Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
पूरा पवित्र शास्त्र परमेशरो री प्रेरणा ते रचेया राए। ये पवित्र शास्त्र उपदेश देणे, गल़ती करने पाँदे डांटणे खे, सुदारने और धार्मिकता री शिक्षा खे फायदेमंद ए। ताकि परमेशरो रा जन हर एक खरे कामो खे करने जोगा बणो और त्यार रओ।
कअर बनाणे वाल़े दो माणूं, अक्लमंद और मूर्ख
"इजी री खातर जो कोई मेरिया गल्ला सुणी की तिना खे मानोआ, से तेस अक्लमंद माणूंए जेड़ा ऊणा, जिने आपणा कअर चट्टानी पाँदे बणाया।
मसीह रे वचनो खे आपणे दिलो रे बऊत जादा बसणे देओ। सिद्ध ज्ञानो समेत एकी-दूजे खे सिखाओ और चिताओ। आपणे-आपणे मनो रे धन्यावादो साथे परमेशरो खे पजन, स्तुतिगान और आत्मिक गीत गाओ।
जितणिया गल्ला पईले तेई पवित्र शास्त्रो रे लिखी राखी थिया, सेयो आसा री ई शिक्षा री खातर ई लिखिया ताकि आसे सब्र और पवित्र शास्त्रो री शान्तिया रे जरिए उम्मीद राखूँ।
समजदार ऊणे री शुरूआत
इस्राएलो रे राजा सुलैमानो रे जो दाऊदो रा पाऊ ए तेसरे जरिये लिखे दे समजा रे वचन:
इना वचना खे पढ़ने वाल़ेया खे समज ओर शिक्षा मिलो,
ओर सई-गल़त, सच्च ओर चूठो दे फर्क समजो,
इना वचना रे जरिये तुसा आपणे जीवनो दे अनुशासन ओर काबू पाणा सिखणा, आपणा जीवन जीऊणा ओर सेओ काम करने जो सई ओर न्याय रे ओ।
ताकि जो माणूं पोल़ा-पाल़ा ए समजौतिया रिया गल्ला खे पढ़ी की उशयार बणो,
ओर जवाना खे ज्ञान ओर विवेक मिलो;
ताकि अक्लमंद इना वचना खे सुणी की आपणी बिद्या बढ़ाओ
ओर समजदार माणूं अक्ला री शिक्षा पाओ,
जेतेरे जरिए माणूं नसीअत ओर उदारणा रा मतलब समजो,
ओर अक्लमंद माणूंए रिया गल्ला ओर तिना रिया गईरिया गल्ला खे समजो।
यहोवे रा आदर करना बुद्धिया रा मूल़ ए,
बुद्धि ओर शिक्षा खे मूर्ख लोक ई तुच्छ जाणोए।
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
ओर तूँ यहोवा आपणे परमेशरो साथे आपणे पूरे मनो ते, पूरे प्राणो ते, पूरे दमाको ते ओर आपणी पुरिया तागता ते प्यार कर। यो आज्ञा जो आऊँ आज ताखे सुणाऊँआ सेयो तुसे सदा याद राखणियां। ओर तैं यो आपणे बाल-बच्चेया खे समजयाई की सिखाणियां ओर कअरे बैठे रे, बाटा रे चलदे, लेटदे, उठदे इना री चर्चा करदे रणा।
बुरिया सलाई ते बचणा
ओ मेरे पाऊआ, आपणे बाओ रिया शिक्षा खे त्यानो साथे सुणेया,
ओर देखेया, आपणियां माया री दित्ती री शिक्षा खे छाडदा;
तिना री शिक्षा मानो तेरे सिरो रिया तँईं बांका मुकुट,
ओर तेरे गल़े खे माल़ा जेड़ी ऊणी।
व्यभिचारो रे खलाफ चतौणी
ओ मेरे बच्चेयो, आपणे बाओ रिया आज्ञा खे मानी लओ,
ओर आपणियां माया री दित्ती रिया शिक्षा खे नि छाडेयो।
तूँ इना गल्ला खे आपणियां गाठी दे बानी की दिलो दे राख;
ओर इना गल्ला खे आपणे गल़े रे आरो जेड़िया बणाई लओ।
इना गल्ला तेरे चलणे रे तेरी अगुवाई करनी,
ओर सऊँदे बखते तेरी रक्षा
ओर जागदे बखते तां साथे ज्ञानो रिया गल्ला करनिया।
कऊँकि परमेशरो री आज्ञा तो बाटा रे दिऊए जेड़िया ए,
ओर माया री शिक्षा जिन्दगिया री जोतिया जेड़ी ए,
ओर सखाणे वाल़े रा बकणा जिन्दगिया री बाट ए।
बुद्धिया खे प्राप्त कर, समजा खे बी प्राप्त कर;
सेयो पूलणिया नि, ना मेरिया गल्ला मानणियां छाडणिया।
बुद्धिया खे नि छाड तेसा तेरी रक्षा करनी;
तेसा साथे प्यार राख तेसा तेरा पईरा देणा।
बुद्धि महान् ए इजी री खातर तिजी खे पाणे री कोशिश कर;
पर समजा खे हर किमती पाँदे आसिल करी लओ।
बुद्धिया ते प्रेम राख, तेसा तूँ बढ़ाणा;
जेबे तूँ तेसा साथे लिपटी जाए, तेबे तेसा तेरी इज्जत बढ़ाणी।
जो कुछ बी मैं ताखे सखाई राखेया, तिजी खे हमेशा याद राख;
इना दे बणेया रा रओ, कऊँकि येई तेरिया जिन्दगिया रा मकसद आ।
दुष्ट लोका रिया बाटा रे पैर पनि राखणा,
ओर ना ई बुरेया लोका रिया बाटा रे चलणा।
सबी ते जादा आपणे मनो री रक्षा कर,
कऊँकि जिन्दगिया रा मूल़ स्रोत सेईए।
टेडिया गल्ला तेरे मुंए ते नि निकल़ो,
ओर चालबाजिया री गल्ल बोलणी तांते दूर रओ।
तेरिया आखी सामणे रिया तरफा खे ई लगी रिया रओ,
ओर तेरिया आखी रिया पलका आगो खे ई खुलिया रओ।
जो बी तुसे करो, त्यानो साथे सोची की करो,
तो जो बी तुसा करना से सब सफल ऊणा।
ना तो दाँणी तरफा के मुड़ना, ओर ना ई खूँजी तरफा खे;
आपणे पैर बुराईया री बाटा पाँदे चलणे ते टाई लओ।
अक्लमंदो री शिक्षा जिन्दगिया रे बराबर ए,
ओर तिजी रे जरिए लोक मौता रे फन्दे ते बची सकोए।
यहोवे रा आदर करना बुद्धिया री शुरूआत ए,
ओर परम पवित्र परमेशरो खे जाणना ई समज ए।
परमेशर ओर तेसरे लोक
ओ मेरे लोको, मेरी शिक्षा सुणो;
मेरे मुंए ते निकल़े रे वचना रिया तरफा खे त्यान देओ!
मां तुसा खे बुद्धिया रिया गल्ला बताणिया,
साथे मां पुराणे बखतो रिया गुप्त गल्ला रा पेत बताणा।
जो गल्ला आसे सुणिया, ओर समजिया
ओर म्हारे बुजुर्गे आसा गे बताईया।
प्रभुए रा गुणगाण ओर तेसरी सामर्थ ओर अचम्बे रे काम जो तिने कित्ते,
सेयो आसा तिना री ल्वादा ते गुप्त नि राखणे
बल्कि आऊणे वाल़िया पीढ़िया रे लोका गे तिजी रा बखाण करना।
ओर जेबे तेसा पीढ़िया रे सारे लोक बी मरी गे; तेबे तिना ते बाद जो दूजी पीढ़ी ऊई तिना रे लोक ना तो यहोवे खे जाणो थे ओर ना तिना कामा खे जो तिने इस्राएलो रे लोका खे कित्ते थे।
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
मण्डल़िया रे बुजुर्ग जो आपणा काम ठीक टंगो रे करोआ तिना खे सई आदर और सई मजदूरी दित्ती जाओ, खास करी की सेयो जो परमेशरो रा वचन सिखाणे और प्रचार करने रे कड़ी मईणत करोए। कऊँकि पवित्र शास्त्रो रे लिखी राखेया, "जोड़े रे बल़दा रा मूँ नि बानो," पवित्र शास्त्र एक ओरी जगा बोलोआ, "मजूरदार आपणी मजदूरिया रा अक्कदार ए।"
बेकारो री और मूर्खता री गल्ला ते बचे रा रओ, कऊँकि एड़े लोक ओर बी अभक्तिया रे बढ़दे जाणे। एड़िया गल्ला सड़े रे जख्मो जेड़िया फैलदिया जाणिया। हुमिनयुस और फिलेतुस तिना बीचा तेई एक ए।
जो कोई मसीह री शिक्षा ते पटकी जाओआ और मसीह री शिक्षा रे बणेया रा नि रंदा, तेसगे परमेशर निए। पर कोई तेसरी शिक्षा रे टीके रा रओआ, तेसगे पिता बीए और पुत्र बी।
त्योआरो रे यीशुए रा उपदेश
जेबे त्योआरो रे आदे दिन बीतीगे, तेबे यीशु मन्दरो रे आँगणो रे जाई की उपदेश देणे लगे। तेबे यहूदिये हैरान ऊई की बोलेया, "एसखे बिना पढ़े बिद्या केथा ते आईगी?" यीशुए तिना खे बोलेया, "मेरा उपदेश मेरा नि, बल्कि मेरे पेजणे वाल़े राए। जे कोई परमेशरो री इच्छा पाँदे चलणा चाओ, तो तेसखे एस उपदेशो रे बारे रे पता लगी जाणा कि ये परमेशरो रिया तरफा तेया या आऊँ आपू ते बोलूँआ। जो आपू ते कुछ बोलोआ, से आपणी तारीफ चाओआ, पर जो आपणे पेजणे वाल़े री तारीफ चाओआ, सेई परोसे रे जोगा ए और से पापी निए।
Este artigo te tocou? Faça uma oração!
+581 estão orando agora.
Junte-se à corrente de oração.