnojeza Nguluwi, wonjeze igano kwa wayago walingumkunda Kilistu, na menji ga ago, wonjeze igano kwa wanhu weng’ha.

32 Yohawele mbewe wa kuzudila ndo kanoga kusinda yawele na mong’ho,

yalinguilongoza nhumbula ya heye yuye ndo kanoga kusinda yula yalinguuhola muji kwa lupichi.

28 Munhu yawele hambe yaweze kuilemeza ng’halazi ya heye,

ndo kota muji ulihela wamizi houtowigwa.

11 Mpoka kangulajilaga ng’halazi ya heye ne uviso,

ila yawele na luhala kangilemezaga na kuidita isindamale.

19 Kodita gehile wone kolonga lukami,

ila yawele na luhala kunguulemeza mlomo wa heye.

24 Ndaze, hamvizelele kota walingitwanza kubilima ndo wenji ila yumwe hela ndo yalingupegwa chonolo? Ahyo mbilime kuli kitwanza vila vyomlinguweza kupata chonolo. 25 Walingubilima wangiwikaga goya na kuhulichiza ng’hatu, wangudita ahyo leka wapate chipembelo chiwele changuwifigwa! Ila hetwe twangudita ahyo leka tupate chipembelo chilingikala mazuwa gose. 26 Ahyo ndangubilima kota munhu yalingugana kulongoza, ndangitowa kota yalingutowa chinhu, haiwele kota yalingutowa chakachaka. 27 Ndangulukangaza lukuli lwangu na kuludita luwe lwa kuhulichiza ng’hatu na kidita mpogozi, ndangudita ahyo leka ndeche kulemigwa hala hondisinda kuwadamlila wanhu wanji.

9 Ila wone hambe waweze kilemeza, wahese na kuhesigwa kwa vila fola kuhesa ama kuhesigwa kusinda kuwa na maya.

13 Kujezigwa kuwele nakuwafika hemwe hakuwele kujenzi kwa wanhu. Nguluwi ndo wa kitumbila, naye howaleka mjezigwe kusinda vyomlinguweza kwimilila, ila homjezigwa, heye kowapa mong’ho wa kwimilila na nzila ya kulawa goya kuli kujezigwa ako.

8 Milolele, mikale meho! Mng’honyo wa hemwe Limazoga, lyangusanzalima kota isimba lilingubuma lipala chilyo. 9 Mwime nzinzili kuli makundo na kumlema, mvizela kota wang’holozenu kuli isi yeng’ha wangufichigwa na magazo gago.

Mtagusa yanojile wa ndolendole za Nguluwi

7 Kuduma kwa vinhu vyeng’ha kwa habehi. Ahyo, mwanguganigwa muwe na luhala na kilongoza leka muweze kulanda.

Kikala kwa chiwalo cha Nguluwi

1 Lelo kwa vila Kilistu nakagazika chilukuli, namwe kahi mwanguganigwa kwima nzinzili mli majesa ago ga heye, mina munhu yagaziche chilukuli, kanguleka ng’hatu kudita gehile. 2 Kulawila sambi, lelo, ukomu wa heye wa kikala aha hali isi wanguganigwa kulongozwa kota vyoyaganile Nguluwi, haiwele kwa maya gehile ga chilukuli. 3 Mhela upulute namwali na mhela uhejile wa kudita mbuli zihile zowalingudita wanhu hawamzelele Nguluwi. Namikala kwa kubweda, kiganilila na kilewa na mvina ziwele na kugala lukami zilingihanza na ung’hondwa na kufugamila jimalukolo. 4 Sambi, wanhu awo wohambe wamzele Nguluwi wangububuwala vyowokona kota hamlingihanza na hewo kuli mbuli ya kumema wihe ng’hatu, ahyo wanguwaligani. 5 Ila woganigwa kulonga wawo kwa chiwalo cha mbuli ayo hali Nguluwi yawele yewichile goya kuwatagusa wawele wakomu na wabagame.

4 Chila yumwe wa hemwe, kanguganigwa kuvizela kikala goya na mdala wa heye kuli welile na kuhulichiza, 5 haiwele kwa maya gehile kota wanhu wanji wohambe wamzele Nguluwi.

22 Mumtogole Mkulu Nguluwi hemwe vilumbigwe vya heye vyeng’ha,

mumtogole honeche homuwele kuli honhu heng’ha hoyalingulongoza.

Gwa nhumbula ya heni, umtogole Mkulu Nguluwi.

13 Undewa wa hegwe ndo undewa wa mazuwa gose,

ludali lwa hegwe lukale lulelo lweng’ha.

Mkulu Nguluwi ka wa kukundigwa kuli kulagana kwa heye kweng’ha,

ka yanojile kuli madito ga heye geng’ha.

6 Mina kwa chiwalo cha hetwe, mwana nakapondigwa,

natupegwa mwana mlume,

naye kopegwa ludali lwa kulongoza,

kochemigwa, "Yalingulonga mbuli za luhala, yalingububuwaza" na,

"Nguluwi Yawele na Mong’ho" na,

"Mhaza wa mazuwa gose" na,

"Mndewa wa kikala goya."

7 Mong’ho wa ulongozi wa heye wolutilila kukula,

undewa wa heye wowa kuli kikala goya mazuwa gose.

Kowa mhalizi wa mndewa Daudi,

kolongoza kwa hachi na kutanganika,

kulawa sambi mbaka mazuwa gose.

Maya ga Mkulu Nguluwi Yawele na Mong’ho, gokweneza aga.

13 Nguluwi nakatulohola kuli ludali lwa jiza, na kutwinjiza kuli undewa wa Mwanage yamganile. 14 Kwa heye twangugomboligwa, kwa vila twangusilwa gehile ga hetwe.

20 uwele Nguluwi naumzilipula Kilistu kuli wabagame kwa mong’ho awo na kumdita yekale ubanzi wa heye wa kudilo ako kilanga. 21 Ako kilanga, Kilistu kangulongoza hali chila undewa na ludali na ukulu na kolongoza hali chila ukulu ulinguhega na chila itagwa lilinguchemigwa kuli isi ayi na kuli isi ilinguya.

20 Ila hetwe twa wenyeng’haye wa kilanga, twangumbeteza ng’hatu mlohozi wa hetwe Mkulu Yesu Kilistu yoye kulawa ako. 21 Heye kogalamla ng’huli za hetwe ziwele ng’hochele na kuzidita ziwhane na lukuli lwa heye luwele na ukulu ng’hatu kwa ludali lulula lulingumdita yaviwiche vinhu vyeng’ha hali ulongozi wa heye.

9 Mina, natuvizela Kilistu mina nakazilipulwa kuli wanhu wabagame na hobagama kahi, kubagama hakumlongoza kahi.

8 Wanhu walinguwinza maya ga lukuli howoweza kumganiza Nguluwi.

9 Ila hemwe, Muhe wa Nguluwi wone yekale mgati mwa hemwe, hamlongozwa na lukuli, ila mwangulongozwa na Muhe. Wone munhu yoneche kahela Muhe wa Kilistu, ayo hawele wa Kilistu.

22 Kota vila wanhu weng’ha vyowalingubagama na kilumba na Adamu, hihyo du weng’ha wozilipuligwa na kilumba na Kilistu. 23 Ila chila yumwe kozilipuligwa kwa kiwhana na kiwika goya heye yuye. Kilistu nayali wa mwaluko kuzilipuligwa, hamba hoyohiluka, wala wawele wa heye wozilipuligwa. 24 Hogokoleka ago, kuduma kwa isi kofika mhela uwele Kilistu hoyomhilusila Nguluwi Mhaza undewa, hala hoyosinda kuudumya chila ulongozi na ludali na mong’ho. 25 Kwa vila Kilistu kanguganigwa yalongoze mbaka hoyowasumya wang’honyo wa heye weng’ha na kuwawika hali magulu ga heye.

2 "Nguluwi ndo yawele na ludali lukulu,

wanhu weng’ha wamdumbe.

Heye kangutawizaga kikala goya mbaka kuchanya kilanga.