Ensinar

16 Malembu Mananagala goseri galembwa kwa ulongoziya wa Mlungu na gaherepa mukufundira unakaka, kuberiziya na kuwabera kutenda vikondola na kuwalonguziya wantu walikali makaliru yagamfiriziya Mlungu. 17 Su, muntu yakamtendera Mlungu kaweri na kila shintu shashifiruwa mukutenda lihengu lya Mlungu kaweri kala nakamu kwa kutenda kila lihengu liheri.

Wanyawa numba wawili

24 "Su, kila muntu yakapikanira visoweru vyangu na kuvitenda, kalifana na muntu kana luhala yakanyawa numba yakuwi pampindi pa litalawu.

16 Ujumbi wa Kristu ulikali mngati mwenu. Pamuhera na ulunda wakuwi woseri. Mulifundi na kalitakuziana kwa luhala loseri, mwimbi zaburi, na lwimbu za shirohu, mumwimbili Mlungu mumioyu kwa kulonga mayagashii.

4 Goseri yagalembitwi galembwa kutufunda twenga su kulawirana na hepera na manemu gatupananwa na Malembu Mananagala aga tupati kuwera na matumbiru.

Uherepa wa Mesali

1 Ayi ndo mesali ya Selemani mwana mpalu gwa Dawudi, mfalumi gwa Israeli.

2 Mesali azi viwapanana wantu luhala na migendelanu miheri, su viwatenda wavimani visoweru vya luhala. 3 Mesali azi kayi zimtanga muntu kulikala kwa luhala na kutenda yagamfiriziya Mlungu na kutenda pota kulola uwega woseri. 4 Viwapanana luhala yawahera umani na wantemba umani su waliloleri weri. 5 Yakana luhala kalupikiniri na kongera umani wakuyi na yakana umani kapati mlonguziwu, 6 su muntu kavimani mana ya mesali na mifanu na mana ya visoweru vya wana luhala na vitendawiri vyawu.

Malagalira kwa wantemba

7 Kumguwira Mtuwa Mlungu ndo shanjiru sha umani, kumbiti wazigizigi wabeziya luhala na walema kulifunda.

5 Mumfiri Mtuwa Mlungu gwenu kwa myoyu yenu yoseri na kwa rohu yenu yoseri na makakala genu goseri. 6 Namugalyaluwa malagaliru aga yanuwapanana leru. 7 Muwafundi aga wana wenu kayi na kayi. Hamuwatambiri aga ukaya kwenu ama pamgenda mwanja ama pamgenda kugonja ama pamwimuka.

8 Mwanagwangu, gupikanili mlonguziwu gwa tati gwaku, pota nagugaleka mafunda ga mawu gwaku. 9 Aga hagaweri lijenjeri liherepa pamtuwi paku na handa mkufu gwaguherepa msingu mwaku.

Maberiziwu toziya ya uhumba

20 Mwanagwangu, gukoli malagalira ga tati gwaku, pota kulyaluwa mafunda ga mawu gwaku, 21 gugatuli mumoyu gwaku mashaka goseri, gugatawi handa ukufu musingu mwaku. 22 Hagakulonguziyi munjira mwaku, hagakuloleri shaka pagugonja, hagakugambiziyi shaka paguwera masu paliwala. 23 Toziya malagalira aga ndo handa koroboyi na lagiru ali ndo handa langala. Maberiziya gakuyi ndo handa njira yayilonguziya muukomu.

5 Gupati luhala, gupati umani, nagulyaluwa pota kubeziya visoweru vyangu. 6 Nagumleka luhala nayomberi hakakutuliweri, gumfiri nayomberi halukuloleri. 7 Mlandu gwa mana nentu ndo kulipanana luhala; gulaviyi vyoseri vyaguweriti navi gupati umani. 8 Gumsheri nentu luhala nayomberi hakakukwisi, pagumkolera hakakupanani ligoya.

13 Gukoleri mafunda ga luhala nagumleka kakupoti, gugaloleri weri toziya ndo ukomu waku. 14 Nagulingiziya munjira ya wakontola, pota nagufata vyawatenda wantu wadoda.

23 Guloleri weri moyu gwaku, toziya amu ndo kwazilawa mbwiru za ukomu. 24 Nagutakula visoweru vyavipotiziya na milomu yaku nayitakula visoweru vya mpayu. 25 Masu gaku galoli kulongolu kwa ugangamala, guloli kulongolu magenda. 26 Guyitandi njira zyagupitira na maleka gaku hagaweri magangamala. 27 Nagugalambuka kumliwu pota kumshigi, gukali kutali na ukontola.

14 Mafunda ga yawana luhala ndo mbwiru ya ukomu, imtenda muntu kushapila migomiziwu ya kuhowa.

10 Kumguwira Mtuwa Mlungu ndo lyanjiru lya luhala na kummana yulii mnanagala ndo kupata mahala.

Mlungu na wantu wakuyi

1 Mpikiniri mafunda gangu, mwenga wantu waneni,

mpikiniri vyantakula.

2 Hantakuli na mwenga kwa mafumbu,

hantakuli vitwatira vyavififikiti kwanjira makashu,

3 galii gatupikiniriti na kuvimana,

galii gawatugambiriti wazewi wetu.

4 Hapeni tuwafifi wana wetu,

kumbiti hatushitambili shiyuwuku shashiza,

matendu yagafiruwa zyuma kwa Mtuwa Mlungu na uwezu wakuyi,

hatuwagambiri makangashu gakuyi gakatenditi.

10 Shakapanu wantu woseri wa shiyiwuku shakuyi wahowiti, shifata shiyiwuku shimonga shilii shimumaniti ndiri Mtuwa Mlungu ama vitwatira virii vyakawatenderiti wantu wa Israeli.

17 Wazewi wawalongoziya wantu uweri wafiruwa wanki shibenamgongu nentu, ndo kwa walii yawatenda lihengu kwa gangamala mukubwera na kufunda. 18 Toziya Malembu Mananagala ngalonga. "Nagumtawa ng’ombi mlomu pakafikisiya mbunji," Na kayi "Mtenda lihengu kafiruwa kwanka shibenamgongu shakuwi."

16 Gulikali kutali na visoweru vyavimfiriziya ndiri Mlungu na vya shizyigizyigi, toziya geni gongera kuwatenda wantu waweri kutali na Mlungu. 17 Mafundu ga ntambu ayi ndo handa lilonda lyalikula kanongola na kuliya nshimba. Pakati pawu yawafunditi aga ndo Himenayu na Filetu.

9 Muntu yoseri yakashapira na kulikala ndiri mumafundu kuusu Kristu, kumbiti kankuvyongera vitwatira vyamonga mumafundu, muntu ayu kahera Mlungu. Muntu yoseri yakalikala mumafundu kuusu Kristu, yomberi kawera na Tati na Mwana.

14 Msambu agu pagusokiti pakati na kumalirika, Yesu pakagenditi Mnumba nkulu ya Mlungu, kanjiti kufunda. 15 Wakulu wa Shiyawudi walikangashiti nentu, walongiti, "Iwera hashi muntu ayu kerewa nentu, nayomberi kagenditi ndiri kushuli?"

16 Yesu kawankula, "Shilii shanfunda shilawa kwaneni ndiri, ira shilawa kwa Mlungu, ndo mweni yakantumiti. 17 Muntu yakafira kutenda galii gagafira Mlungu, haguvimani handa mafundu gangu galawa kwa Mlungu, ama neni nfunda kwa uwezu wangu namweni. 18 Muntu yakatakula kwa uwezu wakuwi mweni, kankusakula uzyumi wakuwi mweni. Kumbiti ulii yakasakula uzyumi wa ulii yakantumiti, ayu ndo mwaminika na mngati mwakuwi kwahera ufyangu woseri.