10 Lelo, mleche kudumba, kwa vila nda hamwe na hemwe.

Mleche kukabuswa, kwa vila heni nda Nguluwi wa hemwe.

Ndowadita muwe nzinzili na kuwatanza,

ndowamila na moko wa heni utanganiche.

2 Homkola kuli mazi tendema,

ndowa hamwe na hemwe,

homkola kuli nzanda,

haziwasumya kwa mong’ho.

Homjenda kuli chiluli,

hamlakazwa,

milapi ja chiluli hajiwadumya.

4 Kwa vila hemwe mna lutogo na kuhulichizwa hali heni,

nandiwapa uganililo na igano,

nani ndanguwaleka wanhu wanji leka ndiwe na hemwe,

ndanguwaleka wanhu wa isi zinji honhu ha kikala kwa hemwe.

5 Mleche kudumba kwa vila nda hamwe na hemwe,

ndowegala walelwa wa hemwe kulawa kolilawilaga isanya,

ndowakungajiza hemwe kulawa kolizinjilaga isanya.

4 Uleche kudumba, kwa vila haubasigwa soni,

uleche kudumba kudeula kwa vila haubezigwa kahi.

Koisemwa soni ya uhinza wa hegwe,

ne hauweza kukukumbuchila kahi kudeula kwa kulechigwa na mlume wa hegwe.

1 Mkulu Nguluwi kangulonga,

"Nandiwika goya kuhulika mbaka kwa wanhu wawele hawalinguuza mbuli za heni,

na kuwabochela wanhu wawele hawamhalile.

Kwa wanhu wa isi wawele hawalichemile itagwa lya heni,

nandonga, ‘Nda hano! Nda hano.’

31 ila weng’ha walingitumbila kwa Mkulu Nguluwi,

wopata mong’ho unyale.

Woguluka kwa mabawa kota ikungule,

wobilima ne kutoka,

wojenda ne kutweguka nhumbula.

8 Hamba nanyulika lizi lya Mkulu Nguluwi yolonga, "Ndimlajize whaani? Whaani koluta kwa chiwalo cha hetwe?" Nani nandonga, "Heni baha. Ndajize heni!"

9 Ukumbuchile kota heni ndikulajiza uwe wimile nzinzili na usindamale. Uleche kudumba ne kuwa na masinzo kwa vila heni Mkulu Nguluwi, Nguluwi wa hegwe, nda hamwe na hegwe honeche houluta."

9 Ukumbuchile kota heni ndikulajiza uwe wimile nzinzili na usindamale. Uleche kudumba ne kuwa na masinzo kwa vila heni Mkulu Nguluwi, Nguluwi wa hegwe, nda hamwe na hegwe honeche houluta."

16 Aho ndo wanhu nawamwidichila, "Hotuweza ng’oo kumleka Mkulu Nguluwi na kujifugamila milungu jiyage. 17 Mina, Mkulu Nguluwi, Nguluwi wa hetwe, ndo yatulavile hetwe hamwe na wasekulu wa hetwe kuli isi ya Misili kotuwele wapogozi, natugona kwa meho ga hetwe madito ga kububuwaza goyaditile. Nakatwamila kuli majendo ga hetwe geng’ha na hali wanhu weng’ha wawele natukola hali hewo.

6 Muwe mwimile nzinzili na msindamale, mleche kudumba ama kudumbizwa na hewo, mina Mkulu Nguluwi, Nguluwi wa hemwe ndo yalinguluta hamwe na hemwe. Heye kowa hamwe na hegwe na hokuleka ng’oo."

8 Mkulu Nguluwi ndo yalingukulongoza, heye kowa hamwe na hegwe, heye hokuleka ng’oo. Ahyo, uleche kudumba ne kisinza."

31 Kwa mbuli azo zeng’ha, tulonje choni lelo? Wone Nguluwi yawele hamwe na hetwe, whaani yoweza kutulemela?

15 Mina hambochele Muhe Yelile leka yalinguwadita hemwe wapogozi kahi mdumbe, ila mbochela Muhe yalinguwadita hemwe wana wa Nguluwi, kwa ludali lwa Muhe ayo, hetwe twangumchema Nguluwi, "Aba," izeleche "Mhaza!"

2 Chila munhu kangulapigwa kumnojeza yoyalingikala habehi na heye kwa isungu leka ayo yadahe kizenga kuli makundo.

5 Nguluwi nayali mwaluko wa ubetezo na yalinguwapa hemwe lunojenoje lweng’ha, yakuganileni hemwe muwe na chinhu chimwe kota heye Kilistu Yesu navyoyali,

11 Mina nangana ng’hatu ndikoneni ndiwagawileni ndolendole za chimuhe za kuwakangaza. 12 Gondilingulonga hano, weng’ha heni na hemwe tikangaze. Makundo ga hemwe gong’hangaza heni na makundo ga heni gokukangazani hemwe.

13 Ndoweza kudita chila mbuli kwa vila Kilistu kangunipa ludali.

6 Lelo ndanguvizela ng’hatu kota Nguluwi yawele nakaluka kukola mijito aji jinojile mgati mwa hemwe, kojidita jilutilile mbaka jenele kuli zuwa lya kuhiluka kwa Yesu Kilistu.

17 Wone Munhu yoneche yowa mgati mwa Kilistu nakawa chilumbigwe chinyale, mbuli za katali nazikola, mbuli zinyale nazuya.

16 Kwa chiwalo acho hambe tutweguche nhumbula, hanga ng’huli za hetwe zokola, ila kwa mgati twanguditigwa tuwe goya chila zuwa.

17 Magazo galingutufika ndo mado kahi ndo kwa mhela uchefu hela, ila gotugalila ukulu wa mazuwa gose, ukulu ulihela kuduma.

7 Lelo hetwe tuwele na ng’hano ayi twa kota vinhu vya ilongo, leka yoneche hazelu kota ludali alu lukulu lwangulawa kwa Nguluwi haluwele kulawa kwa hetwe. 8 Twangugazika kuli chila ubanzi ila hambe tudumigwe, twanguwa na lunhwinhwi ila hatulingutweguka nhumbula, 9 Twangugazika ila hatulingulechigwa ne utanzi, hanga natugwisigwa hasi, hatudumigwe. 10 Chila mhela weng’ha natwali tuhola kubagama kwa Yesu kuli ng’huli za hetwe, leka ukomu wa Yesu woneche kuli ng’huli za hetwe. 11 Kwa vila hetwe tuwele wakomu, mazuwa gose natulavigwa leka tubagame kwa chiwalo cha Yesu, leka ukomu wa heye woneche kuli ng’huli za hetwe zilingubagama.

11 Lelo, hetwe twanguvizela vila vyotulinguganigwa kumdumba Mkulu na twangikangaza kuwakwega wanhu wanji. Ila Nguluwi kangutuzela goya ng’hatu, nani ndangitumbila kota hemwe mwangutuzela goya ng’hatu. 12 Haiwele kota twangujeza kahi kidedeza kwa hemwe, ila twangugana kuwapa hemwe mbuli za hetwe za kona lutogo kwa hemwe, leka muwedichile wala walingidaya kuwala mbuli zilingoneka kwa kunze kusinda ziwele mnhumbula. 13 Wone twangoneka kota tuna luweje, ndo kwa chiwalo cha Nguluwi na wone twangoneka kota tuna nyhala, ndo kwa chiwalo cha hemwe. 14 Igano lya Kilistu lyangutudita tuwe na mong’ho kwa vila twangukunda kota munhu yumwe nakabagama kwa chiwalo cha weng’ha, ahyo weng’ha twangihanza kuli kubagama kwa heye. 15 Nakabagama kwa chiwalo cha wanhu weng’ha, leka walingikala waleche kikala kwa chiwalo cha hewo wawo, ila wekale kwa chiwalo cha heye yawele nakabagama na kuzilipuligwa kwa chiwalo cha hewo.

16 Lelo, kulawa sambi, hambe tumjeze munhu yoneche kwa majesa ga chiwunhu hela. Hanga kuli mhela umwenga natumjeza Kilistu kwa majesa ga chiwunhu, ila sambi haiwele ahyo kahi. 17 Wone Munhu yoneche yowa mgati mwa Kilistu nakawa chilumbigwe chinyale, mbuli za katali nazikola, mbuli zinyale nazuya. 18 Geng’ha ndo mijito ja Nguluwi yalingutuhanyisa hetwe na heye kwa kukolela Kilistu, na kutupa mijito ja kuwahanyisa wanhu wanji na heye. 19 Nguluwi nayali yoihanyisa isi na heye kwa kukolela Kilistu, ne kuwaza gehile ga wanhu. Heye nakatupa usenga kwa chiwalo cha kuwahanyisa wanhu na heye.

20 Lelo hetwe twahano kwa chiwalo cha Kilistu, naye Nguluwi kangutulajiza hetwe kuwadedeza hemwe. Twanguwalanda kwa chiwalo cha Kilistu, mihanyise na Nguluwi. 21 Kilistu hawele na gehile, ila Nguluwi nakamdita yawe na gehile kwa chiwalo cha hetwe, leka hetwe kwa kilumba na heye, tuwe tihanzile kuli kutanganika kwa heye Nguluwi.

12 Kwa vila wone munhu kana nhumbula ya kutanza, Nguluwi kangubochelaga chila chinhu choyolinguweza kulavya, halingugana mzidi.

3 Yatogoligwe Nguluwi yawele ndo Mhaza wa Mkulu wa hetwe Yesu Kilistu, Mhaza wa isungu na Nguluwi yalingigala uhembulizo wa vyeng’ha. 4 Heye kangutuhembulizaga hetwe kuli magazo ga hetwe geng’ha, leka natwe tuwahembulize wanji kuli chila magazo kwa uhembulizo uwele natuubochela kulawa kwa Nguluwi.

33 Ndanguwalonjela mbuli azi leka muwe na kikala goya kuli kilumba na heni. Kuli isi motunyigwa, ila mikangaze nhumbula! Heni nandiisumya isi!"

33 Ndanguwalonjela mbuli azi leka muwe na kikala goya kuli kilumba na heni. Kuli isi motunyigwa, ila mikangaze nhumbula! Heni nandiisumya isi!"

27 "Ndanguwalechela kikala goya, ndanguwapa kikala goya kwa heni. Hambe ndiwape hemwe kota hila isi vyoilingudita. Mleche kuwa na lunhwinhwi ne kudeula.

27 "Ndanguwalechela kikala goya, ndanguwapa kikala goya kwa heni. Hambe ndiwape hemwe kota hila isi vyoilingudita. Mleche kuwa na lunhwinhwi ne kudeula.

18 Hawele na igano hahela kudumba, ena, igano lya kukomya lyanguwinga kudumba kweng’ha. Lelo, munhu yalingudumba kahela igano lya kukomya, wanhu wangudumba kwa vila kuna utaguso.

28 Muye kwa heni hemwe mweng’ha muwele kugaya na kupapa itunyo, na ndowapa honhu ha kwesela.

28 Mleche kuwadumba hewo wawele kukopola lukuli, ila walingulemwela kukopola muhe. Leka hemwe iwagana ng’hatu kumdumba yula yawele kukopola lukuli hamwe na nhumbula kuli chiluli cha Jehanamu.

22 Mlechele Mkulu Nguluwi itunyo lya hegwe,

naye kokutanza,

homleka hebu yatanganiche yalemwele.

4 Hanga hondikola hali ibindi lya jiza likulu lya kubagama,

sidumba wihe woneche,

kwa vila hegwe, gwa Mkulu Nguluwi kwa hamwe na heni,

nyhimbati na ng’hweku ya hegwe vyangunyamila.

4 Hanga hondikola hali ibindi lya jiza likulu lya kubagama,

sidumba wihe woneche,

kwa vila hegwe, gwa Mkulu Nguluwi kwa hamwe na heni,

nyhimbati na ng’hweku ya hegwe vyangunyamila.

1 Mkulu Nguluwi ndo lumuli lwa heni na ulohozi wa heni,

ndimdumbe whaani?

Mkulu Nguluwi ndo ngome ya ukomu wa heni,

ndimdumbe whaani?

14 Witumbile kwa Mkulu Nguluwi.

Wime nzinzili, uleche kugozola.

Ena, witumbile kwa Mkulu Nguluwi.

24 Muwe mzidahe na mikangaze nhumbula,

hemwe mweng’ha mlingitumbila kwa Mkulu Nguluwi.

8 Nguluwi kangulonga, "Ndokulangusa

na kukulajila nzila youlinguganigwa kuwinza.

Ndokulonjela mbuli na kukulola ng’hatu.

1 Nguluwi ndo honhu ha hetwe ha kubilimila na mong’ho wa hetwe,

heye ndo utanzi wa hetwe mazuwa gose mhela wa magazo.

2 Ahyo hatudumba choneche,

hanga limachinyhina holilawila na vidunda kugwa mbahali,

3 hanga bahali yobuguma na kukabusa

na vidunda hovikakama kwa kukabusa kwake.

3 Gwa Nguluwi, lunhwinhwi holukuya,

ndochitumbila kwa hegwe.

4 Ndanguutogola ulonzi wa Nguluwi,

ndangitumbila kwa Nguluwi hambe ndumbe.

Wanhu wohambe wekale mazuwa gose kota Nguluwi, wondita choni?

17 Uganililo wa hegwe, gwa Mkulu, Nguluwi wa hetwe,

chotulingudita uchiwiche chiwe goya,

ena, uchiwiche goya chila chotulingudita.

1 Ndangulola kuchanya kuli vidunda,

utanzi wa heni wolawa kohi?

2 Utanzi wa heni wangulawa kwa Mkulu Nguluwi,

yalumbile ulanga na isi.

8 Ndangumuwika Mkulu Nguluwi kumwando kwa heni mazuwa gose,

ka hamwe na heni, sitigasika.

9 Mkulu Nguluwi ndo ngome kwa walingubunzwa,

heye ndo honhu ha kikala goya mihela ja magazo.

10 Walingukuzela, gwa Nguluwi wangitumbila kwa hegwe,

kwa vila hegwe Mkulu Nguluwi huwalechile walingukupala.

7 Mumuwichile nongwa za hemwe zeng’ha, mina heye kanguwamila.

6 Msangalale kwa chiwalo cha mbuli ayo, hanga sambi, kwa hado hela, yowagana kisinza kwa chiwalo cha majezo gali vinji.

13 Yalihi yoweza kuwalumiza hemwe wone mibatilila kudita ganojile? 14 Ila, hanga wone yanguwagana kugazika kwa chiwalo cha kudita ganojile, lelo, mbweda. Mleche kumdumba munhu yoneche, ne mleche kukunda kuwa na lunhwinhwi.

11 Ahyo mikangaze nhumbula mwemwe baho na kitanza kota vyomlingudita sambi.

11 Ahyo mikangaze nhumbula mwemwe baho na kitanza kota vyomlingudita sambi.

24 Twitanze kiditila kwa mbuli ya kiyonjezela kikangaza kwa kigana kuli kudita ganojile. 25 Tuleche kuleka yila mbuli ya kiting’hana hamwe, kota vila wanhu wanji vyowawele ting’hana, kwa vila yanguganigwa titanze, mina zuwa lila lya Mkulu yahabehi.

5 Mleche kuwa wanhu walingugana sendi ng’hatu, mkunde na vila vinhu vyomlinavyo. Heye Nguluwi nakalonga, "Sikuleka ng’o, ne sikutaga." 6 Ndo mina twanguweza kulonga,

"Mkulu ndo yalingunhanza,

silingudumba chinhu.

Munhu kondita choni?"

58 Lelo wang’holozangu wondiwaganile, mwime nzinzili na mikangaze. Mazuwa gose mlutilile kukola mijito ja Mkulu kuno mvizele kota mijito jomlingujikola kuli utumagwa wa Mkulu hajikwaga hihi hela.

13 Mleche kuwasa, mwimilile kuli makundo ga hemwe, muwe mzidahe na muwele na mong’ho.

13 Mleche kuwasa, mwimilile kuli makundo ga hemwe, muwe mzidahe na muwele na mong’ho.

7 Mina Muhe wotupegwe na Nguluwi hauwele wa kutudita tuwe tudumba, haiwele ahyo, ila ndo Muhe yalingutugalila mong’ho na igano na kilongoza twetwe.

20 Hamba, mndewa Daudi nakamlonjela Solomoni, mwanage, "Wime nzinzili na uzidahe, ukole mijito aji. Uleche kudumba ne kuwa na lunhwinhwi. Nguluwi, Mkulu Nguluwi, yawele ndo Nguluwi wa heni, ka hamwe na hegwe. Hokuleka ila kowa hamwe na hegwe mbaka housinda mijito jeng’ha jilinguganigwa kukoleka kuli Ng’handa ya Mkulu Nguluwi.

17 Mkulu Nguluwi, Nguluwi wa hemwe, ka hamwe na hemwe

heye ndo yawele na mong’ho wa kulohola.

Heye kosangalala kwa chiwalo cha hemwe kwa kusangalala kukulu,

kwa igano lya heye kowadita msindamale.

Kosangalala kwa chiwalo cha hemwe kwa lwimbo lwa lizi likulu."

23 Kikangaza kuli chila mijito kwangigalaga chinhu cha mzidi,

ila ulonzi hela wangigalaga uzunwa.

17 Yesu nakawalonjela, "Mmbinze nani ndowaditani hemwe muwe wavula wanhu." 18 Baho waleka utandawala wa hewo wamuwinza.

2 Nguluwi nakalonga na Isilaeli kuli ulotezi nechilo, nakamchema, "Yakobo! Yakobo!" Yakobo nakedichila, "Ena ndanguhulichiza."

11 Mhilisi wa Nguluwi nakalonga na heni kuli ulotezi awo, nakanyhema, ‘Yakobo,’ nani nyhidichila, ‘Ena.’

11 Ila mhilisi wa Mkulu Nguluwi nakamchema kulawa kilanga, "Abulahamu, Abulahamu!" Naye nakedichila, "Ena, ndanguhulichiza."

4 Mkulu Nguluwi loyamuwene Musa yogalamka kuchilola chisosolo, nakamchema hala mchisosolo, "Musa! Musa!" Musa nakedichila, "Ena! Heni nda baha."

16 ila Eli nakamchema Samweli na kumlonjela, "Samweli mwanangu." Samweli nakedichila, "Heni baha."

10 Lelo, ako Damasiko nakwali na mlanguswa yalinguchemigwa Ananiya. Mkulu Nguluwi nakamlonjela kuli kulota, "Ananiya!" Ananiya nakedichila, "Nda hano Mkulu."

38 Maliya nakalonga "Heni nda chitumagwa wa Mkulu, iwe kota vyoulonjile." Hamba yula mhilisi wa kilanga nakoka.

6 "Mwanguvizela kota semembe wahano wanguguzigwa kwa migwala mili ja sendi? Ila hali Nguluwi hambe chisemigwe ne chimwe. 7 Ena, mbaka mnvili za kumutwi kwa hemwe naziwazigwa zeng’ha. Ahyo mleche kudumba, kwa vila namganigwa ng’atu kusinda videje avyo!