7 ensinamentos de Jesus para uma vida plena

37 Aw tyumubag si Jisus kanan, "Ginawa͡an mu ya kanmu Tyumanem sa kadakulaꞌ na pagka-utawun mu, aw sa kadakulaꞌ na ginawa mu, aw sa kadakulaꞌ na anenganeng mu.* 38 Sa kadég na manga suguꞌ, yeiy ya to-o matas. 39 Aw ya kadwa na suguꞌ na to-o matas: Ginawayi ya eped mu na utaw kasiling na pagginawa mu sa kanmu pagka-utawun.*

Ya sugu-anen na walaꞌ ya pasinsiya

21 Pagkatigkas yan, dyumulud si Pédro kan Jisus aw nyusip kanan, "Kay Magpalna-uway, kun gayed makasalaꞌ adi kanak ya eped ku na mangintu-uway, makapila ku sakanan pasinsiyayi? Unu, makapitu oloꞌ?"

22 Aw tyumubag si Jisus kanan, "Paglongun ta kaw na bekeꞌ oloꞌ na makapitu, manang kapituwan (70) ka pitu ka piluꞌ.

44 "Manang ini ya kanak paglongun kamayu: Ginawayi mayu baling ya kamayu manga po-on, aw panawagtawagi mayu adti Tyumanem ya manga nyamulayam kamayu.

Ya palna-u ni Jisus na diliꞌ mag-ukum sa eped

1 "Diliꞌ kamu mag-ukum sa eped na utaw, pada diliꞌ kamu uman ukuman.

33 Tibulluka mayu baling ya kamayu anenganeng adti kadég na awun ni Kasakupan na Pighari-an na Tyumanem, aw imo-a mayu ya kanan pagkaliman. Kun maynan ya imo-un mayu, sambaten nan ya kadég na kamayu kapelekan.

12 Kay pangkay singalan ya magpatastas, un saba sakanan padalemen. Aw ya utaw na magpadalem, un sakanan patasen.

Si Jisus ya dalan pasinan adti Ama

1 Migpadeleg si Jisus miglong kanilan, "Diliꞌ magkakamang ya ginawa mayu. Salig kamu sa Tyumanem, aw salig kamu uman kanak.