Ensinar

16 Kesanglaisiu pelane Tinggwang ne ngngi gaibeu, nah cide keledeu ziemne, mide kehesiu ziemne, mide tei kemzui ziemne, nah mide kecung pwa tei masanglu kera ziemne pe keyi bam, 17 iciu eh Tinggwang gwatei kelabe de peu yicanglu eh bata keyi leune teilu kerane.

Kiketei kemriak nah kemieme

24 "Ciziemne, keheibe de a sam aidungde siulu delwe tei mzai kelame au makecime ge tsura reu gage pe ki tei kelume ge nzwa da.

16 Peu Khrista sambe de nnuida kepui tei eh bamlu. Maci pelane teu eh hangge gede ledeu nah maranglia lu. Lei, ketwalei nah kereca leidung teu Tinggwang de twa eh nnui lung gade pe dage lei tei gailu.

4 Kedanemene pedwa Kesanglaisiu ga raupwa kelade au anuide ledeulu kera ziemne raupwala, iciu eh Kesanglaisiu ga helungketie nah teikengkuu gade anui keregui ge bamlu kerane.

Keraisam

1 David napei Israel gwangpei Solomon* macisamdung.

2 Macisamdung aidungde au maci nah keledeusam ledeu kerane,

pekie kecoksamdung ledeu kerane,

3 iciu eh nnui keledeusam cide ngaulu eh

petaube, kemzuibe nah kesamsangbe tei eh lungh lu kerane.

4 Macisamdung cidung mang eh kelame de tei mriak lu

nah rehangmedung de peu ma cilu nah ma petaube teilu kerane.

5 Makecime de peu kingnei lu eh penui maci kieesi kelu teilu

nah kecikecet kebamme de peu puisau ngaukelu teilu,

6 macisamdung, samgwa,

nah makecime samdung nah penui samregwadung cilu kerane.

7 RAMPAUBE de kerüt au maci bangdwabe

kemangme maci nah keledeu de mlaila.

5 Nnui Rampaube nnui Tinggwang de hung zie nnui mlung pekiene teu, nnui keringria pekiene teu, nah nnui kengkieng pekiene teu eh. 6 Samdung Ih henai nnuida kai kegaide nnui mlung ga lazie; 7 nah cide nnui lung kai eh nnui name de ledeu zie; nnui cide ha rangzie nnui nnui kiga ntum kebam daude, nnui lampui kiga tetkela daude, nnui zeu kebam daude, nah nnui cuh kecu daude.✝

Mide Kehemeu Kemmau

8 A na, n pei ncu marang kelia de kingnei lu

nah n pui keledeusamdung de keu kezia diso;

9 cidungde n peu ga peurwa keyi ge zie

nah heteiria n ngwang gage gwak kebam nzwa.

Kemmha de Kemmau

20 A na, n pei teilo kebeube mzai lu

nah n pui ledeu kebeube gi diso.

21 Cidungde n lung gage kang nzeu pwabam muilu;

cidungde n ngwang gage keulu.

22 Nang tet keladau, cidungde ncu sau beuzie;

nang zip kebamdau, cidungde ncu gum beuzie;

nah nang nrak cuh kecudau, cidungde ncu ledeu beuzie.

23 Kedanemene ajadung au mitaubung ge, nah keledeusam au kebaa ge;

keledeusam au kering lampuibe da.

5 Maci nah kecikecet teulu;

Ih rangkegai samdung de nsungta so nah keugi diso;

6 Maci gi diso, iciude pa n mapie la zie;

pecu hunglu, iciude pa ncu peu kwak luzie.

7 Maci au ma nlangtube, cine maci luulu

nah nang ngaukelu pelane gade kecikecet luulu.

8 Maci de hunglu, iciude pa ncu teucuh beuzie;

pecu gailu, iciude pa ncu kerüt teugwang beuzie.

13 Keledeusam de herakteu bamlu, cide püt diso;

cide gumlu, kedanemene cide n teilung delu.

14 Kesiame lampui pwaso

nah kemau tei kelame cai suiso.

23 N mlung de peu kwak eh bamlu nah sünne eh gum teu pwabam lu,

kedanemene cide gade kering duirwak lwapet lalu.

24 Sam petau kemakbe n dade keugi dilu,

nah samkesiabe n dade keu mdei dilu.

25 Peu n miak mzuizang eh pielu,

nah n dwa ga kebam de pie mting lu.

26 N pi ziemne lampui kensambe teilu;

iciude nang ketei leune kwak luzie.

27 Zetle mede hile ge nreu gaiso;

makesiabe gade nreu tet dilu.

14 Makecime keledeusam au kering duilet ge,

ncu ketsai baih gade teu nzia beu zie.

10 RAMPAUBE mie kehing au maci bangdwa be,

nah Kemci Tinggwang lungcet au maci.*

Gwangkela Ceheu dage rang beulo

1 A keledeu kingnei lu, a minadung,

Ih kerang samdung kingnei lu.

2 Ih maregwa gade marang zie;

Ih leitei zie ndaa kebai pwa kebam samdung dele.*

3 Sam aidungde anui siu nah ci kelube,

anui paume anui dage rangkebeu samdung.

4 Anui penuide kebainzeu dilak penui name dade.

Anui pecai lungh keleume de ranglia zie RAMPAUBE twalu kebui ta teikegai ha de,

pe kengkieng, nah miswakegahdung pa teikegai de.*

10 Joshua ceheu pelane penui paumedung da gwang ngkwa keludau, ceheu keda ge penui cai lunghcuh dailu, penui RAMPAUBE de cima nah pa Israel ziemne tei kegai tadung de.✝

17 Ngqwa ga hangkiamedung hezaibe teusiakte kelame, keraide mide ma ranglia nah ledeu kelamedung de rüt mtingki lulo. 18 Kedanemene Kesanglaisiu rangla, "Nang hetumseu ciuneu kebam gede pe mui kang helo," nah, "Hetaketeibe pe ziehi ngaulu kerabe."*

16 Sam keherabe nah kemtabe sam kerangdung gade mbailu, cide mide kesangbe gade gwa mdei reureu dila, 17 nah penui sam au hezam keteei nzwa teei mdi reureu dila, cidung kakgade Hymenaeus penai Philetus de si da,

9 Mina keheibede ntwa tetdi eh Khrista keledeu ga bamlu tadicai Tinggwang peda la meda.* Keledeu dega bam kelube, aipaude Peibe de nah Nabe de peda la.

Jisu hengyi gade keledeu

14 Hengyi sumge ga cangla kedi dau, Jisu kerecaki ga nghang lu nah ledeu cuh di. 15 Ge Jewmedung penui swaga eh, ranggai, "Mina aide dainzwa kesanglaisiu cilu dino, kedanemene pa laisiu kecime gede ma?" 16 Ge Jisu penui sam keli eh rangdi, "A keledeu au agu ma, dede acu lang kegaibe pe dade gwang. 17 Magade keheibe de pe lungning teineu lacai, pa ci luzie keledeu aide ha, Tinggwang dade gwang mi, mede Ih akatei a dade rangla bi kecu. 18 Pekatei pe dade rang kelabe pekatei pe kendu peeila, dede pecu langkegaibe dade kendu peei kelabe au kesangbe da, nah peda masangkemak bam ma.