5 A̱ Ka̱shile kaꞋa koci wuma u va̱ u ciya̱i kuvuka,

wa̱ a̱ ni u ɗa n keɗei a̱pa̱Ꞌa̱.

7 Shamgba shiriri u Vuzavaguɗu,

ka̱na̱ ka̱ɗu ka̱ nu vu vana yi,

ka̱ta̱ vu na̱mgba̱ ka̱tsuma̱,

adama a ulyaꞋi u kelime u vuza ba,

ko u vuza vu ulyaꞋi,

a̱ ka̱tsuma̱ ka̱ a ubuta̱ wo ofoɓuso a ka gbani-gbani ka̱ ni ba.

9 Aza a na a zuwai a̱ɗu u Vuzavaguɗu,

i ta̱ a kuyaꞋan ida̱shi i le m ma̱ta̱na̱ a iɗika ya,

ama i ta̱ o kuloko aza a gbani-gbani,

34 Neke ka̱ɗu u Vuzavaguɗu,

ka̱ ta̱ kpamu vu yongo a uye u ni,

a̱yi tana wi ta̱ a kuzuwa wu vu ciya̱ uka̱ni wi iɗika ya,

vi ta̱ e kene o kuloko uma a gbani-gbani.

1 N vana ta̱ uɓa̱nki u Vuzavaguɗu,

u zuwakai mu atsuvu a̱ ni,

ɗa u panai ma̱shi ma̱ va̱.

5 N zuwa ta̱ ka̱ɗu ka̱ va̱ u Vuzavaguɗu,

wuma uva̱ wa̱ ni ɗa u ɗa wi,

kpamu a kadanshi ka̱ ni ka n zuwai ka̱ɗu ka̱ va̱.

6 Wuma u va̱ wi ta̱ a mali ma Vuzavaguɗu

ali u laꞋa tsu na aza a kindi

a ci yaꞋan mali ma na ene usana.

mayun, u laꞋa ta̱ tsu na aza a kindi

a ci yaꞋan mali ma na ene usana.

3 Aza a na a zuwai a̱ɗu e le wa̱ a̱ nu,

i kupana wono ba,

ama yaꞋan aza a unambi wu usuɓi a pana wono.

15 Vuzavaguɗu, n zuwa ta̱ ka̱ɗu wa̱ a̱ nu,

Vuzavaguɗu Ka̱shile ka̱ va̱, avu ɗa va̱ ku ushuku mu.

14 Zuwa ka̱ɗu u Vuzavaguɗu,

vu gbama asuvu, vu yaꞋan utsura u ka̱ɗu

zuwa ka̱ɗu u Vuzavaguɗu.

31 Ama aza na e nekei a̱ɗu e le u Vuzavaguɗu

i ta̱ a̱ kuciya̱ utsura u savu.

Ka̱ta̱ a imkpa gaɗi n evelyu tsu kajimba,

I ta̱ a kusuma ama o koꞋo ba.

I ta̱ a kuyaꞋan nwalu ama a̱ kulima̱ ba.

2 Vuzavaguɗu, pana asuvayali a̱ tsu,

ci neke ta̱ a̱ɗu a̱ tsu wa̱ nu.

Okpo katsura ka̱ tsu ayin dem,

ka̱ta̱ visa tsu ayin a na baci atakaci a̱ ta̱wa̱i.

4 Ali n ayin a cau babu vuza na u saꞋwai kene,

babu kpamu kutsuvu ku na ku saꞋwai kupana,

babu ka̱shi ka na ka saꞋwai kene Ka̱shile ka na ka laꞋi nu,

vuza na u ci yaꞋanka aza na i a kuvana yi ulinga.

22 Ka̱ta̱ vu dana, <<Mi ta̱ a kutsupa ka gbani-gbani,>>

Ama ka̱sukpa̱ Vuzavaguɗu, a̱ yi ɗa u ku wawa wu.