10 Mena dɔɔ naa yee ya, nawolo nyi me kpuɛna neŋ,

na yele n wɔe kelɔ neŋ ya, nawolo nyi maŋ yɛna n Wurubuarɛ.

Maa do neŋ doŋ na maa kyɔ neŋ,

Maa mo me katenee dunoluŋ nyiŋmaa keŋ lɔ kyaŋ neŋ.

2 Nyi n moo loŋse man na,

me kpuɛna neŋ,

te n moo booneŋ man na,

be gyae ka mo neŋ laŋ.

Nyi n dɔŋ boalaŋ man na,

n be gyae n ke nyakee ya,

boalaŋ laakemse ŋan be gyae ke koolii neŋ ya.

4 Lee keŋ n na lee koya te n dana obuo me siaman,

na keŋ mɛɛ gyae neŋ dɔɔ,

maa mo balaŋ kyɛɛkee neŋ,

maa mo tɛɛlese kyɛɛkee lɛɛ n nyeedoŋ.

5 Naa yee ya, nawolo nyi me kpuɛna neŋ,

maa mo n bia lee weese dɛɛlee kɔŋ,

na maa yilaa ŋon lee weese dɛɛyalae.

4 <<Na yee ya, desɛŋ be gyae kekyaŋ neŋ ya.

Na yee desɛŋ ya, bɔɔ gyae baa wuritii neŋ bela ya.

N ke wolee nyaŋ alebiiritɛɛ desɛŋ

te n be gyae n ke tɔɔse n wose kekyaŋ debaŋ keŋ n yɛɛ lialo e nɛ bela ya.

1 <<Ma lese ma wose wola baŋ ba te bɔɔse me dɔɔ ya nɛ,

baŋ ba te kɛo maŋ ya nɛ naa maŋ.

Tɛɛle keŋ kɔɔ gyeŋ ma yele ya nɛ,

Me yakowɔ nyiaa,<<Maŋ yaa, maŋ yaa.>>

31 Mɔna baŋ be loo gyakaa Degbeŋgyoo dɔɔ nɛ,

baa nyiŋ doŋ wɔle.

Baa nyiŋ beŋkelɛɛ furufu ŋgba otolokuse nɛ,

baa yeu keŋ bɔɔ kaa ya,

baa ta keŋ ba wose be yɔkɔse wɔ ya.

8 Botɔɔ te me nyii Degbeŋgyoo woya nyiaa, <<Amɔte yaa maa kpila? Te amɔte ne gyae laa waa gyu fa daa?>>

Te me yakowɔ nyiaa, <<Maŋ yaa. Kpila maŋ.>>

22 Mo n kasolɔ lɔ Degbeŋgyoo dɔɔ,

ŋon ne gyaela waa kɛɛ n dɔɔ,

ɔ be gyae waa yela

ŋon ɔ tenɛɛ nɛ ke wosi ya.

4 Doo nyi me dɔŋ yeŋ detaŋgya tuum man koraŋ nɛ,

mɔɔ yee nombiikum daale ya.

Nawolo nyi n kpuɛna maŋ.

nyɔ okpokpo na n gbutu,

ne fɛɛna me wɔe.

4 Doo nyi me dɔŋ yeŋ detaŋgya tuum man koraŋ nɛ,

mɔɔ yee nombiikum daale ya.

Nawolo nyi n kpuɛna maŋ.

nyɔ okpokpo na n gbutu,

ne fɛɛna me wɔe.

1 Degbeŋgyoo yɛna ma keŋmaŋee na ma nyeekelɛɛ,

amɔte yaa maa yee?

Degbeŋgyoo te me yeuwɔ kagyoo,

amɔte ne gyaela waa ŋmaase maŋ.

14 Kɛɛ Degbeŋgyoo siaman,

seŋ keŋkeŋ na n ke nyiŋ konɔɔ,

na n ke kɛɛ Degbeŋgyoo siaman.

24 Ɛmɛɛ baŋ pou ɛ loo gyakaa Degbeŋgyoo dɔɔ nɛ,

ɛ nyiŋ konɔɔ na n ke yɛɛ doŋ.

8 Degbeŋgyoo kpa, <<Maa wola neŋ nombia, na maa wola neŋ gbɛɛ keŋ nyaa mo.

Maa fa neŋ nyeempɔ, na me sia ke gyakaa n dɔɔ.

1 Wurubuarɛ yɛna da keyeu kagyoo na de doŋ,

ɔ ne kyɔ daa debaŋ kamasɛ da wose kekyaŋ man.

2 Mena dɔɔ akpaa tɛɛle de wosi,

te bulase de kulii ke yala gyoo ɛpo tɔɔman,

3 te ke man loŋ da koro yɛɛ afofose,

te bulase de wosi koraŋ na dɔɔ yee ya.

3 Nyi gyakoloŋ da gyoo maŋ na, mɛɛ mo ma wose lɔ n dɔɔ.

4 Wurubuarɛ ŋon mɛɛ kɛlɛɛ ɔ nɔɔwoya,

mɛɛ mo ma wose lɔ Wurubuarɛ dɔɔ te mɔɔ ne yee ya.

Woŋ yaa deniwalaŋ waa tale yɛɛ maŋ?

17 Degbeŋgyoo de Wurubuarɛ waa mo ɔ bɛrɛɛ boele daa,

yela de nyiŋmaa man tom ke de fa daa,

ayi, yela de nyiŋmaa man tom ke de fa daa.

1 Me gyinaa me sia tee bulase,

aleŋ yaa ma kekyɔ gyae ka lee kɔŋ?

2 Ma kekyɔ gyae ka lee Degbeŋgyoo,

ŋon ɔ be yɛɛ adido na tɛɛle nɛ gyaŋ.

8 Debaŋ kamasɛ na me sia gyakaa Degbeŋgyoo dɔɔ,

Ɔ kyaa me dunoluŋ dɔɔ, mena dɔɔ kolo be tale wosi maŋ ya.

9 Degbeŋgyoo yɛna baŋ bɛɛ ŋere wɔ do nɛ keyeu kagyoo,

ŋon yɛna baŋ ba wose be kyaŋ wɔ nɛ keyeu kagyoo.

10 Baŋ ba gyeŋ n yele nɛ na mo ba wose lɔ n dɔɔ,

nawolo nyi nyaŋ Degbeŋgyoo, n te bɛɛta baŋ bɛɛ kɛo neŋ nɛ ya.

23 Tom keyɛɛ nedoŋ na mo tɔnɔɔ kɔŋ,

mɔna nɔɔwoya yakaa na mo diyem bo kɔŋ.