34 यीशुए पीड़ा समेत आपणे चेले आपू गे बुलाए और तिना खे बोलेया, "जो कोई मां पीछे आऊणा चाओआ, से आपणा सब कुछ छाडी की और आपणे दुःखो और कष्टा रा क्रूस चकी की आपणी इच्छा ते मां पीछे आई जाओ।

31 और दूजी ये कि, ‘तूँ आपणे पड़ोसिये साथे आपू जेड़ा प्यार राख’ इजी ते बड़ी ओर कोई आज्ञा निए।"

20 आऊँ मसीह साथे क्रूसो पाँदे चढ़ाया। आऊँ एबे जिऊँदा नि रया, पर मसीह मांदे जिऊँदा ए। आऊँ शरीरो रे जो एबु जिऊँदा ए, तो बस तेस विश्वासो ते जिऊँदा ए, जो परमेशरो रे पुत्रो पाँदे ए, जिने माखे प्यार कित्तेया और मेरी खातर आपू खे देईता।

3 आपणे फाईदे या कमण्डो ते कुछ नि करो, पर दीनता ते एकी-दूजे रा आपू ते जादा त्यान राखो।

24 पर आऊँ आपणे प्राणो खे कुछ नि समजदा कि तेसखे प्यारे जाणूं, बल्कि ये कि आऊँ आपणी दौड़ा खे और आपणी सेवकाईया खे पूरा करुँ, जो मैं परमेशरो री कृपा रे सुसमाचारो पाँदे गवाई देणे खे प्रभु यीशु मसीहे ते पाई राखी

24 कोई आपणी ई पलाईया खे नि टोल़ो, बल्कि ओरी री बी।

4 प्यार सब्रखोर ए और कृपा करने वाल़ा ए। प्यार जल़न नि करदा, प्यार आपणी तारीफ नि करदा और कमण्ड नि करदा। 5 प्यार अनुचित रीतिया ते नि चलदा, से आपणी पलाई नि चांदा, प्यारो रे चट गुस्सा नि आऊँदा, बुरा नि मानदा।

18 कोई आपणे आपू खे तोखा नि देओ, जे तुसा बीचा ते कोई एसा दुनिया री नजरा रे आपणे आपू खे ज्ञानी समजोआ, तो से मूर्ख बणो कि ज्ञानी ऊई जाओ।

2 आसा बीचा ते हर एक आपणे साथी विश्वासिया खे तेसरी पलाईया खे तिना खे खुश करो और तिना रे विश्वासो खे मजबूत करने री कोशिश करो कि तिना री तरक्की ओ।

25 खुले दिलो ते देणे वाल़ा माणूं खरा ओआ,

ओर जो ओरी रा पला करोआ, तेसरा बी पला ई ऊणा।

2 मूर्ख माणूंए रा मन समजा रिया गल्ला रे नि लगदा, से बस आपणे ई मनो री गल्ल बताणा चाओआ।

36 प्रभु, मेरे दिलो खे लाल़चो रिया तरफा खे नि,

पर आपणियां शिक्षा रिया तरफा खेई फेरी दे।

16 इजी री खातर जेती जल़न और स्वार्थ ओआ, तेती बखेड़ा और हर प्रकारा रे बुरे काम ओए।