Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Gumtumbiri Mtuwa Mlungu.
Guweri na moyu, naguwuya kumbeli.
Yina gumtumbiri Mtuwa Mlungu.
Nivimana kuwera haniwuwoni uheri wakuyi
Mtuwa Mlungu muisi yawalikala wantu wakomu.
Gumtumbiri Mtuwa Mlungu.
Guweri na moyu, naguwuya kumbeli.
Yina gumtumbiri Mtuwa Mlungu.
Maluwa ga zyuma
Mtuwa Mlungu ndo langala yaneni na ulopola wangu,
nimtiri gaa?
Mtuwa Mlungu ndo liboma lya ukomu wangu,
hapeni nimtiri muntu yoseri.
Wakontola pawankomanga na kufira kundaga,
wasinganu na wankondu waneni hawalikwali na kuguwa.
Ata lishonta palizyengeta,
moyu gwangu hapeni gutiri shintu,
ata pawera na nkondu,
badu nimtumbira Mtuwa.
Mlandu gumu nimluwa Mtuwa Mlungu,
na gweni ndo yanigusakula,
nilikala mnumba mwa Mtuwa Mlungu mashaka goseri ga kulikala kwangu,
niwuwoni uherepa wakuyi Mtuwa Mlungu na
kusakula malonguziwu gakuyi Muhekalu lyakuyi.
Lishaka lya ntabiku hakanfifi munumba mwakuyi,
hakanfifi muliringu lyakuyi,
na hakantuli poneka pa litalambuhi.
Naneni haniwakanki wankondu wangu yawazyengeta.
Hanimlaviliri tambiku kwa nemeleru Mulihekalu lyakuyi,
hanimbi na kumnemelera Mtuwa Mlungu.
Gwee Mtuwa Mlungu gupikinili, panukulilira,
gumoneri lusungu na gunankula.
Moyu gwangu gung’ambira,
gwizi gumsakuli Mtuwa Mlungu,
su niza kwa gwenga, gwee Mtuwa Mlungu.
Nagushififa sheni shaku,
Nagunkalalira na kunema neni ntumintumi gwaku,
gwenga guwera mtanga gwangu mashaka goseri;
nagunasa pota kundeka,
gwee Mlungu mlopola gwangu.
Ata walela waneni pawanasa,
Mtuwa Mlungu hakananki kwakuyi.
Gunfundi njira yaku,
gwee Mtuwa Mlungu, gunonguziyi munjira yayiwera teratera,
toziya ya wankondu waneni.
Nagundeka wankondu wantendi ntambu yawafira,
toziya wakapitawu wa upayu wafira wantendi,
na womberi walaviya matiriziwu ga unkesera.
Nivimana kuwera haniwuwoni uheri wakuyi
Mtuwa Mlungu muisi yawalikala wantu wakomu.
Gumtumbiri Mtuwa Mlungu.
Guweri na moyu, naguwuya kumbeli.
Yina gumtumbiri Mtuwa Mlungu.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Lwimbu lwa kulonga mayagashii
Nimheperiti Mtuwa Mlungu kwa uhepelera,
yomberi kapikinira kulira kwangu.
Kambusiyiti mulilindi lya mbulagu,
kandaviyiti mumadika ga kutyerebuka,
kang’olosiya poneka pampindi pa litalabuhi
na kugangamaziya maleka gangu.
Kanfunditi lwimbu lwasyayi,
lwimbu lwa zyuma kwa Mlungu gwetu.
Wavuwa hawawoni na kutira na kumtumbira Mtuwa Mlungu.
Mbaka muntu yakamtumbira Mtuwa Mlungu,
muntu yakawatumbirandiri wantu yawaliwona,
pota wantu yawayowera mpayu.
Gwee Mtuwa Mlungu, Mlungu gwangu, gutenda mirandu ivuwa yayiwalangikandiri,
gutenda mirandu yakulikangasha kwa twenga, kwahera yakaweza kuyilewelera.
Hambweri na kuyitakula,
kumbiti gavuwa nentu kugatambira.
Gwenga gufiriziwitindiri na tambiku na malaviwu,
tambika za kulunguziya wankanyama pota za kuwusiya vidoda guzifirandiri,
kumbiti gunupa makutu nikupikiniri.
Shakapanu ntakuliti, "Nakala,
kugatenda yagalembitwi mushitabu sha lagiru,
Gwee Mtuwa Mlungu,Mlungu gwangu, kutenda mafiru gaku, ndo nemeleru yaneni,
lagiru yaku niyikola kwa moyu gwangu goseri!"
Ntamba visoweru viheri vya ukombola,
kulongolu kwa lijojoniku likulu lya wantu.
Ntambu yaguvimana gwee Mtuwa Mlungu,
neni nililewelerandiri kuvibwera visoweru vyaku.
Ndekandiri kutakula mirandu yaku ya haki,
mbwera mashaka goseri kuwera gwenga ndo mlopola mwaminika,
niligambiriti lijojoniku likulu lya wantu visoweru vya uheri waku na waminika waku.
Gwee Mtuwa Mlungu, naguleka kumonera lusungu lwaku!
Ufiru waku na uwaminika waku vintula weri mashaka goseri.
Maluwa ga kuluwa utanga
Zyengetwa na ntabiku zaziwalangikandiri,
makontola gangu gangibikira ata wezandiri kuwona,
ndogavuwa kuliku mvili kumtuwi gwangu,
naneni twezukamoyu.
Gwee Mtuwa Mlungu nikuluwa gundopoli,
gwizi kalongola kuntanga.
Yawafira kundaga waweri na soni na wasoniziwi!
Awa yawafira ntenduwi,
wawuyi kumbeli na kusonizika.
Miyoyu ya twenga imtubira Mlungu;
yomberi ndo mtanga gwetu na lusegeyu lwatwenga.
Yina tunemelera toziya yakuyi,
twana matumbiru mu litawu lwakuyi linanagala.
Gwee Mtuwa Mlungu ufiru waku yawahera upeleru ulikali natwenga,
mana tukutumbira gwenga.
Nimutumbira Mtuwa Mlungu kwa moyu gwangu goseri,
nishitumbira shisoweru shakuyi.
Nimtumbira Mtuwa Mlungu kwa moyu gwangu goseri,
kuliku walolera yawahepelera kushiyi,
kuliku walolera yawahepelera mandawira
Nimlola Mlungu gweka yakuyi,
kwakuyi ntula litumbiru lyangu.
Gumtumbiri Mtuwa Mlungu na kukolanjira yakuyi,
na yomberi hakakutendi guyihali isi,
na kuwawona wakontola pawagamiziwa.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Gumtumbiri Mtuwa Mlungu kwa moyu gwaku goseri, pota nagulitumbira mahala gaku gamweni. Gumholi Mtuwa Mlungu mukila lyagutenda, nayomberi hakakulonguziyi njira zaku.
Viraa twenga tunemelera ntabika zya twenga, toziya twenga tuvimana kuwera ntabiku ijega uhepelera, na uhepelera ujega unakaka kwa Mlungu na unakaka ujega litumbiru.
Mlungu kawapanani makakala kwa uwezu wakuwi muukwisa wakuwi, su muwezi kugangamala mukila shintu kwa uhepelera.
Kumluwa Mlungu kwa njimiru
Su walongu wangu, muhepeleri mpaka Mtuwa pakiza. Muloli yakalima ntambu yakahepelera kwa kuhepera vimeru vyakuwi vilaviyi mabenu gagafiruwa nentu. Yomberi kahepelera kwa kuhepera kwanjira vula zya kuyalira mpaka vula zya upeleru. Namwenga vulaa mfiruwa kuhepelera, mgoloki weri munjimiru yenu toziya lishaka lya kusoka kwakuwi Mtuwa lyapakwegera.
Tuwashema womberi mbaka toziya wahepeleriti. Mpikaniriti visoweru vya uhepelera wa Ayubu, na muvimana ntambu Mtuwa yakamtenderiti muupeleru. Toziya Mtuwa kamema lusungu na manemu.
Vinu mwenga mulipunga maweni kwa kuujimira unakaka, su mwenga muwafira nakaka wayenu pota na ufyangu, su mulifiri nakamu kwa moyu gwoseri. Toziya mpananitwi ukomu wa syayi, ulii yawulawiti ndiri mumbeyu yayiharabika, kumbiti kulawa mumbeyu yayiharabika ndiri kwa njira ya ujumbi wa Mlungu yawuwera ukomu na wa mashaka goseri. Malembu Mananagala ntambu yagalonga,
"Kila muntu kalifana na mahamba,
na ukwisa wakuwi woseri ulifana na uluwa wa mahamba.
Mahamba ganyala, na uluwa utuluka. Kumbiti ujumbi wa Mtuwa ulikala mashaka goseri."
Ujumbi awu ndo Shisoweru Shiwagira shamubweleritwi.
Mtuwa kakawa ndiri kugatenda galii gakalagiliti gambira wantu wamonga ntambu yawalihola kuwera hakakawi. Yomberi kahepelera toziya ya mwenga, toziya kafira ndiri ata yumu gwenu kagamiri, kumbiti kawakwega woseri wapati kuleka vidoda vyawatenda.
Mfanu gwa walii lilongu
"Shaka ashi Ufalumi wa kumpindi ulifana hangu. Kuweriti na walii lilongu yawatoliti koloboyi zawu na wagenditi kumwanka mpalu gwa ndowa. Wamuhanu wamu waweriti na mahala na wamuhanu wamonga waweriti wazigizigi. Wazigizigi walii watoliti koloboyi zyawu pota kutola mafuta ga motu ga shigubukiru. Kumbiti wanaluhala walii watoliti mafuta ga motu gatosha msupa zyawu. Mpalu gwa ndowa kakawiti kwiza, su walii woseri wanjiti kusizira na wagonjiti.
"Paiweriti kala lugonu kuweriti mashowanganu, ‘Aya aya mpalu gwa ndowa! Mgendi mwakamwanki!’ Walii lilongu walii wimuka na wazitandira koloboyi zyawu. Shakapanu wazigizigi walii wawagambira wanaluhala walii, ‘Mtupungulili mafuta ga motu, toziya koloboyi zya twenga zankugenda kutenda tiya.’ Wanaluhala walii wawankula, ‘Ndala, toziya mafuta ga motu gatutosha ndiri twenga pamuhera na mwenga. Mgendi kuvikolija mwakahemeri maweni.’ Su wazigizigi walii pawagenditi kuhemera mafuta ga motu, mpalu gwa ndowa kasoka. Na walii wamuhanu walii yawaweriti kala wingiriti pamuhera na mpalu gwa ndowa mnumba ya msambu na shakapanu ligomi litatwa.
"Shakapanu walii wamonga walii wawuya. Su womberi wabotanga, ‘Mtuwa, mtuwa! Gutuvuguliri ligomi!’ Nayomberi hakawankuli, ‘Ndala, nuwamana ndiri mwenga!’ "
Na Yesu kamalaliriti kwa kutakula, "Mulikali weri, toziya muvimana ndiri lishaka ama lisaa."