Domínio próprio

22 Mna vituhu vakwe, kulongozwa ni Muye ywa Mnungu kwegala lukunde na kinyemi na utondowazi na kufinyiliza na ukise na uwedi na uhuwilwa, 23 ujalamu, hamwenga no kuudaha umoyo. Haihali miko ikudaha kuyahiga ayo.

11 Kwaviya uwedi wa Mnungu ukuwayokola want’hu wose ugubulwa. 12 Uwedi wa Mnungu wakihiniza kuleka wiihi wose na kumunk’wa kwetu kwe zimbuli ze isi ivo kikale kwa kuihuma imioyo yetu na kwikala vedi na kuzumilwa hameso ha Mnungu mwe isi ya ivi haluse, 13 kikagojela dizuwa dye kinyemi kikudikawiila aho ukeza kulaila ukulu wa Mnungu ywetu mkulu na Mlokozi ywetu Yesu Kilisito.

7 Kwaviya Muye kink’higwe ni Mnungu hiyo ywa kukitenda kinde wogofi, bule, mna ni Muye ywa kukink’ha ludole na lukunde, no kuudaha umoyo.

5 Kwa ivo kombekeni kongezela mhuwi kwa uwedi, na mwo uwedi wenyu mwongeze umanyi, 6 mwo umanyi yongezeleni no kuihuma mioyo, mwo kuihuma mioyo yongezeleni no ugoja, mwo ugoja nako yongezeleni no kumwogoha Mnungu, 7 kwa kumwogoha Mnungu yongezeleni no kuungana kwa wandugu, ukuungana kwa wandugu, yongezeleni, no lukunde.

32 Heena maya ni ywedi kujink’ha yudya akuutaha umzi, akuuudaha moyo wakwe ni ywedi kujink’ha akuutaha mzi.

28 Uneva hukuyadaha maya yako, huna wambizi enga mzi hewiina gomela, una uhufu mwo kukump’hukilwa.

11 Mhezi alagisa maya yakwe pwilili, mna mta mzungu egala utondowazi.

19 Hana mbuli nyingi hahakuswesa uwihi, mna akukindila lulimi lwakwe ana mzungu.

24 Mwe kindedi mmanya kugamba wakuhigana nguluko wengi, mna akuunga ahokele geleko dyo uhumi ni yumwenga. Gulukeni enga ivo vileke mdahe kuhokela digeleko. 25 Mhigani yeyose wa misezigo, akehiniza no kukenyima vint’hu vose, vileke ahokele taji ikubanika, mna suwe kihokele taji heikubanika. 26 Ivi nivo vikuleka naguluka kwa makawiilo yo uhumi, nivo hutoana, hiyo enga mnt’hu akwaza nguvu zakwe bule. 27 Nausulumiza mwili wangu no kuutenda unitegeleze, vileke miye mwenye nnase kuoneka hikuungigwa kwo kuhokela digeleko umwo habinda kuwabilikiza want’hu watuhu.

9 Mna uneva hamkudaha kukefingiza, lombeni, ni vedi mnt’hu alombe kujink’ha kukimp’hula kumunk’wamunk’wa kwiihile.

13 Kugezigwa kose kukuwabwilani hiyo kugeni kwa want’hu, mna Mnungu ni mhuwilwa, haalekele weye ugezigwe mwe viya hwiikudaha kuvifinyiliza na kusigala utogile, umwo ukagezigwa naakwink’he udahi wo kufinyiliza, no kukulagisa sila yo kufosela.

8 Mkedime naho mkaulise! Kwaviya mk’hondo ywenyu uyo Mwavu, ni enga kala dikubuma, dikugenda kila hant’hu mwe isi, dikongola mnt’hu dimdye pele. 9 Mtoge naho mnde na mhuwi naho mumhige, mkamanya kugamba, wandugu zenyu mwe isi yose wabwiilana na masulumizo aayo.

Mkimaila ywedi wa nt’hunyo za Mnungu

7 Mna, kusila kwe zimbuli zose kwihagihi, elo fanyanyeni vedi naho mnde meso vileke mdahe kumlombeza Mnungu.

Wikazi Mhya

1 Kwaviya Kilisito nakasulumizwa mwo mwili wakwe, ivo nanywe mkombeke kwa fanyanyi enga zakwe, kwaviya uneva mnt’hu anasulumila mwo mwili wakwe, yehe haande mnt’hu ywo wavu vituhu. 2 Kukongela ivi haluse, wikazi wenyu usigale aha he isi, ulongozwe viligane na viya akuunga Mnungu, hiyo viya umwili ukuunga. 3 Ukwo kunyuma mwandaga na lupisi lutali lwa kudamanya mbuli ziya wakuunga kuzidamanya, want’hu hewemmanyize Mnungu, nomuunga kudamanya uhabwasi na kumunk’wamunk’wa kwiihile na ukozi na fugo zimemile ukozi na uhabwasi na miviko ya kwiihiya ya kuvika mahili. 4 Haluse, want’hu hewe mmanyize Mnungu wehelwa wakawaonani hamlunganywe nawo mwo wikazi wiihile vitendese, nawo wawahomolani. 5 Mna nawalave zimbuli zawe wadamanye wenye hameso ha yudya ekale lumwe kuwasengela want’hu wose, wagima na wabanike.

4 Mnt’hu yeyose aungwa amanye kuudaha umwili wakwe mwenye kwa kunda mnt’hu ywa Mnungu na wogofi, 5 hiyo kwa kumunk’wamunk’wa kwiihile enga want’hu hewemmanyize Mnungu.

22 Nyuwe watumigwa vakwe wakulu wa kwe mbingu wose, mtogoleni Zumbe

kila hant’hu mwo useuta wakwe.

Weye moyo wangu mtogole Zumbe.

13 Weye wekaila mazuwa yose,

useuta wako haukusila.

Zumbe Mnungu ni mhuwilwa mwa malagano yakwe yose,

ni ywedi mwo udamanyi wakwe wose.

13 Mwa maona ya nekilo, naonaga yumwenga enga mwana mnt’hu akeza mwe mavunde, amwitilaga yudya Mdala ywa Kale niyo wanigala ho undiilo wakwe. 14 Niyo enk’higwa udahi na ukulu na useuta vileke want’hu wa makabila yose na si yose na milosi yose wamvike. Ulongozi wakwe hounde na uheelo na useuta wakwe houbanangwe.

2 Hiona vedi kuwagambila kilagiso na mbuli zo kwehela ayo Mnungu ywa kulanga anilagise.

3 kaula ivo vili vilagiso va Mnungu!

Mbuli zakwe zo kwehela ni nk’hulu!

Useuta wakwe ni wa mazuwa yose, kulawa cheleko mpaka cheleko.

13 Yehe nakakiyokola mwo udahi wo lwiza, niyo akisamizila mwo Useuta we kindedi wa Mwanawe amuungise, 14 mwa yehe kina ukombolwa, nuko kugamba wavu wetu walekelwa.

20 ulo lumuuyule Kilisito, niyo lwamwiika kulume kwakwe uko kwe mbingu. 21 Uko, Kilisito kanda niye mkulu wakila uzumbe na udahi na ludole na ukulu, niye mkulu kujink’ha ukulu wose umanyike mwe isi ino na mwe isi iyo ikwiza.

20 Mna suwe wikazi wetu ukwe mbingu chakawila kwa nkwina zitendese mlokozi ywetu eze kulawa kwe mbingu, uyo ni Zumbe Yesu Kilisito. 21 Yehe naaihitule mwili wetu wo kuola no kuutenda uligane no mwili wakwe wo uwedi utendese, kwa ludole ulo adaha kuviika hasi yo udahi wakwe.

9 Kwaviya kimanya kugamba Kilisito kauyulwa kale, naho haabanike kaidi. File heimdahe naho.

8 Wadya wakulongozwa nu mwili hawakudaha kumwelela Mnungu.

9 Mna nyuwe Muye ywa Mnungu akwikala mndani mwenyu, hamkulongozwa nu mwili, vituhu vakwe mwalongozwa nu Muye ywa Mnungu, uneva mnt’hu yeyose heena Muye ywa Kilisito uyo hiyo mnt’hu ywa Kilisito.

22 Enga viya wose wakubanika kwa kukelunga na Adamu, sa iivo want’hu wose wauyulwa kwa kukelunga na Kilisito. 23 Mna kila yumwenga auyulwa hakwe hakwe, nk’hongo ni Kilisito, akajika watimila want’hu wakwe Kilisito, aho Kilisito akeza kwiza. 24 Niho uheelo nowize, aho Kilisito akeza kwink’hiza useuta kwa Tate Mnungu, aho akeza kunda kaubananga kila ukulu na kila udahi na kila ludole. 25 Kwaviya Kilisito naalongoze mpaka Mnungu awaike wank’hondo wakwe hasi ye viga vakwe.

2 Mnungu ni mta udahi mkulu,

Want’hu wose waungwa wamtunye ho undiilo wakwe,

kaika useuta wakwe wa kwe mbingu mwo utondowazi.