Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
ସବୁ ସାସ୍ତର୍ ଇସ୍ୱର୍ତାଂ ହିୟାଆତାତ୍ନା, ଆରି ହାତ୍ପା ହିକ୍ୟା, ଲେତ୍ନାକା, ସମାନ୍ କିନାକା ଆରି ସତ୍ ଜିବୁନ୍ ଜିଉଣା କିନାକା । ଇନେସ୍ ଇସ୍ୱର୍ତି ଲକୁ ବାର୍ତି ଆଜ଼ି ସବୁ ହାର୍ଦି କାମାୟ୍ କାଜିଂ ଜାଲ୍ଦି ଆଡୁ ।
"ଇନେନ୍ ନା କାତା ୱେନ୍ଞ୍ଜି ପାଲି କିନାନ୍, ହେୱାନ୍ ଚେଚ୍ରା କାଲ୍ ଜପି ଇଲ୍ ରଚ୍ନି ବୁଦିକାର୍ୟା ମାନାୟ୍ ଲାକେ ।
କ୍ରିସ୍ଟତି ବଚନ୍ ବେସି ବାବ୍ରେ ମି ୱାସ୍କିତ ବାହା କିଏତ୍; ଏପେଙ୍ଗ୍ ହାରିତିଂ ପୁରା ଗିୟାନ୍ ହୁଦାଂ ହିକ୍ୟା ଆରି ଚେତ୍ନା ହିୟାଟ୍, ଆରେ ଇସ୍ୱର୍ କାଜିଂ କେର୍କଣ୍, ମାଣି ଆରି ଜିବୁନ୍ନି ନାନ୍ଦ୍ ହୁଦାଂ ଜୁୱାର୍ ହୁଦାଂ କେରାଟ୍ ।
ଆରେ ଆସେଙ୍ଗ୍ ଇନେସ୍ ସାସ୍ତର୍ ଇସାବ୍ରେ ସାସ୍ ଆରି ଦୁକ୍ସାରାୟ୍ ହୁକେ ବାର୍ସି ପାୟା ଆନାସ୍, ଇଦାଂ କାଜିଂ ଆଗେ କାଡ଼୍ଦ ଇନା ଇନାକା ଲେକା ଆଜ଼ି ମାଚାତ୍, ହେ ସବୁ ମା ହିକ୍ୟା କାଜିଂ ଲେକା ଆତାତ୍ନ୍ନା ।
ଦାଉଦ୍ତି ମାଜ଼଼ି ଇସ୍ରାଏଲ୍ନି ରାଜା ସଲମନ୍ତି ହାର୍ଦିହିକ୍ୟା; ଗିୟାନ୍ ଆରି ହାର୍ଦି ହିକ୍ୟା ବୁଜାଦେଂ; ଗିଆନ୍ନିକା ବଚନ୍ ବାବି କିଦେଂ; ହାର୍ବେବାର୍, ଦାର୍ମି ଆରି ହାର୍ବାବିକିନାକା ଆରି ନ୍ୟାୟ୍ ବିସ୍ରେ ହାର୍ଦି ହିକ୍ୟା ମାନି କିଦେଂ; ହୁଦାର୍ ମାନାୟ୍ତିଂ ଜାଗ୍ରତ୍ ଆରି ବେଣ୍ଡ୍ଆ ଲଗାଂ ବିଦ୍ୟା ଆରି ପ୍ୟାସ୍ ହିଦେଂ; ଇନେସ୍ ଗିଆନି ମାନାୟ୍ ହେଦାଂ ୱେନ୍ଜି ଆଦିକ୍ ଗିଆନ୍ ପାୟାନାନ୍ ଆରି ବୁଦିକାରିୟା ହାର୍ଦି ହିକ୍ୟାନି ହିକ୍ୟା ପାୟାନାନ୍; ଆରେ, ର ହାର୍ଦିହିକ୍ୟା କାତା ଆରି ର ବାନି କାତା ଆରି ପଣ୍ଡିତାର୍ ବଚନ୍ ଆରି ହେୱାର୍ତି ଡ଼଼ୁକ୍ତି ବଚନ୍ ବୁଜା ଆନାନ୍ ।
ନିତ୍ରେମାପ୍ରୁତି ବିସ୍ରେନି ପାଣ୍ଡ୍ରାନି ଗିଆନ୍ନି ଆରମ୍; ମତର୍ ବୁଦିହିଲି ମାନାୟାର୍ ଗିଆନ୍ ଆରି ହାର୍ଦି ହିକ୍ୟାତିଂ ବେକାର୍ କିନାର୍ ।
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
ଏ ନା ମାଜ଼଼ି, ନି ଆବାତି ହାର୍ଦି ହିକ୍ୟା ୱେନା ଆରି ନି ଆୟାତି ଆଦେସ୍ ପିହ୍ମା । ଇନେକିଦେଂକି ହେଦାଂ ମି କାପ୍ଡ଼଼ାନି ଦୟାନିକା ମୁକୁଟ୍ ଆରି ଗାଡେଲ୍ନି କାଜିଂ ହାସ୍କୁ ଆନାତ୍ ।
ଏ ନା ମାଜ଼଼ି, ଏନେଙ୍ଗ୍ ଜାର୍ ଆବାତି ଗିଆନ୍ ପାଲି କିୟା, ଆରେ, ଜାର୍ ଆୟାତି ହିକ୍ୟା ପିହ୍ମା । ତାଦାଂ ନିତ୍ରେ ମି ମାନ୍ତ ଗାଚ୍ଚି ଇଟା, ଜାର୍ ଗାଡେଲ୍ତ ଗାଚା । ଏପେଙ୍ଗ୍ ତାଙ୍ଗ୍ନି ୱାଡ଼଼ାଲିଂ ହେଦାଂ ମିଙ୍ଗେଙ୍ଗ୍ ହାଜ଼଼ି ଚଚ୍ଚାନାତ୍, ଆରେ ହୁଞ୍ଜିନି ୱେଡ଼଼ାଲିଂ ହେଦାଂ ମିଙ୍ଗ୍ କାତ୍ନାକା ଆଦ୍ନାନ୍; ଏପେଙ୍ଗ୍ ଚେତ୍ନାନି ୱେଡ଼଼ାଲିଂ ହେଦାଂ ମି ଲାହାଂ ଆଲାନାନ୍ । ଇନେକିଦେଂକି ହେ ବଲ୍ ବଇଟା; ଆରି ହେ ହିକ୍ୟା ଅଜଡ଼୍; ଆରି ହିକ୍ୟାନି କେତ୍ନାକା ଜିବୁନିଂ ହାଜ଼଼ି;
ଗିୟାନ୍ ଆର୍ଜା ଆଡ, ହାର୍ବାବ୍ନା ଲାବ୍ କିୟାଟ୍, ହେଦାଂ ବାଣା ଆମାଟ୍; ଆରେ, ନା ୱେଇନି ବଚନ୍ତାଂ ବିନେ ଆମାଟ୍ । ହେଦାଂ ପିହ୍ମାଟ୍; ହେବେ ହେୱାନ୍ ନିଙ୍ଗେଙ୍ଗ୍ ପାଲି କିଦ୍ନାନ୍; ତାଙ୍ଗେଙ୍ଗ୍ ଜିଉନୱାଟ୍, ହେବେ ହେୱାନ୍ ନିଙ୍ଗେଙ୍ଗ୍ ରାକ୍ୟା କିଦ୍ନାନ୍ । ଗିଆନ୍ ସବୁତିଂ ଗାଜା ବିସ୍ରେ, ଲାଗିଂ ଗିୟାନ୍ ଲାବ୍ କିୟାଟ୍; ଆରେ, ମି ହାର୍ବାବ୍ନା ଲାବ୍ କିୟାଟ୍ । ତାଙ୍ଗେଙ୍ଗ୍ ୱାରି କିୟାଟ୍, ହେବେ ହେୱାନ୍ ମିଙ୍ଗେଙ୍ଗ୍ ଉନ୍ନତି କିଦ୍ନାନ୍; ତାଙ୍ଗେଙ୍ଗ୍ ପମ୍ତିସ୍, ହେୱାନ୍ ମିଙ୍ଗେଙ୍ଗ୍ ଜାଜ୍ମାଲ୍ କିଦ୍ନାନ୍ ।
ହାର୍ଦି ହିକ୍ୟା ଡାଟ୍ କିଜ଼଼ି ଆହାଟ୍; ହେଦେଲିଂ ପିହ୍ମାଟ୍; ହେଦେଲିଂ ଇଟାଟ୍; ଇନେକିଦେଂକି ହେଦାଂ ମି ଜିବୁନ୍ । ବାନ୍ୟାର୍ତି ହାଜ଼଼ି ବିତ୍ରେ ହଣ୍ମାଟ୍ ଆରି ଦୁସ୍ଟ ମାନାୟାର୍ତି ହାଜ଼଼ିତ ହାଲ୍ମାଟ୍ ।
ନି ମାନ୍ତିଙ୍ଗ୍ ବେସି ଜାତୁନ୍ ଇଟାଟ୍; ଇନେକିଦେଂକି ହେବେନି ଜିବୁନ୍ତାଂ ଚିନ୍ତା ହନାତ୍ । ଜାର୍ତାଂ ଟାଡ୍ରି ବେରଣ୍ ଦେହା କିୟାଟ୍ ଆରି କୁର୍ଲିୟା କାତା ମି ୱେଇଦାଂ ବେସି ଦେହା ଇଟାଟ୍ । ମି କାଣ୍କୁ ଆଗେ ହୁଡ଼଼ାଟ୍ ଆରି ମି କାଣ୍କୁନି ମେଟା ମି ଲାଗାଂ ଆଡେସ୍ ହୁଡ଼଼ାଟ୍ । ଏନେଙ୍ଗ୍ ଜାର୍ ପାନା ଆଡେସ୍ କିଜ଼଼ି କିୟା ଆରି ମି ସବୁ ହାଜ଼଼ି ତିର୍ ଆଏତ୍ । ତିନି କି ଡେବ୍ରି ନିପ ହାଲ୍ମାଟ୍, ଆରେ ମି ପାନା ବାନ୍ୟାତାଂ ଦେହା କିୟାଟ୍ ।
ହାକିନି ଡ଼ୁକାତାଂ ବାଚାନି ମାନାୟ୍ କାଜିଂ ଗିଆନ୍ନି ବିଦି ଜିବୁନ୍ ଚୁରାଣ୍ ଲାକେ ଆନାତ୍ ।
ନିତ୍ରେମାପ୍ରୁତି ବିସ୍ରେତିଂ ପାଣ୍ଡ୍ରୁ ଆତିସ୍ ଗିୟାନ୍ତ ଆରାମ୍, ଆରେ, ଦାର୍ମିନିକାନ୍ ବିସ୍ରେ ଗିୟାନ୍ ଲାବ୍ କିତିସ୍ ହାର୍ ବିଚାର୍ ଆନାତ୍ ।
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
ଇମ୍ଣି ପ୍ରାଚିନାର୍ ହାର୍ ଚାଲାୟ୍ କିତାର୍, ବେସି କିଜ଼ି ଇମ୍ଣାକାର୍ ବଚନ୍ ପର୍ଚାର୍ ଆରି ହିକ୍ୟାତ କସ୍ଟ କିତାର୍, ହେୱାର୍ ରି ଗୁଣ୍ ୱାରି ପାୟାନି ଜଗ୍ ଇଞ୍ଜି ଗାଣା କିୟା ଆନାର୍, ଇନେକିଦେଂକି ଦରମ୍ ସାସ୍ତର୍ ଇନାତା, "ତାସ୍ ତ୍ରେସ୍ନି ୱାଡ଼ାଂ ବଇଲା ୱେଇଦ କତ୍ରା ଗାଚ୍ମାଟ୍ ।" ଆରେ କାମାୟ୍ କିନାକାନ୍ ଜାର୍ କୁଲି ଡାବୁଂ ପାୟାନି ହକ୍ ।
ମାତର୍ ପଲ୍ୟା କାତାବାର୍ତାତାଂ ବିନେ ମାନାଟ୍; ଇନେକିଦେଂକି ଇମ୍ଣାକାର୍ ହେବେ ଲାଗାନାର୍, ହେୱାର୍ ଅଦାର୍ମିତ ଆଦିକ୍ ବାଡାନାର୍, ଆରେ ହେୱାର୍ତି କାତା ହାପ୍ତି ଗାୱ୍ ଲାକେ ତିନ୍ଜି ହାନାତ୍ ହେୱାର୍ ବିତ୍ରେ ହୁମନାୟ ଆରି ପିଲିତ ରିକାର୍;
ଇନେନ୍ କ୍ରିସ୍ଟତି ହିକ୍ୟାନି ହାନ୍ଦି ବିତ୍ରେ ମାନ୍ୱାଦାଂ ହେଦାଂ ନାତିସ୍, ହେୱାନ୍ ଇସ୍ୱର୍ତିଂ ଗାଟାୱାତାନ୍ନା; ଇନେନ୍ ହିକ୍ୟାନି ହାନ୍ଦି ବିତ୍ରେ ମାନାନ୍, ହେୱାନ୍ ଆବା ଆରି ମାଜ଼ିଙ୍ଗ୍ ରିଆରିଂ ଗାଟାତାନ୍ନା ।
ମାତର୍ ପାର୍ବୁନି ଆଦା ସମୁ ହାଚି ପାଚେ, ଜିସୁ ମନ୍ଦିର୍ତ ହାଲ୍ଜି ହିକ୍ୟା ହିଦେଂ ଲାଗାତାନ୍ । ଇବେ ଜିହୁଦି ନେତାର୍ କାବା ଆଜ଼ି ଇଚାର୍, "ଇୱାନ୍ ପାଟ୍ ପଡ଼ିକିୱାଦାଂ ଇନେସ୍ ପୁଚାନ୍ ?"
ଲାଗିଂ ଜିସୁ ହେୱାରିଂ ଉତର୍ ହିତାନ୍, "ନା ହିକ୍ୟା ନା ଜାର୍ତି ଆକାୟ୍, ମାତର୍ ନାଙ୍ଗ୍ ପକ୍ତାତାକାନ୍ତି ଇସ୍ୱର୍ତାଂ ୱାନି ହିକ୍ୟା ହିନାଙ୍ଗା । ଇନେର୍ ଜଦି ଇସ୍ୱର୍ ଇଚା ମାନି କିଦେଙ୍ଗ୍ ମାନ୍କିନାନ୍, ତା ଆତିସ୍ ଇ ହିକ୍ୟା ଇସ୍ୱର୍ତାଂ ଆତାତ୍ନ୍ନା, କି ଆନ୍ ନି ତାକେଣ୍ଡାଂ ଇଞ୍ଜ୍ନାଙ୍ଗା, ହେଦାଂ ହେୱାନ୍ ପୁନାନ୍ । ଇନେନ୍ ଜାର୍ତାଂ ଇନାନ୍, ହେୱାନ୍ ନିଜେ ଜାଜ୍ମାଲ୍ ପାୟା ଆଦେଂ ଦାହ୍ନାନ୍, ମାତର୍ ଇନେନ୍ ଜାର୍ ପକ୍ତାତାକାନିଂ ପାଦ୍ ପାୟା ଆଦେଂ ଦାହ୍ନାନ୍, ହେୱାନ୍ ହାତ୍ପା ଇନାନ୍, ଆରେ ତାତାକେ ଇନାକାପା ଅଦାର୍ମି ମିଚ୍ ହିଲୁତ୍ ।